| e-texts navigator |
| Wylie |
60a1 ཏིང་ངེ་འཛིན་ལ་སྙོམས་པར་ཞུགས་ནས། སྒྱུ་འཕྲུལ་དྲ་བའི་རྒྱུད་ཀྱི་དམ་ཚིག་དང་། དཀྱིལ་འཁོར་དང་རི་མོའི་གཟུགས་དང་། བསྒོམ་པ་དང་། བཟླས་བརྗོད་དང་། སྟང་སྟབས་དང་། སྦྱོར་བ་དགོད
60a2 པ་དང་། ཏིང་ངེ་འཛིན་དང་། དབབ་པ་དང་། བསྐྲད་པ་དང་། དབྲོག་པ་དང་། དགུག་པ་དང་བཅིང་བ་དང་། བརྡེག་པ་དང་བསྡིགས་པ་དང་། ཉམ་ཐག་པར་བྱ་བ་དང་གཅད་པ་དང་བསྲེག་པ་དང་། བསྐང་བ་དང་སྤུནཔ
60a3 ད་དབང་བསྐུར་པ་དང་སྦྱིན་པ་དང་། སློབ་དཔོན་དང་། སློབ་མ་གཟུང་བ་དང་། གསང་སྔགས་མང་པོའི་འཇོག་ཚུལ་རྣམས་ངས་བཤད་པར་བྱའོ།། དེའི་ཕྱིར་ཁྱོད་ཀྱིས་ཀྱང་ཏིང་ངེ་འཛིན་མཆོག་ལ་སྙོམས་པར་ཞུགས་ལ་ཉོན་ཅིག།
60a4 དེ་ནས་དེ་བཞིན་གཤེགས་པ་དེ་དག་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་དང་། གཞན་ཡང་གང་དག་འཁོར་དུ་འདུས་པ་དེ་དག་ཐམས་ཅད་ཀྱིས་ཆོས་ཀྱི་འཕེལ་བའི་གཏམ་མཉན་པ་བརྩམས་སོ།།
60a5 དེལ་རེ་ཤིག་དང་པོ་དངོས་གྲུབ་ནི་སློབ་དཔོན་ཆོས་ཀྱིས་རྗེས་སུ་འབྲང་བ་ཡིན་པས།། སློབ་དཔོན་མེད་པར་གྱུར་ན་ནི།། དངོས་གྲུབ་ཐོབ་པར་མི་འགྱུར་བས།། སློབ་དཔོན་མཚན་ཉིད་བཤད་པར་བྱ།། ཡེ་ཤེས་སྙིང
60a6 པོ་ཁྱོད་ཉོན་ཅིག། བརྟན་ཞིང་དུལ་ལ་བློ་གྲོས་ལྡན།། བཟོད་ལྡན་དྲང་ཞིང་གཡོ་སྒྱུ་མེད།། གསང་སྔགས་རྒྱུད་ཀྱི་སྦྱོར་ཤེས་པས།། དཀྱིལ་འཁོར་བྲི་བའི་ལས་བྱའོ།། དེ་ཉིད་བཅུ་ནི་ཡོངས་ཤེས་ཤིང་།། སེམས
60a7 ཅན་ཀུན་ལ་མི་འཇིགས་སྦྱིན། ཐེག་པ་ཆེ་ལ་རྟག་དགའ་བ།། དེ་ནི་སློབ་དཔོན་ཡིན་པར་གསུངས།། ཕྱི་རོལ་བསྟན་བཅོས་ཡོངས་ཤེས་ཤིང་།། ཉན་ཐོས་རྣམས་ཀྱི་ལམ་འགྲོ་དང་། གསང་བ་དེ་ཉིད་བསྡུས་པ་དང
60a8 ཐེག་པ་ཆེན་པོ་མི་ཤེས་པ། སྙིང་རྗེ་ཡོད་པ་མ་ཡིན་དང་། དད་མེད་བརྩོན་འགྲུས་མི་ལྡན་ལ། རྟག་ཏུ་ངན་པའི་ཚུལ་སྤྱོད་དང་། བསྟན་བཅོས་རྣམས་ལ་སྨོད་པ་མིན།། གོང་དུ་བསྟན་པའི་མཚན་ཉིད་དང་།། ལྡན་ན
iiif viewer powered by OpenSeadragon
