| e-texts navigator |
| Wylie |
35b1 བྱེད་གཞན་དུ་ཡི། ། སངས་རྒྱས་སངས་རྒྱས་ཉིད་ཐོབ་པ།། དེ་མགུ་བྱེད་པ་མཆོག་འབྱུང་འགྱུར།། དེ་ཡིས་འཇིག་རྟེན་གསུམ་འགྲུབ་སྟེ།། སངས་རྒྱས་ཡེ་ཤེས་རང་ཉིད་ཀྱང་།། དེ་བཞིན་གཤེགས་པའི་གསང་བ་རྡོ་རྗེ་སེམས་དཔའ་མཉེས་པར་བྱེད
35b2 པའི་ལེའུ་སྟེ་བཅཝ་བརྒྱད་པ་རྫོགས་སྷོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་སྔགས་ཐམས་ཅད་ཀྱི་ལེའུ་གསུངས་སོ།། བསྐྱེད་མོས་ཚལ་དང་རྣམ་པར་དབེན།། ཆུ་ཀླུང་རབ་ཏུ་འབབ་པ་དང་།། རི་དང་རྣམ་པར་བཀྲབ
35b3 རྭ། ། སྒྲུབ་པའི་གོ་འཕང་གིས་བསྒྲུབ་བྱ།། ཟླ་བ་གཅིག་གིས་འགྲུབ་པར་འགྱུར།། གལ་ཏེ་མིན་ན་དེ་འགྲུབ་མིན།། དབེན་དང་གཞན་པའི་ཡུལ་རྣམས་སུ།། སེམས་ནི་གང་དུ་རབ་དགྱེས་བྱེད།། གསང་སྔགས་འབར་བས་བྱིན་བརླབས་པ།། དེ་ལ
35b4 སངས་རྒྱས་ཉིད་འགྲུབ་འགྱུར། ། རྒྱ་མཚོ་དང་ནི་ཆུ་ཀླུང་ཆེ།། རི་བོ་ཆེན་པོའི་རྩེ་རྣམས་སུ།། ཡན་ལག་ཐ་དད་མིན་སྔགས་བཟླས།། ངེས་པར་ཟླ་བས་འགྲུབ་པར་བྱེད།། སྐེ་ཚེ་དུག་དང་ཡང་དང་ལྡན།། ཏིག་ཏའི་ཤིང་གི་སྦྱིན་སྲེག་གིས།། བསྙེན་བསོ
35b5 ནི་དེ་བསྐྱེད་ནས། ། གསང་སྔགས་སྒྲུབ་པ་ཀུན་སྦྱར་བྱ།། དེ་ལ་སྡོམ་པ་གཟུང་ནས་ནི།། ངེས་པར་འགྲུབ་བྱེད་གཞན་དུ་མིན།། གསང་སྔགས་ཆོག་ཀུན་ཐོབ་ནས།། སྔགས་པས་བསྙེན་པ་འགྲུབ་པར་བྱེད།། དེ་ཕྱིར་སྔགས་པས་ཁྱད་པར་གྱི།།
35b6 སྡོམ་པ་སོ་སོར་བསྒྲུབ་པར་བྱ།། གང་ཉིད་སྡོམ་པར་ཡང་དག་བརྗོད།། དེ་ཉིད་བཏུལ་ཞུགས་ཅན་གྱིས་བསྲུང་།། གཞན་དུ་ནམ་མཁའ་ཇི་སྲིད་པར།། མནར་མེད་དམྱལ་བར་ཀུན་དུ་འབྱུང་།། ཇི་སྲིད་འཚོ་བར་ཆོ་ག་བཞིན།། སློབ་དཔོན་སྡོམ་པ
35b7 སྲུང་བ་ལ། ། དེ་ཡིས་སངས་རྒྱས་ཉིད་དུ་འགྲུབ།། སྣ་ཚོགས་འཛིན་པ་ཀུན་གཞི་ཡི།། མཉམ་མེད་གསང་སྔགས་བཟླས་ནས་ནི།། སྒྲུབ་པའི་བདག་ཉིད་ཅན་གྱིས་བསྒྲུབ།། ཟླ་བ་ཅིག་གིས་འཇིག་རྟེན་གསུམ།། དེ་ཡི་འགྲུབ་འགྱུར་ཐེ་ཚོམ་མེད།།
35b8 ནམ་ཤེས་ལས་ཀྱང་བྱུང་བའི་སྔགས།། འབུམ་ཕྲག་དྲུག་ཏུ་བཟླས་ནས་ཀྱང་།། རྡོ་རྗེ་སེམས་དཔར་ཕྱག་བྱས་ནས།། ཟླ་བ་ཉལ་དེ་འགྲུབ་འགྱུར།། སྔགས་དང་ཕྱག་རྒྱའི་རབ་དབྱེ་བས།། ངེས་པར་སངས་རྒྱས་ཀྱང་ཐོབ་བྱེད།། ཕྱག་རྒྱའི་དབྱེ་བ་རབ
iiif viewer powered by OpenSeadragon
