| e-texts navigator |
| Wylie |
134b1 པའི་འཁོར་ལོའི་རྒྱུད་ཆུད་ཀྱི་རྒྱལ་པོ་རྫོགས་སོ། ། ། པ་ཏིཏ་པཱ་རོ་ཕྱག་རྡུམ་གྱི་ཞལ་སྔ་ནས། ར་རྡོ་རྗེ་གྲགས་ཀྱིས་བསྐུར་ཅིང་ཞུས་ཏེ་གཏན་ལ་ཕབ་པ།
134b2 རྒྱ་གར་སྐད་དུ། ཤཱི་བཛྲ་མ་ཧཱ་བྷཻ་ར་བ་ནཱ་མ་ཏན་ཏྲ།། བོད་སྐད་དུ། དཔལ་རྡོ་རྗེ་འཇིགས་བྱེད་ཀྱི་ས་བྱ་བ། དཔལ་རྡོ་རྗེ་འཇིགས་བྱེད་ཆེན་པོ་ཁྲོས་པའི་རྒྱལ་པོ་ཆེན་པོ་ལ་ཕྱག་འཚལ་ལོ།།
134b3 དེ་ནས་རྡོ་རྗེ་འཇིགས་བྱེད་ཀྱི།། བསྒྲུབ་པ་ཡང་དག་རབ་བཤད་དེ།། དེ་ཡིས་ལྷ་རྣམས་ཐམས་ཅད་ལ།། དྲག་ཤུལ་ཆེ་ཞིང་འཇིགས་པར་བྱེད།། དེ་ལ་ཐོགས་མར་སྔགས་པས་ཡིད་དུ་འོང་བའི་གནས་གང་ཡང
134b4 རུང་བར་གནས་ལ་དགོས་པ་ཐམས་ཅད་བསྒྲུབ་པར་བྱའོ། ། དེ་ལ་གནས་གསུངས་པ་ནི། རུ་ཁྲོད་དམ།། ཆུ་ཀླུང་གི་འགྲམ་མམ། ཤིང་གཅིག་གམ། མཚན་མ་གཅིག་པ་འམ། བཞི་མདོ་འམ། རིའི་རྩེ་མོ་འམ།
134b5 ཁང་སྟོང་ངམ། མ་མོའི་ཁྱིམ་མམ། ལྷའི་ཁང་པ་འམ། འཐབ་མོའི་གནས་སམ། གྲོང་ཁྱེར་རམ། ནགས་ཁྲོད་དམ། ཁྲོང་པར་ལ་སོགས་པའི་གནས་སུ་སྔགས་པ་གནས་ཏེ། ང་ལ་རྡོ་རྗེ་འཇིགས་བྱེད་ཆེན་པོའི་རྡོ་རྗེའི
134b6 འཁོར་ལོའི་མིང་གི་རྒྱུད་འདིར་དབང་བསྐུར་བའི་རྣལ་འབྱོར་པས་དབང་དང་། དགུག་པ་དང་གསང་བ་དང་སྤྲད་པ་དང་དབྱེ་བ་དང་རེངས་པ་དང་། རབ་ཟི་དང་མིག་སྨན་དང་ས་འོག་དང་རི་ལུ་དང་གསེར་འགྱུར་དང་བཅུ
134b7 ཀྱིས་ལེན་པ་དང་ནོར་དང་། འབྱུང་པོ་དང་རོ་ལངས་དང་ཤ་ཟ་དང་གནོད་སྦྱིན་དང་གནོད་སྦྱིན་མོ་དང་ཀླུ་ལ་སོགས་པའི་ཆོ་ག་འདིས་བསྒྲུབ་པར་བྱའོ།། དེ་ལ་ཆོ་ག་ནི་དང་པོར་རེ་ཤིག་སྔགས་པས་རོ་བསྲེགས་པའི
134b8 ཐལ་ཆེན་གྱིས་ལུས་བྱུགས་ཏེ། མཚན་ཕྱེད་ན་གཅེར་བུ་སྐྲ་གསིལ་བ་བྱས་ལ་འཕགས་པ་མ་ཧེའི་གདོད་ཅན་གྱི་རྣལ་འབྱོར་གྱིས་དུར་ཁྲོད་ལ་སོགས་པར་དཀྱིལ་འཁོར་བྲིས་ཏེ། གྲུ་བཞི་པ་ལ་སྒོ་བཞི་པ།
iiif viewer powered by OpenSeadragon
