| e-texts navigator |
| Wylie |
5b1 པད་མ་རྣམ་པར་བསྒོམ། ། རང་གཟུགས་སངས་རྒྱས་ལྟར་བྱས་ནས།། མཁས་པས་རང་གཟུགས་རྣམ་བསྒོམ་བྱ།། ནམ་མཁའི་ཁམས་ནི་ཀུན་བཀང་སྟེ།། སླར་ཡང་དེ་ཉིད་སྦྱར་བྱ་སྟེ།། འོ་མ་དང་ཞོ་མཉམ་བྱས་ནས།། སྔ
5b2 ཚོགས་ཁ་དོག་མཉམ་པའི་འོད། ། ཟླ་བའི་དཀྱིལ་འཁོར་ཚུལ་གྱིས་ནི།། ཉི་མའི་དཀྱིལ་འཁོར་བསྒོམ་པ་ནི།། རང་གཟུགས་སངས་རྒྱས་མཚུངས་པ་ནི།། ཆོ་ག་ཤེས་པས་དབྱུང་བར་བྱ།། རང་གི་གཟུགས་དང་ཐམས་ཅད་དུ།།
5b3 ལྷ་ལ་སོགས་པ་རྣམ་བསྒོམ་བྱེད།། ཁྲུ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་བསྒོམ་པ་ནི།། བགེགས་རྣམས་འཇོམས་པ་ལྟར་བྱས་ནས།། འཇིག་རྟེན་ཁམས་སུ་འདི་སྤྲོ་བྱ།། རང་གི་ཕྱག་རྒྱ་སྙིང་ཁ་རུ།།
5b4 བསམས་ནས་ཉི་མའི་དཀྱིལ་འཁོར་དབུས།། སངས་རྒྱས་རྣམ་པར་ཆོག་ཤེས།། འོད་ཀྱི་དཀྱིལ་འཁོར་བསྒོམ་པར་བྱ།། དེ་དབུས་ཡི་གེ་བྱིན་ནས་ནི།། འཇིག་རྟེན་ཁམས་སུ་འདི་སྤྲོ་བྱ།། གདུལ་བ་ལ་སོགས་ཅན་བྱས་ནས།། སླར
5b5 ཡང་དེ་ཉིད་ལ་སྦྱར་བྱ། ། ཁྲུ་གང་ཙམ་ལས་འདས་པར་ནི།། ཟླ་བའི་དཀྱིལ་འཁོར་བསྒོམ་པར་བྱ།། རྡོ་རྗེ་རལ་གྲི་ཡང་དག་སྐྱེད།། འཇིག་རྟེན་ཁམས་ནི་ཡོངས་བགྲོད་བྱ།། པད་མ་དཀར་པོའི་འོད་འབར་ཏེ།། བྱང་ཆུབ་སེམས
5b6 ཀྱིས་རྣམ་པར་བརྒྱན། ། དབུས་སུ་རང་གི་ལྷ་ཡི་གཟུགས།། གཞོགས་སུ་བཙུན་མོ་དགོད་པར་བྱ།། ཆོ་ག་ཤེས་པས་དེ་ལྟར་གཟུང་།། རང་གི་རྡོ་རྗེ་དེ་ལ་གཞུག། འཇིག་རྟེན་ཁམས་ནི་ཐམས་ཅད་དུ།། སངས་རྒྱས་དེ་ཉིད
5b7 ཀྱིས་མཆོད་བྱ། ། ཞེས་བཅོམ་ལྡན་འདས་ཀུན་དུ་བཟང་པོས་གསུངས་སོ།། ཇི་སྲིད་ཡང་དག་ཐོབ་སྦྱོར་སྐྱེས།། སྔགས་པས་སླར་ནི་བསྡུ་བར་བྱ།། མཐོ་གང་ཙམ་ལས་འདས་པར་ནི།། ཉི་མའི་དཀྱིལ་འཁོར་བསྒོམ་པ་ནི།
5b8 རང་གཟུགས་ཤིན་ཏུ་བརྟན་བྱས་ནས།། ལྷ་ལ་སོགས་པ་རྣམ་པར་བསྒོམ།། སྙིང་ཁར་སྔགས་ཀྱི་ཡིག་བྱིན་ནས།། སངས་རྒྱས་ཀུན་ནི་མཆོད་པར་བྱ།། མཐོ་བདུན་ཙམ་ལས་འདས་པར་ནི།། དཀྱིལ་འཁོར་བཞི་ནི་སྒོམ
iiif viewer powered by OpenSeadragon
