| e-texts navigator |
| Wylie |
160a1 པར་བསྒྲུབ། ། ཙར་ཙི་ཀཱ་སོགས་རྣམས་ཀྱིས་མཆོད།། དེ་ལ་སྡིག་པ་རབ་ཏུ་བཤགས།། ལུས་དང་ངག་དང་ཡིད་རྣམས་ཀྱིས།། ཡང་དག་སྡིག་གྱུར་བྱས་དེ་བཞིན།། བདག་གིས་དེ་བཤེགས་གང་ཞིག་ཡང་།། དུས
160a2 གསུམ་མགོན་མཛོད་རྗེས་ཡིད་རང་། ། རྫོགས་པའི་སངས་རྒྱས་མཚུངས་རྣམས་ཀྱི།། བསོད་ནམས་ཚོགས་ལ་རྗེས་ཡི་རང་།། རྫོགས་པའི་སངས་རྒྱས་དམ་ཆོས་དང་།། ཚོགས་མཆོག་རྣམས་ལ་བདག་སྐྱབས་མཆི།། ཡོན་ཏན་རྒྱ
160a3 མཚོ་ཁྱེད་རྣམས་ལ། ། བདག་གི་ལུས་འདི་དབུལ་བར་བགྱི།། གནས་དང་ཆོས་ཀུན་སྟོན་པ་དང་།། ཤིན་དུ་མཐར་ཡང་མཛེས་པ་དང་།། ཡང་དག་རྫོགས་པའི་སངས་རྒྱས་ཀྱི།། དེ་ཉིད་སྦྱིན་སོགས་གཟུགས་ཅན་གྱི།། སྐུ་གསུམ
160a4 ཡེ་ཤེས་ཐོབ་བྱའི་ཕྱིར། ། བསྟེན་ཅིང་འདི་ལ་རབ་ཏུ་དང་།། སེམས་ཅན་རྣམས་ཀྱི་དོན་བྱེད་ཕྱིར།། བྱང་ཆུབ་སེམས་དག་བདག་གིས་བསྐྱེད།། གང་ཞིག་བསོད་ནམས་ཉེར་བསགས་རྣམས།། རྫོགས་པའི་བྱང་ཆུབ་བདག་གིས
160a5 བསྔོ། ། འགྲོ་འདི་ཀུན་ལ་ཕན་མཛད་ཕྱིར།། དཔལ་ལྡན་གཤིན་རྗེ་མཐར་བྱེད་གྱུར།། ལྷག་པར་སྨོན་ལམ་འདི་བྱས་པས།། དེ་རྣམས་ལ་ནི་གཤེགས་སུ་གསོལ།། བརྩེ་བས་བྱང་ཆུབ་བཞིན་དུ་བལྟ།། ཁམས་གསུམ་རྣམས
160a6 ནི་སྟོང་པར་བསམ། ། རང་བཞིན་གྱིས་ནི་སྦྱོར་བྲལ་བས།། རྒྱུ་དང་དེ་བཞིན་མཚན་ཉིད་ལ།། རྣམ་པར་རྟོག་པ་བྲལ་བ་དང་།། ལྷ་དང་སྨོན་ལམ་རྣམ་པར་སྤངས།། ཨོཾ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀ་ཏ། ཡང
160a7 བབཞི་ལ་དཀྱིལ་འཁོར་བསྡུས་ནས་བྷྲཱུཾ་ཡིག་ལས་སྐྱེས་པའི་གཞལ་ཡས་ཁང་བསྒོམ་པར་བྱའོ། ། ཟུང་བཞི་པ་དང་སྒོ་བཞི་པ། རྟ་བབས་བཞི་ཡིས་བརྒྱན་པ་ལ།། དྲབ་དྲ་ཕྱེད་ཀྱིས་སྤྲས་པ།། ལྷ་དང་ལྷ་མོས་ཤིན་དུ་མཛེས།།
160a8 བདན་དྲིལ་བུ་བཅས་པ་རྣམས།། སྣ་ཚོགས་རྩེ་མོ་རླུང་གིས་བསྐྱོད།། པཾ་ཡིག་ལས་ནི་དེ་དབུས་གནས།། སྣ་ཚོགས་པད་མ་རྣམ་པར་བསམ།། དེ་ཡི་ཟེ་འབྲུའི་དབུས་གནས་ལ།། སྣ་ཚོགས་རྡོ་རྗེ་དབྱུག་པར་བཅས།། ཡོངས་སུ
iiif viewer powered by OpenSeadragon
