| e-texts navigator |
| Wylie |
317b1 བཅོམ་ལྡན་འདས་ཀྱིས་བཀའ་སྩལ་པ། ཐུན་མོང་ཕྱི་རུ་གསང་འདོད་ན། ཕྲིན་ལས་མི་འགྱུར་འཁོར་ལོ་བསྐོར།། འཁོར་ལོར་གཞུག་དང་གཟུགས་ལ་གདབ།། གསང་བའི་འཁོར་ལོ་ལྟོ་སྦྱར་དུ། གང་དམིགས་གཟུགས་དེ་ཁྲག་ཏུ་བྲི།།
317b2 སྙིང་ལར་མིང་བྲི་ལྟེ་བ་ལ།། ཤྭ་དྭིར་ཏེ་མགོ་བོ་ལ།། བན་དྷ་བན་དྷ་ཅེས་པ་དགོད།། ཡན་ལག་བཞི་པ་ཧན་སྟེ།། སཱ་ར་ཡ། བ་གཉིས་དང་ནི་མཚན་མ་ལའོ།། དམིགས་པས་ནས་ཟག་པའི་རྫས།། བླངས་ཏེ་བོང་བུའི་ཆུས་སྤྲས་ལ།
317b3 གཟུགས་བྱ་ཡིག་འབྲུ་རྣམས།། གནསུ་བཀོད་སྔོན་དང་བཅིང་དུག་རྫས་གཏུམ་པའི་རྫས་ཀྱིས་གཏུམ།། བཙོན་ཁང་བསྐུར་ཏེ་ཐུན་རྣམས་དཔབ།། ཟླ་བ་གཅིག་ཏུ་གནག་པར་བྱ།། བདུན་བདུན་བསྐོར་བྱ་བར་བར་དུ།། མཆོད་པའི
317b4 ལས་བྱ་མཚན་ཐུན་དབབ། ། སྲེག་དང་གནན་པས་མཐའ་བརྟུལ་བྱ།། ཅེས་གསུང་སོ།། དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི་མའི་བྱི་མ་ལས་ཕྲིན་ལས་མི་འགྱུར་བའི་འཁོར་ལོའི་ལེའུ་སྟེ་བཞི་པའོ།། །། དེ་ནས་ཡང་གནོད
317b5 སྦྱིན་གཏུམ་པོས་གསོལ་བ། ། ཀྱེ་བཅོམ་ལྡན་འདས་སླད་མའི་དུས་ན། གདུལ་དཀའ་བའི་གདོལ་པ་ཅན་རྣམས་ཀྱི་ལོ་ཏོག་འཇོམས་པའི་ཐབས་བཀའ་སྩལ་དུ་གསོལ་བ་དང་།། བཅོམ་ལྡན་འདས་ཀྱིས་བཀའ་སྩལ་པ།། ལོ་ཏོག་འཇོམས
317b6 པོའི་ལས་བྱ་ན། ནཱ་ག་གཟིར་ཏེ་གཞོམ་པར་བྱ་ཞེས་སྟོབས་ཀྱི་ཡི་གེ་འབྲུ་བཞི་དང་། མི་འགྱུར་བའི་ཡི་གེ་འབྲུ་གསུམ་གསུངས་པ།། ཨོཾ་ཧཱཾ་བཛྲ་མ་ཧཱ་བ་ལ། ཞེས་གཏུམ་པོ་སྟོབས་ཆེན་པོའི་སྔགས་གསུངས་སོ།། ནཱ་ག་ཙིང་ཏ་རྦང་ནན
317b7 ཅེས་ཀླུའི་སྙིང་གཟེར་དྲུག་པ་གསུངསོ། ། སརྦ་དུ་ཤྭཱ་ན། ཞེས་ཐམས་ཅད་དབང་དུ་སྡུད་པ་གསུང་སོ།། ཕོབ་ཤར་ཤར་ཕོབ། ཅེས་ཆུ་འཁྱགས་ཀྱི་སྙིང་པོ་གསུང་སོ།། གཅིག་ཏུ་དྲིལ་ཞིང་བརྡེག་པར་བྱ།། ནཱ་གའི་གཟུགས་བཅོས་སྔགས
317b8 བཀོད་ནས། ། ཡུངས་ཀར་བརྡེག་ཅིང་ཕུར་བུས་གདབ།། མཛེ་ཐོང་ནང་དུ་ཀླུ་གཟུགས་གཞུག། ཁྲག་ཆེན་བཙན་དུག་གླ་བའི་ཁྲག། ཡུངས་ཀར་ཡུངས་ནག་སྔགས་ཤིང་བརྡེག། ཀླུ་གཟུགས་ནིམ་པའི་ཆུ་ནས་དབྱུང་།། དང་པོ
iiif viewer powered by OpenSeadragon
