| e-texts navigator |
| Wylie |
294b1 བཅུ་བཞི་དང་། བཅཝ་ལྔ་དང་། གནམ་སྟོང་ལ་དེའི་དུསུ་སྦྱང་བ་བྱས་ནས།། ཕྱིས་ནི་བརྒྱངད་སྟོང་གི་གྲངསུ་གསང་སྔགས་འདོན་པར་བྱེད་ཅིང་རང་ཉིད་ཀྱི་སྤྱི་བོར་ཡི་གེ་ཨོཾ་དཀར་པོ་འོད་དང་ལྡན་པས་བདུད་རྩིའི་ཆུ་འབེབས་པར་བསམས་པས
294b2 ཁམས་གསུམ་པའི་ནད་ཐམས་ཅད་ཟད་པར་བསམ་ཞིང་སླར་རང་ཉིད་ཀྱི་རིམས་ཀྱིས་ཞུ་བར་བྱེད་པ་ནི་རྒྱུད་ལས་གྲུབ་པར་བྱེད་བསམ་གཏན་ཏེ། ། འདི་གོམས་པས་གང་དང་གང་འདོད་པ་ཐམས་ཅད་འགྲུབ་ཅིང་ཁམས་གསུམ་གྱི
294b3 དབང་ཕྱུག་ཏུ་འགྱུ་རོ། ། གསང་བའི་བདག་པོ་ང་ལས་ཉོན།། འཇིག་རྟེན་ཀུན་ལས་རྣམ་རྒྱལ་བའི།། སྐུ་ནི་སངས་རྒྱས་ཀུན་བདག་ཉིད།། གང་གིས་བགོས་པར་གྱུར་པ་ལས།། ཅི་འདོད་རྙེད་པར་བྱེད་པ་མཆོག། གལ་ཏེ་རྟོག
294b4 མེད་དེ་བྲལ་ན། ། ཡེ་ཤེས་ཉིད་ནི་བླ་ན་མེད།། རྒྱལ་བའི་སྟོབ་ཀྱིས་རྟོགས་པར་བྱེད།། ཉོན་མོངས་ཀུན་ལས་རྒྱལ་བྱེད་ཅིང་།། ནད་རྣམས་ཐམས་ཅད་ཟད་བྱེད་ཅིང་།། གལ་ཏེ་ནད་མེད་ནད་བཅས་བྱེད།། དབང་དང་རེངས་དང་དགུག་པ་དང་།།
294b5 རྒྱལ་དང་གསད་དང་དབང་ཕྱུག་དང་།། ཞི་དང་བསྲུང་དང་དཔལ་བྱེད་དང་།། ཕྱིར་རྒོལ་བ་རྣམས་བརླག་པ་ཡི།། ཕྲ་མོ་འགྲུབ་པ་སྨོས་ཅི་དགོས།། འཇིག་རྟེན་ལས་གྲོལ་བདེ་བའི་ལུས།། རྒྱལ་བའི་གསུང་གིས་ལེགས་ཐོབ་བོ།། སྐྲ་ནི་འདིར།
294b6 བརྗོད་མེད་པ་སྟེ།། སྤྱོད་ཚུལ་རྣམས་ལས་འདས་པའོ།། མིང་དང་ཚོགས་ལས་རྣམ་འདས་ན།། ཉེར་ཞི་སྤྲོས་ལ་ཤིན་དུ་འདས།། ཚིག་གི་ཡུལ་ནི་རྣམ་པར་བྲལ།། རྡོ་རྗེ་སྒོ་ལ་དེ་དག་ནི།། ཅི་བཞིན་དོན་ནི་ཤེས་འགྱུར་གྱི།། གཞན་དུ
294b7 བསྐལ་བ་སྟོང་དུ་ཡང་། ། ཅིས་ཀྱང་ཤེས་པར་ག་ལ་ནུས།། གལ་ཏེ་དམིགས་པ་ཟད་འདོད་པས།། མི་དམིགས་སྤྲོས་མེར་གང་ཞིག་ལ།། རང་གི་སེམས་ཉིད་གཞག་པར་བྱ།། དེ་ལ་ཐར་པས་གྲོལ་བའོ།། གལ་ཏེ་དགའ་འགྱུར་ཡིད་ཡོད་ན།།
294b8 དངོས་འདི་ཤེས་པས་ཅི་སྟེ་སྟོང་།། དེ་སྟོང་སྤྲོས་དང་བྲལ་བ་ལ།། ཤེས་པ་ཉིད་ནི་ཅི་ལ་རྟེན།། གསང་སྔགས་དྲག་པོའི་སྦྱོར་བ་འདི།། དབང་བསྐུར་གནད་པ་མེད་པ་དང་།། ཚུལ་ངན་ལང་ཚོ་ཕྲ་བ་དང་།། ང་རྒྱལ་དྲེགས་ཤིང་ཁེངས་པ་དང་།། ཐེག
iiif viewer powered by OpenSeadragon
