| e-texts navigator |
| Wylie |
137b1 ལ་བཅུ་གན་ཞག་བདུན་གྱིས་ཐེ་ཚོམ་མེད་པར་སྨོད་པར་འགྱུར་རོ། ། དེ་ནས་གཞན་ཡང་རབ་ཏུ་སྦྱོར་བ་གསུངས་ཏེ། ཉི་མའི་ཚེ་ས་གཏུམ་བ་རོལ་བའི་མར་ཁུས་ཐུགས་ལ་ནིམ་པའི་ཤིང་ལ་འཛེགས་ནས། དེར་བཞག་ལ།
137b2 དེའི་ལུས་ཀྱི་མར་ཁུ་ཉ་ཕྱིས་ཀྱིས་བཞར་ལ་དེར་གནས་པར་བཟུང་ངོ་།། མར་ཁུ་དེ་བླངས་ནས་ལྷ་ཆེན་པོའི་རྒྱལ་མཚན་གྱི་རས་བླངས་ལ་དེ་བསྲེགས་པའི་བར་གྱི་དུབས་དྲེག་པ་དེ་དང་མར་ཁུ་དེ་གཅིག་ཏུ་བྱས་ལ
137b3 བསླད་པར་འདོད་པ་དེའི་མཆིལ་ལྡམ་ལ་དེ་བསྐུའོ། ། དེའི་ལག་པ་དང་རྐང་པ་གཉིས་ལ་ཡང་བྱུགས་ན་སྐད་ཅིག་གིས་དེ་བསྐྲོད་དོ།། དེ་ནས་གཞན་ཡང་རབ་ཏུ་སྦྱོར་བ་གསུངས་པ་ནི་དུར་ཁྲོད་ཀྱི་རས་སམ། གྲོ་གའི
137b4 ལོ་མ་ལ་རུང་གི་དཀྱིལ་འཁོར་བྱ་རོག་གི་ཁྲག་དང་། བྱ་རོག་གི་སྦུ་གུས་བྲི་བར་བྱ་སྟེ། རླུང་གི་དཀྱིལ་འཁོར་གྱི་དབུས་སུ་བསྒྲུབ་བྱའི་མིང་དང་སྤེལ་གཏོར་མ་ཟ་བའི་མགྲིན་པར་བཅིངས་ལ། བྱ་རོག་བཟུང་ནས
137b5 མ་ཧེའི་གདོང་པའི་སྦྱོར་བར་གནས་པའི་ཁ་ལྷོར་ལྟས་ལ་འཕང་སྟེ། དེའི་སྐད་ཅིག་གིས་བྱ་རོག་བཞི་ན་ས་ཀུན་ཏུ་འཁོར་རོ།། གཞན་ཡང་བསྐྲད་པ་ནི་ཚ་བའི་མར་ཁུས་བསྐུས་ལ་ནིམ་པའི་ཤིང་ལས་གཏོར
137b6 མ་ཟ་བའི་ཆད་བླངས་ལ། ཆང་དེའི་ཤིང་པའི་ནགས་ཀྱི་ཤིང་མེས་བསྲེགས་པའི་ཐལ་བ་དེ་བླངས་ལ། གང་གི་མགོར་ཐུགས་པ་དེ་བསྨོད་པར་འགྱུར་རོ།། གཞན་ཡང་དབྱེ་བའི་རབ་ཏུ་སྦྱོར་བ་ནི། བྱ་རོག་དང
137b7 འུག་པའི་བཤོག་པ་དང་། བྲམ་ཟེ་དང་གཏུམ་པོ་རྣམས་ཀྱི་སྒྲ་གཅིག་ཏུ་བྱས་ལ། དྷ་དུ་རའི་ཤིང་ལ་མེ་རབ་ཏུ་སྦར་ཏེ། དུ་བ་མེད་པའི་མེས་བསྲེགས་ལ། དེའི་ཐལ་བ་བླངས་ལ་ཡི་གེ་བཅུ་པའི་སྔགས་བཟླས
137b8 ནས་བུད་མེད་དང་སྐྱེས་པ་གཉིས་ཀྱི་བར་དུ་ཐལ་བ་བཞག་ན། དེ་སྐད་ཅིག་གིས་འབྱེད་པར་བྱེད་དོ།། དེ་ནས་དུར་ཁྲོད་ཀྱི་རས་བླངས་ལ་དུག་ལ་སོགས་པའི་རྫས་ཀྱིས་ཟན་པའི་བར་དུ་བསྒྲུབ་བྱའི་མིང་བྲིས
iiif viewer powered by OpenSeadragon
