| e-texts navigator |
| Wylie |
2a1 ཐེག་པའི་མཆོག་ནི་བསྟན་དུ་གསོལ། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་རྣམས་ཐམས་ཅད་ལ་འདི་སྐད་ཅེས་བཀའ་སྩལ་ཏོ།།
2a2 བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་དེ་སྐད་མ་ཟེར་ཅིག། སྤྲོ་བ་མཆོག་གི་དེ་ཁོ་ན་ཉིད་ཀྱི་ཚུལ་ངེས་པར་བསྟན་པར་དེ་བཞིན་གཤེགས་པ་ཐམས་ཅད
2a3 ཀྱིས་རབ་ཏུ་གསུངས་སོ། ། ཅིའི་རྒྱུས་རྡོ་རྗེ་འཛིན་རབ་ཏུ་གསུང་། བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་ཀྱིས་དགོངས།། དེ་ཉིད་ཀྱི་ཚེ་འཁོར་ཆེན་པོའི་དཀྱིལ་འཁོར་དུ
2a4 བྱམས་པ་ལ་སོགས་པའི་བྱང་ཆུབ་སེམས་དཔའ་ཆེན་པོ་རྣམས་ཐེག་པ་ཆེན་པོ་མཆོག་གི་དོན་གྱི་ཚུལ་ཆེན་པོ་འདི་ཐོས་ནས། རྣམ་པ་སྟོང་དུ་རྣམ་པར་བརྙིལ་བར་གྱུར་ཏོ།། དེ་བཞིན་གཤེགས་པ
2a5 ཐམས་ཅད་ལ་གསོལ་པ་ཁྱོད་ཀྱིས་ཞི་བར་བྱིན་བརླབས་པས། སངས་རྒྱས་རྣམས་ཀྱིས་རྣམ་པ་ཅན།། ཁྱབ་བདག་དེ་ཉིད་རྡོ་རྗེ་ཅན། བྱིན་བརླབས་མཉམ་པར་ཀུན་ཏུ་སྤྱོད།། དེ་ནས་བཅོམ
2a6 ལྡན་འདས་ཕྱག་ན་རྡོ་རྗེས་སྤྱན་གདངས་ནས་དེ་བཞིན་གཤེགས་པ་ཐམས་ཅད་ལ་ལེགས་སོ་བྱིན་ནས། དེ་བཞིན་གཤེགས་པ་ཐམས་ཅད་ཀྱི་འཁོར་ལོ་ཆེན་པོའི་འོད་ཟེར་གྱིས་བཀང་ནས། དེ
2a7 བཞིན་གཤེགས་པ་ཐམས་ཅད་ཀྱི་ཐུགས་ཡང་དག་པར་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། སྙོམས་པར་ཞུགས་མ་ཐག་ཏུ་ཉི་མའི་དཀྱིལ་འཁོར་ཆེན་པོ་བཞི་རབ
2a8 ཏུ་བྱུང་བར་གྱུར་ཏེ། ཤར་གྱི་ཕྱོགས་ནས་མི་ཟད་པའི་གཟུགས་འཛིན་མ་ཞེས་བྱ་བའི་ཉི་མའི་དཀྱིལ་འཁོར་ཆེན་པོ་རབ་ཏུ་ཤིན་ཏུ་བྱུང་བར་གྱུར་ཏོ།། ལྷོ་ཕྱོགས་ནས་རིན་པོ་ཆེ་ཡིད་བཞིན་གྱི་ནོར་བུའི
iiif viewer powered by OpenSeadragon
