| e-texts navigator |
| Wylie |
295b1 གསུང་གིས་འགྲོ་བའི་དོན་མཛད། ། ཆོས་ཀྱི་དབྱིངས་ཀྱི་ཐུགས་དང་། མེ་ལོང་ལྟ་བུའི་ཐུགས་དང་། མཉམ་པ་ཉིད་ཀྱི་ཐུགས་དང་སོ་སོར་ཀུན་རྟོག་གི་ཐུགས་དང་།། བྱ་བ་གྲུབ་པའི་ཐུགས་ཀྱིས་འགྲོ་བའི་དོན་མཛད་།། གནས་དང་།
295b2 གདན་ཁྲི་དང་འཁོར་དང་། འདུལ་བའི་ཞིང་དང་། སྐུ་འོད་ཟེར་བསམ་གྱིས་མི་ཁྱབ་པས་འགྲོ་བའི་དོན་མཛད་དོ།། ཞི་བ་དང་། རྒྱས་པ་དང་། དབང་དང་། དྲག་པོ་དང་། ལྷུན་གྱིས་གྲུབ་པའི་ཕྲིན་ལས་ཀྱིས་འགྲོ་བའི་དོན་མཛད།། དེའི་ཚེ་དེའི་དུས་ན།
295b3 བཅོམ་ལྡན་འདས་རིགས་ལྔ་དང་། རིགས་གསུམ་ལ་སོགས་པའི་སངས་རྒྱས་ཀྱིས་སེམས་ཅན་འདུལ་བའི་དུས་ལ་བབ་པར་གཟིགས་ནས་མ་ཆགས་པའི་ཐུགས་རྗེས་རྣམ་པ་སྣ་ཚོགས་པའི་སྤྲུལ་པས་འགྲོ་བའི་དོན་མཛད་པའོ།།
295b4 དེའི་ཚེ་ན་ལྷམ་སྲིད་ཤིན་ཏུ་དྲེགས་པ་དང་། དྲེགས་པའི་དུ་དྲཞེན་ཆགས་ཀྱི་འདམ་ན་གནས་པ།། ང་རྒྱལ་གྱི་རི་རབ་ལ་གནས་པ་ཕྲག་དོག་གི་རླུང་སེམས་ལ་འཚུབ་པ། གཏི་མུག་མུན་པའི་གཡུང་དྲུང་ན་གནས་པ། དེ་ལྟ་བུ
295b5 དག་འདུལ་བའི་དུས་ལ་བབ་པར་གཟིགས་ནས་དེ་བཞིན་གཤེགས་པ་ཐམས་ཅད་ཐུགས་གཅིག་ཏུ་གྱུར་ཏེ། མི་གནས་པའི་ཡེ་ཤེས་ཆེན་པོ་ལས་རྡོ་རྗེའི་རིགས་དང་བུད་དྷའི་རིགས་དང་།། རིན་པོ་ཆེའི་རིགས་དང་པད་མའི་རིགས
295b6 དང་། ལས་ཀྱི་རིགསུ་གྱུར་ཏེ།། སོ་སོའི་ཡུམ་དང་ཆོས་ནས་བཞུགས་ཏེ་ཐུགས་འདུས་པའི་བྱིན་གྱིས་བརླབས་ལས་ཐམས་ཅད་ཀྱི་རིགས་ཀྱི་སངས་རྒྱས་སྐུ་བཻ་དཱུརྱའི་རང་བཞིན་ལྟར་སྔོ་བ། སྔོན་པོར་སྣང་བ། སྔོན་པར
295b7 གྱུར་པ། རིན་པོ་ཆེ་ཨིནྡྲ་ནི་ལ་ལྗང་ཁུ་ལྟ་བུའི་ཁ་དོག་ཏུ་སྣང་བ། ལྕང་ལོ་ཅན་གྱི་ཆ་བྱད་ཕྱག་ན་རྡོ་རྗེ་བསྣམས་ནས་ཐུག་ཁར་བརྟན་པ་བྱུང་ངོ་།། བྱུང་བར་གྱུར་ཏོ།། དེའི་མཐུ་དང་སྟོབས་ཀྱིས་འཇིག་རྟེན་ན་གནས་པའི་དྲེགས་པ་ཅན
295b8 བཏུལ་ཏེ། ། དམ་ལ་བཏགས་ནས་བྱང་ཆུབ་མཆོག་ཏུ་སེམས་བསྐྱེད་དོ།། དཔལ་རྡོ་རྗེ་གཏུམ་པོ་ཐམས་ཅད་གསང་བའི་རྒྱུད་ལས་གླེང་བཞིའི་ལེའུ་དང་པོའོ།། །། ཡང་དེའི་ཚེ་ན་ཉོན་མོངས་པ་ལ་གནས་པའི་སེམས་ཅན
iiif viewer powered by OpenSeadragon
