| e-texts navigator |
| Wylie |
135b1 པོ་ལ་སོགས་པའི་ཤ་རྣམས་དབུལ་བར་བྱའོ། ། ཤིན་ཏུ་མཉམ་པར་བཞག་པས་བཟའ་བ་དང་།། སྟོན་མོ་དང་། སྦྱིན་སྲེག་དང་། གཏོར་མའི་ལས་བྱའོ།། དཀྱིལ་འཁོར་གྱི་གྲཝ་ཐམས་ཅད་དུ་ཁྲག་གིས་ཕྱག་ཆག་བྱའོ།། དཔལ
135b2 རྡོ་རྗེ་འཇིགས་བྱེད་མ་ཧེའི་གདོང་གིས་སྦྱོར་བ་ལ་གནས་པས་ལྷ་བཤོས་ཐམས་ཅད་དབུལ་བར་བྱའོ། ། དེ་ནས་སྔགས་པས་སྔོན་དུ་སྤྱད་པ་བྱ་སྟེ། བདག་ཞི་བར་གྱུར་པའི་ཤིན་དུ་མཐུན་པའི་གྲོགས་སམ། བདག་གཅིག
135b3 བུ་རྣམ་པར་སྣང་མཛད་ཀྱིས་ལུས་བྱུགས་ཏེ་གཅེར་བུར་ཕུད་ནས་སྒྲ་གསིལ། མཚན་བྱེད་ན་ཅང་ཏེའུ་དཀྲོལ་ལ་ཧ་ཧ་ཞེས་བྱ་ཞིང་མཉམ་པར་གཞག་སྟེ། རྡོ་རྗེ་འཇིགས་བྱེད་ཆེན་པོའི་དཀྱིལ་འཁོར་དུ་དངོས་གྲུབ་འདོད
135b4 པས་འཇུག་པར་བྱའོ། ། རབ་ཏུ་ཞིམ་པའི་ཚད་ལ་སོགས་པ་བཏུང་བ་དང་། བཟའ་བའི་རོ་རྣམས་དབུལ་ལོ།། ཕྱི་ནས་དངོས་གྲུབ་དང་། དངོས་གྲུབ་མ་ཡིན་པ་ལ་དམིགས་ལ་དེའི་སྟེང་དུ་དཔལ་རྡོ་རྗེ་འཇིགས་བྱེད་ཆེན་པོ
135b5 མ་ཧེའི་གདོང་ཅན་བསམ་པར་བྱའོ། ། དེའི་མདུན་དུ་གཡས་བསྐུམ་དུ་གནས་ལ་ང་རྒྱལ་དང་བཅས་པས། སེམས་རྩེ་གཅིག་ཏུ་ཤིན་ཏུ་མཉམ་པར་བཞག་པས་ཡི་གེ་བཅུ་པའི་སྔགས་བཟླ་བར་བྱའོ།། དེ་ནས་འཇིགས
135b6 པ་ཆེན་པོ་བྱུང་ན། དེ་ལ་སྔགས་པས་འཇིགས་པར་མི་བྱ་སྟེ། གལ་ཏེ་འཇིགས་པར་གྱུར་ན། དེ་ལ་བགེགས་ཆེན་པོའི་བར་ཆོད་འབྱུང་ངོ་།། བར་ཆད་བྱུང་ན་དངོས་གྲུབ་མི་འགྲུབ་པོ།། དེ་བས་ན་སྔགས་པས་འཇིགས་པར
135b7 མི་བྱ་སྟེ། དེ་ལ་དཔལ་རྡོ་རྗེ་འཇིགས་བྱེད་ཆེན་པོ་དགྱེས་སོ།། དགྱེས་ནས་ཁྱོད་ཅི་འདོད་ཅེས་གསུང་བ་དང་། དེ་ལ་རིག་འཛིན་གྱིས་སྨྲ་བར་བྱ་སྟེ། རལ་གྲི་དང་། ས་འོག་དང་། མི་སྨན་དང་། གསེར་འགྱུར་དང་། བཅུད་ཀྱིས
135b8 ལེན་པ་འམ། དེ་ལས་གཞན་ཡང་ཡིད་ལ་འདོད་པའི་དངོས་གྲུབ་ངེས་པར་བདག་ལ་གསོལ་གཅིག་ཅེས་བརྗོད་ན། དེ་ལ་ཐེ་ཚོམ་མེད་པར་སྩོལ་ལོ།། བརྒྱ་ཞིག་ལ་སྔགས་པས་དེ་དག་མ་གྲུབ་ན་ཡང་དེའི་འཕྲ་མོའི
iiif viewer powered by OpenSeadragon
