| e-texts navigator |
| Wylie |
9b1 སངས་རྒྱས་མཆོད་པར་བྱ། ། བཅོམ་ལྡན་འདས་རྡོ་རྗེའི་སྤྱན་གྱིས་དེ་སྐད་ཅེས་གསུངས་སོ།། ཆོ་ག་ཤེས་པས་བཙུན་མོ་ནི།། སེར་པོ་ལྟ་བུར་བསམས་ནས་ནི།། སངས་རྒྱས་སྲས་པོ་འདུས་པས་ནི།། རྣལ་འབྱོར་བསྐྱེད་དེ་བསྒོམ
9b2 པར་བྱ། ། དེ་དབྱུང་ཇི་ལྟ་བར་བཀོད་ལ།། རྡོ་རྗེ་སེམས་དཔའ་རྣམ་བསྒོམ་བྱ།། རྡོ་རྗེ་སེམས་དཔའ་ཡང་དག་བསྐྱེད།། རིགས་ཀྱི་དབྱེ་བ་བསྒོམ་པར་བྱ།། རྒྱང་གྲགས་ཙམ་ལས་འདས་པར་ནི།། ཡེ་ཤེས་ཕྲ་མོ་རྣམ་པར་བསྒོམ།།
9b3 རང་གཟུགས་གཟུགས་ཀྱི་ཚུལ་གྱིས་ནི།། དབུས་སུ་ཡང་དག་གཞག་བསྒོམ་བྱ།། ཆོ་ག་ཤེས་པས་རྡོ་རྗེའི་རྩེར།། རྣམ་པ་ལྔ་རུ་རྣམ་བསྒོམ་བྱ།། དཀར་པོ་ཡེ་ཤེས་རིགས་རབ་བརྗོད།། ནག་པོ་བསྡུས་པའི་རིགས་སུ་དྲན།།
9b4 དམར་པོ་པད་མའི་རིགས་ཤེས་བྱ།། སེར་པོ་འདོད་པའི་རིགས་སུ་དྲན།། མཛེས་པའི་གཟུགས་ནི་རབ་གསལ་བར།། རིག་ནས་སྣ་ཚོགས་རྒྱན་གྱིས་བརྒྱན།། པད་མ་རབ་ཏུ་རྒྱས་བྱས་ནས།། རང་གི་རྡོ་རྗེ་དེ་ལ་གཞུག།
9b5 བཅོམ་ལྡན་འདས་རྡོ་རྗེ་སེམས་དཔས་དེ་སྐད་ཅེས་གསུངས་སོ།། དེ་ལྟར་བྱས་པས་གང་ལྡན་པ།། དེ་ལྡན་ཡེ་ཤེས་རྙེད་པར་དཀའ།། རང་གཟུགས་ཤིན་དུ་བསྟན་བྱས་ནས།། བསམ་གཏན་བརྩོན་པར་རབ་ཏུ་གཞུག།
9b6 མཛེས་ལྡན་མ་དགའ་ལྟ་བ་ན།། གཟུགས་དང་ལྡན་པར་དེ་འགྱུར་རོ།། བཙུན་མོ་མཐོང་བ་ཙམ་གྱིས་ནི།། འཐུང་འགྱུར་འདིར་ནི་ཐེ་ཚོམ་མེད།། རྡོ་རྗེ་སེམས་དཔས་ཞིང་འདིར་ནི།། ཡོངས་སུ་གང་བར་རྣམ་བསྒོམ་བྱ།།
9b7 སངས་རྒྱས་གཟུགས་ནི་བརྟན་བྱས་ནས།། རྡོ་རྗེས་རྣམ་པར་ལྟུང་བར་བྱ།། བཅོམ་ལྡན་འདས་རྡོ་རྗེ་གསུམ་དབྱེར་མི་བྱེད་པས་དེ་སྐད་ཅེས་གསུངས་སོ།། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི
9b8 རྒྱལ་པོ་ཆེན་པོ་ལས་རིགསུ་བསྡུས་པའི་ཏིང་ངེ་འཛིན་གྱི་ལེའུ་གསུམ་པ་རྫོགས་སྷོ། ། །། དེ་ནས་བཅོམ་ལྡན་འདས་ཕྱག་ན་རྡོ་རྗེས་ཆོས་ཀྱི་རིགས་ཀྱི་ཏིང་ངེ་འཛིན་གྱི་ལེའུ་བཀའ་སྩལ་ཏོ།། དཀྱིལ་འཁོར་ཆེན
iiif viewer powered by OpenSeadragon
