| e-texts navigator |
| Wylie |
280a1 བརྒྱས་གང་ལྟར། ། ཤིན་ཏུ་བདེ་བས་རྒྱས་པར་གནས།། དེ་ཉིད་ཡེ་ཤེས་གྱུར་པའོ།། དེ་ནས་ཆོས་ཀྱི་དབྱིངས་གནས་པའི་འགྲོ་བའི་ཕུང་པོ་ཇི་སྙེད་ཀུན།། སྐུ་གསུམ་དམ་ཚིག་ལས་བྱུང་བ།། དེ་ལ་བདུད་རྩིའི་འོད་ཟེར་གྱིས།།
280a2 གློག་གི་ཟར་མ་ལྟར་འཕྲོ་བས།། ཤིན་ཏུ་བདེ་བར་རིག་ནས་ནི།། དེ་ནས་བརྩམས་ཏེ་སེམས་ཅན་ཁམས།། མ་ལུས་ལུས་པ་མེད་པ་ལ་རྡོ་རྗེ་དཔལ་གྱི་རེག་བྱུང་བས།། ཡང་དག་མཆོག་ཏུ་བྱིན་བརླབས་ཤིང་། དེ་བཞིན
280a3 གཤེགས་པ་ཐམས་ཅད་ཀྱི། ། སྐུ་གསུང་ཐུགས་ཀྱི་རྡོ་རྗེ་ཡིས།། ཡེ་ཤེས་དྲི་མེད་དབང་བསྐུར་ཅིང་།། མ་ལུས་ཀུན་ཀྱང་ཀུན་དྲ་བཟང་།། ཀུན་དུ་བཟང་པོའི་དཔལ་ཞེས་པར།། བླ་ན་མེད་པར་དབང་བསྐུར་ཏོ།། དེ་ལྟར་དབང་སྐར་ཙམ
280a4 གྱིས་ནི། ། ཐམས་ཅད་དེ་བཞིན་གཤེགས་པའི་སྐུ།། དགྲ་བཅོམ་ཡང་དག་རྫོགས་སངས་རྒྱས།། རྡོ་རྗེ་གསུམ་གྱི་ཡེ་ཤེས་ཅན།། བདེ་ཆེན་ངོ་བོ་ཉིད་སྐུར་གྱུར་རྡོ་རྗེ་འཛིན་གྱིས་བཀའ་སྩལ་པ།། དུས་གསུམ་སངས་རྒྱས་ཐམས
280a5 ཅད་ཀྱི། ། ཡེ་ཤེས་སྤྱོད་པ་མཐོང་བྱུང་བས།། ཆོས་ཉིད་མཉམ་པ་ཉིད་མཐོང་ངམ།། སླར་གསོལ་བ་ནི་མཐོང་ལག་སོ།། ཡེ་ཤེས་སྤྱོད་པ་རྡོ་རྗེ་ཆེ།། བདེ་བར་གཤེགས་པ་མཐོང་ཞེས་གསོལ།། དེ་ལྟར་ཡང་དག་གྱུར་པའོ།། དེ་ལྟར
280a6 སངས་རྒྱས་ཐམས་ཅད་ཀུན། ། རྡོ་རྗེ་བཙུན་མོའི་བྷ་ག་ལས།། མངོན་པར་བྱུང་ནས་འདི་སྐད་གསོལ།། གང་དུ་འདོད་ཆགས་ཆེན་པོ་ཡི།། ཡི་གེའི་ཚོགས་ཀྱིས་སངས་རྒྱས་ཀྱི།། བྱང་ཆུབ་རྗེ་སུ་རྟོགས་གྱུར་གང་།། དེ་ནས་བཅོམ
280a7 ལྡན་ངོ་མཚར་ཏོ། ། བདེ་བར་གཤེགས་པ་ངོ་མཚར་ཏོ།། དེ་ནས་རིགས་ཀྱི་བདག་པོ་ཡིས།། གསང་བ་མཆོག་ཏུ་བཀའ་སྩལ་པ།། སངས་རྒྱས་བྱང་ཆུབ་སེམས་དཔའ་ཀུན།། དེ་སྐད་ཅེས་ནི་མ་ཟེར་ཅིག། དེ་ཉིད་ཅིའི
280a8 ཕྱིར་ཞེ་ན། ། ཆོས་ནམས་ན་མཁའི་རྡོ་རྗེའི་གནས།། དེ་ཉིད་མཚུངས་ཕྱིར་སྟོང་པ་ཉིད།། རབ་ཏུ་མི་གནས་བདག་ཉིད་ལས།། ཆོས་རྣམས་འོད་གསལ་དབྱིངས་གྱུར་པ།། དེ་ཉིད་ཡེ་ཤེས་འབྱུང་གནས་གྱུར།། དེ་ནས་བྱང་ཆུབ
iiif viewer powered by OpenSeadragon
