| e-texts navigator |
| Wylie |
143b1 ལ་མེ་ཐབ་གྲུ་གསུམ་བྱས་ནས། དེར་སྔོན་དུ་གསུངས་པའི་རྫས་ཀྱིས་གཏུམ་པོའི་མེ་ལ་སྦྱིན་བསྲེག་བྱ་སྟེ། སྦྱོར་བ་དེས་ནི་ལས་དེ་ཉིད་འགྲུབ་བོ།། དེ་ནས་འབྲལ་བར་འདོད་ན་བྱ་རོག་དང་འུག་པ་དང་རྨ་བྱ་དང
143b2 སྦྲུལ་དང་སྐྲ་དང་འབྲས་བུ་བ་དང་མ་ཧེ་དང་། རྟའི་ཤ་དང་། ལྷན་ཅིག་ཏུ་གང་གི་མིང་དང་བཅས་པར་ཡི་གེ་བཅུ་པའི་སྔགས་ཀྱིས་དུར་ཁྲོད་ཀྱི་མེ་ལ་སྲེགས་ན་ངེས་འབྲལ་བར་འགྱུར་རོ།། ཡང་ན་དུར་ཁྲོད་ཀྱི་ཤིང་ལ
143b3 གཏུམ་པོའི་མ་རབ་ཏུ་སྦར་ལ་ཁྱིམ་དུ་གནས་ཏེ། གོང་གི་རྫས་དེ་བསྲེགས་ན། རྡོ་རྗེ་འཛིན་པ་ལྟ་བུ་ཡང་ཉི་མ་བདུན་གྱིས་འབྲལ་ལོ།། དེ་ནས་བསྐྲད་པར་འདོད་ན་བྱ་རོག་གི་ཤ་དང་། རྔ་མོའི་དྲུག་པ་དང་ལྷན་ཅིག
143b4 ཏུ་ཆང་དང་ཡང་དག་པར་ལྡན་པ་རླུང་གི་དཀྱིལ་འཁོར་གྱི་དབུས་སུ། དུར་ཁྲོད་ཀྱི་ཤིང་ལ་མེ་རབ་ཏུ་སྦར་ལ། གཅེར་བུ་སྐྲ་བཤིག་པར་བསྒྱུར་ནས། ཁ་ལྷོ་ཕྱོགས་སུ་བལྟས་ཏེ། གཤིན་རྗེའི་སྔགས་ཀྱིས
143b5 ཆེ་གེ་མོའི་མིང་དང་བཅས་པར་ལག་པ་གཡོན་པས་སྦྱིན་བསྲེག་སྟོང་བྱས་ན་སྐྲོད་པ་ལས་གཞན་དུ་མ་ཡིན་ནོ། ། དེ་ནས་རེངས་པར་འདོད་ན། བ་བླ་དང་ཡུང་བ་དང་ལྡོང་རོས་དང་གི་ཝང་དང་བཅས་པས་དཀྱིལ
143b6 འཁོར་གྲུ་བཞི་པ་བྱས་ལ་ཁ་བྱང་དུ་བལྟས་ཏེ་ལས་ཀྱི་རྗེས་སུ་འབྲང་བའི་སྦྱོར་བ་དམིགས་ནས། གང་གི་མིང་དང་བཅས་པར་སྦྱིན་བསྲེག་བྱས་ན། དེ་ཉི་མ་བདུན་གྱིས་རེངས་པར་འགྱུར་རོ།། དེ་ནས་གྲོང་བླ་སྐད
143b7 པར་འདོད་ན། ནིམ་པའི་ཤིང་ལ་མེ་རབ་ཏུ་སྦར་ལ། ཁྱིའི་ཤ་དང་སྦལ་བའི་ཤ་དང་ཁྱིམ་བྱའི་ཤ་དང་རྔ་མོའི་རྟུག་པ་དང་བྱི་ལའི་ཁྲག་གཅིག་ཏུ་སྦྲུས་ལ། གཤིན་རྗེའི་སྦྱོར་བ་ལ་གནས་པས། གྲོང་གི་མིང་དང་བཅས
143b8 པར་ཡི་གེ་བཅུ་པའི་སྔགས་ཀྱིས་རླུང་གི་དཀྱིལ་འཁོར་གྱི་དབུསུ་སྦྱིན་བསྲེག་སྟོང་ཕྲག་བཅུ་བྱས་ན་གྲོང་སྐྲོད་པར་འགྱུར་རོ། ། ལས་དེ་རྣམས་ནི་ཤིན་དུ་ཡང་མཉམ་པར་གཞག་པར་བྱ་སྟེ། གཞན་དུ་ན་སྔགས་པ
iiif viewer powered by OpenSeadragon
