| e-texts navigator |
| Wylie |
144b1 བདག་ཉིད་ཀྱིས་མཚན་མོ་གང་གི་མིང་དང་བཅས་པར་སྦྱིན་སྲེག་བརྒྱ་རྩ་བརྒྱད་བྱས་ན་བདག་ཉིད་ཀྱི་ནེར་དང་བཅས་པ་དབང་དུ་འགྱུར་རོ། ། རྟའི་ག་རྣམ་པར་སྣང་མཛད་དང་བཅས་པ་གཤིན་རྗེ་གཤེད་ཀྱི་སྔགས་ཀྱིས་སྦྱིན་སྲེག
144b2 བརྒྱ་རྩ་བརྒྱད་གནས་གཅིག་ཏུ་གནས་ལ། མཚན་མོ་རྒྱལ་པོ་ལ་དམིགས་ནས་བྱས་ན་ཞག་བདུན་གྱིས་འཁོར་དང་བཅས་པ་དབང་དུ་འགྱུར་རོ།། གླང་པོའི་ཤ་ཁྲ་བ་དང་བཅས་པས་མིའི་འཇིག་རྟེན་ཀུན་ལ་དམིགས་ལ
144b3 ཡི་གེ་བཅུ་པའི་སྔགས་ཀྱིས་མཚན་མོ་སྦྱིན་སྲེག་སྟོང་བྱས་ན་ཞག་བདུན་གྱི་དབང་དུ་འགྱུར་རོ། ། ཉ་དང་ཤ་དང་ཆང་དང་བཅས་པས་འཇིགས་པ་མེད་པར་ཡི་གེ་བཅུ་པའི་སྔགས་ཀྱིས་སྦྱིན་སྲེག་བརྒྱ་རྩ་བརྒྱད་བྱས་ན་བུད
144b4 མེད་ཐམས་ཅད་དབང་དུ་འགྱུར་རོ། ། དེ་ནས་སྤད་པར་འདོད་ན། བྱ་རོག་གི་ཤམ་འདྲས་པར་ཡི་གེ་བཅུ་པའི་སྔགས་ཀྱིས་གང་གི་མིང་དང་བཅས་པར་སྦྱིན་སྲེག་སྟོང་བྱས་ན་ཉི་མ་བདུན་གྱིས་རྡོ་རྗེ་འཛིན་པ་ལ་བུ་ཡང་རབ་ཏུ
144b5 འབྲོས་ན། ཕྲ་མོའི་མིལ་ཅི་སྤོས།། དེ་ནས་བྱ་རོག་གི་ཚང་དང་འབྲས་ཀྱི་ཕུབ་མ་དང་ལྷན་ཅིག་ཏུ་དྷ་དུ་རའི་ཤིང་གིས་མེ་རབ་ཏུ་སྦར་ནས། ཡི་གེ་བཅུ་པའི་སྔགས་གང་གི་མིང་དང་བཅས་པར་ནམ་བྱེད་ན་སྦྱིན་སྲེག་བྱས་ན།
144b6 ཉི་མ་བདུན་གྱིས་སྲོད་པར་འགྱུར་རོ།། དེ་ནས་དབང་དུ་བྱ་བར་འདོད་ན་སེང་ལྡེང་གི་མེ་ལ་ཏིལ་དང་འབྲས་དང་བུད་མེད་ཀྱི་མེ་ཏོག་དང་ལྷན་ཅིག་ཏུ་རྡོ་རྗེའི་ཆུ་དང་བསྲེས་ཏེ། རྣལ་འབྱོར་གྱི་གཟུགས་དམར་པོ་དམིགས
144b7 ནས་ཁ་ནུབ་ཏུ་བཟླས་ཏེ། ཡི་གེ་བཅུ་པ་གང་གི་མིང་དང་བཅས་པར་སྔགས་པས་བསྲེགས་ན། ཉི་མ་བདུན་གྱིས་དབང་དུ་འདུས་ཏེ་ཇི་སྲིད་འཚོའི་བར་དུ་མི་འབྲལ་ལོ།། དེ་ནས་འགུགས་པར་འདོད་ན་བདུད་རྩི་ལྔ་མར་དང
144b8 བཅས་པར་སེང་ལྡེང་གི་མེ་ལ་གང་གི་མིང་དང་བཅས་པར་ཡང་སྦྱིན་བསྲེག་བརྒྱ་རྩ་བརྒྱད་བྱས་ན་དེ་སྐད་ཅིག་གིས་འོང་བར་འགྱུར་རོ། ། ལས་འདི་རྣམས་ནི་སྔོན་ཏུ་བསྙེན་པ་བྱས་པའི་སྔགས་པས་བྱའོ།། གཞན
iiif viewer powered by OpenSeadragon
