| e-texts navigator |
| Wylie |
281a1 གསུམ་ཉིད་ཀྱི་ལུས་རྡོ་རྗེ་ལ་གནས་ཤིང་དེ་བཞིན་གཤེགས་པ་ཐམས་ཅད་སུའི་ཡེ་ཤེས་མཉམ་པ་ཉིད་ལ་དགོངས་ནས་ཅང་མི་གསུང་བར་གྱུར་ཏོ།། གསང་བ་འཛིན་པའི་གསུང་ཅིག་གིས།། འཇིག་རྟེན་ཁམས
281a2 ཀུན་ཁྱབ་གྱུར་ཅིང་། ། ཆོས་ཀྱི་ཚུལ་ནི་མི་ཟད་ལས།། རྒྱུན་མི་འཆད་པའི་འཁོར་ལོ་བསྐོར།། དེ་ནས་དེ་བཞིན་གཤེགས་པ་གསུང་རྡོ་རྗེ་འོད་དཔག་ཏུ་མེད་པ་ཁམས་གསུམ་པ་ཐམས་ཅད་ཀྱི་དག་རྡོ་རྗེ་ལ་གནས་ཤིང་དེ
281a3 བཞིན་གཤེགས་པའི་གསུང་མཉམ་པ་ཉིད་ལ་གནས་ནས་ཅང་མི་གསུང་བར་གྱུར་ཏོ། ། རྡོ་རྗེ་འཆང་གི་ཐུགས་ཀྱི་ནི།། ཏིང་འཛིན་གཅིག་ཏུ་མ་གཞག་ནས།། ཏིང་འཛིན་དུ་མའི་ཆོས་ཀྱི་སྒོ།། ཆོས་ཀྱི་དབྱིངས་དང
281a4 མཉམ་པར་འགྱུར། ། དེ་ནས་དེ་བཞིན་གཤེགས་པ་རྡོ་རྗེ་འཛིན་པའི་རྒྱལ་པོ་སངས་རྒྱས་ཐམས་ཅད་ཀྱི་སེམས་རྡོ་རྗེ་ལ་གནས་ཤིང་།། དེ་བཞིན་གཤེགས་པ་ཐམས་ཅད་ཀྱི་ཐུགས་མཉམ་པ་ཉིད་ལ་དམིགས
281a5 ནས་ཅང་མི་གསུང་བར་གྱུར་ཏོ། ། འདིར་སྣང་བ་ནི་གསུམ་སྟེ།། སོ་སོའི་སྐྱེ་བོའི་སྣང་བ་དང་།། བྱང་ཆུབ་སེམས་དཔའི་སྣང་བ་དང་།། དེ་བཞིན་གཤེགས་པའི་སྣང་བའོ།། གསང་བ་ནི་གསུམ་ཏེ།། སྐུའི་གས་ར་བ་གསམ་གྱིས
281a6 མི་ཁྱབ་པ་དང་། ། གསུང་གི་གསང་བ་བསམ་གྱིས་མི་ཁྱབ་པ་དང་།། ཐུགས་ཀྱི་གས་རབ་བསམ་གྱིས་མི་ཁྱབ་པའོ།། ཐམས་ཅད་མཁྱེན་པ་ནི་གསུམ་ཏེ།། སྐུ་རྡོ་རྗེ་ཐམས་ཅད་མཁྱེན་པ་དང་།། གསུང་རྡོ་རྗེ་ཐམས་ཅད་མཁྱེན་པ་དང་།
281a7 ཐུགས་རྡོ་རྗེ་ཐམས་ཅད་མཁྱེན་པའོ།། མི་ཟད་བརྒྱན་གྱི་འཁོར་ལོ་ནི་གསུམ་སྟེ།། སྐུ་མི་ཟད་པ་རྒྱན་གྱི་འཁོར་ལོ་ད། གསུང་མི་ཟད་པརྒྱན་གྱི་འཁོར་ལོ་དང་།། ཐུགས་མི་ཟད་པ་རྒྱན་གྱི་འཁོར་ལོ་ཉིད་དོ།། རྒྱུད་ཀུན་སྙིང་པོ་བསྡུས
281a8 པ་ཡི། ། ཕྱག་རྒྱ་ཆེན་པོའི་དང་འབྱུང་བ།། གྲུབ་པ་རབ་ཏུ་མི་གནས་པས།། གསང་བའི་རྒྱལ་པོ་བསྟན་པ་ཡིན།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ
iiif viewer powered by OpenSeadragon
