| e-texts navigator |
| Wylie |
139a1 འདི་ཡི་ལས་རྣམས་ནི་གཞན་སུ་ལ་ཡང་སྨྲ་བར་མི་བྱའོ།། གལ་ཏེ་སྔགས་པ་རྨོངས་པའི་བདག་ཉིད་ཅན་གྱིས་བྱེད་ན་དམྱལ་བར་ངེས་པར་ལྷུང་ངོ་།། དཀོན་མཆོག་གསུམ་ལ་གནོད་པར་བྱེད་པ་དང་། བླ་མ
139a2 ལ་བརྙས་པར་བྱེད་པ་དང་། དམ་ཚིག་དང་བྲལ་བ་དང་། སྔགས་དང་བྲལ་བ་དང་། སྔགས་དང་རྒྱུད་ལ་འཕྱ་བར་བྱེད་པ་དང་སེམས་ཅན་ལ་འཚོ་བ་འདི་རྣམས་ལ་ཕན་པའི་ཕྱིར་སྔགས་པས་སྙིང་རྗེས་གདུངས་པའི་སེམས
139a3 ཀྱིས་གནོད་པ་རབ་ཏུ་སྦྱོར་བ་བྱའོ། ། གལ་ཏེ་གཞན་ལ་བྱས་ན་དམ་ཚིག་ཉམས་ནས་ཚ་བ་ཆེན་པོར་འགྲོའོ།། དེས་རྒྱུད་གཞན་དུའང་བཤད་དེ། སློབ་དཔོན་ལ་ནི་སྨོད་བྱེད་དང་། ཐེག་པ་ཆེན་པོ་སྐུར་པ་དང་། སྔགས
139a4 རྒྱུང་རབ་སྦྱོར་ཡེ་ཤེས་ལ། འཕྱ་བར་བྱེད་པའི་མི་གང་དག། དེ་ནི་འབད་ལ་གསང་བར་བྱ།། ཡང་ན་གནས་ནས་གཡོ་བར་བྱ།། རྣལ་འབྱོར་སྙིང་རྗེ་མང་བ་ཡིས།། གཞན་ལ་རུང་རུང་བྱས་ན་ནི།། དེ་ལ་དེ་བཞིན་ལས་དེ
139a5 ནི། ། ཕྱིར་ལྡོག་པར་ནི་འབྱུང་བར་འགྱུར།། ཅི་ཕྱིར་སེམ་ཅན་ཐོ་བརྩམ་ཕྱིར།། རྣལ་འབྱོར་པ་ནི་འདི་ལའོ།། འདི་ལ་འཇམ་དཔལ་འཇམ་པའི་མཆོག། དཔལ་རྡོ་རྗེ་འཇིགས་བྱེད་ཆེན་པོའི་རྣལ་འབྱོར་གྱི་རྒྱུད་ལས།
139a6 ཐམས་ཅད་གྲུབ་པའི་རྟོག་པ་སྟེ་གཉིས་པའོ།། ། དེ་ནས་གོ་རིམས་ཇི་ལྟ་བ་ཚོགས་སྔགས་བཏུབ་རབ་ཏུ་གསུངས་ཏེ། རབ་ཏུ་གཙང་བའི་ཡུལ་ཁམས་སྔགས་པས་གནས་ལ་སྔགས་བཏུ་བར་བྱསྟེ།
139a7 ཇི་ལྟར་དྲུག་པའི་དང་པོ་དང་།། ལྔ་པ་ཡི་ནི་ལྔ་པ་དང་།། དྲུག་པ་ཡི་ནི་གཉིས་པ་ལ།། དབྱངས་ཡིག་གཉིས་པ་དང་ལྡན་པ།། གཉིས་པ་ཡི་ནི་གསུམ་པ་ལ།། ཡང་ནི་དབྱངས་ཡིག་གཉིས་པ་ལྡན།། བདུན་པ་ཡི་ཡང་གསུམ
139a8 པ་དང་། ། བཞི་པ་ཡི་ཡང་གསུམ་པ་ལ།། དབྱངས་ཡིག་བཅུ་གསུམ་དང་ལྡན་པ།། ལྔ་པ་ཡི་ཡང་ལྔ་པ་ལ།། དབྱངས་ཡིག་བཅུ་གཅིག་དང་ལྡན་པ།། དུག་པ་ཡིན་ཡོད། དྲུག་ཡེ་པོག་ཉིས་འགྱུ་དང་། ཡ་ནཱི་གིས་བ་བྱེན།
iiif viewer powered by OpenSeadragon
