| e-texts navigator |
| Wylie |
17b1 འདས་ཕྱག་ན་རྡོ་རྗེས་ཡེ་ཤེས་ཀྱི་དམ་ཚིག་ཁོང་དུ་ཆུད་པ་ཞེས་བྱ་བའི་གསང་སྔགས་ཀྱི་དམ་ཚིག་བཀའ་སྩལ་ཏོ། ། གྲངས་མེད་འབྱུང་པོ་ཐམས་ཅད་ནི།། དེ་ཉིད་སྦྱོར་བས་གསང་བར་བྱ།། སྐྱེ་བ་འདིར་ཉིད་སངས་རྒྱས
17b2 ཉིད། ། ཐོབ་འགྱུར་འདི་ལ་ཐེ་ཚོམ་མེད།། སངས་རྒྱས་བྱེ་བ་ཡོངས་རྫོགས་པ།། ཡེ་ཤེས་སྦྱོར་བས་གསང་བར་བྱ།། སྐྱེ་བ་འདིར་ཉིད་འགྲུབ་འགྱུར་ཏེ།། རྡོ་རྗེ་སེམས་དཔའ་ཐོབ་པར་འགྱུར།། པད་མ་ཆེན་པོའི་ཚད་ཀྱིས་ནི།
17b3 སེམས་ཅན་ཕུང་པོ་རྣམས་གཞོམ་བྱ།། ཆོས་ཀྱི་དེ་ཉིད་ཏིང་འཛིན་གནས།། བཅོམ་པས་དངོས་གྲུབ་ཐོབ་པར་འགྱུར།། ཆོ་ག་ཤེས་པས་པད་མའི་ཚད།། འཇོམས་བྱེད་འདྲེན་པ་གསང་བར་བྱ།། འདོད་མཆོད་དེ་ཉིད་བསྒོམ་པ་ཡིན།
17b4 དེ་ཡི་དངོས་གྲུབ་ཆེ་ཞེས་བྱ།། བཅོམ་ལྡན་འདས་ངོ་བོ་ཉིད་དག་པས་དེ་སྐད་ཅེས་གསུངས་སོ།། ནམ་མཁའི་ཁམས་ནི་ཀུན་བཀང་བར།། མཚན་ཉིད་དེས་ནི་གསད་པར་བྱ།། དེ་ལྟར་ཡང་འདིར་སངས་རྒྱས་ཉིད།། སྐྱེ་བ་འདི་ཉིད་ཁོ་ན
17b5 ལ། ། རྣམ་པ་སྣ་ཚོགས་མཐའ་དག་འཐོབ།། སེམས་ཅན་སེམས་ནི་ཆོ་ག་ཡིས།། ཡང་དང་ཡང་དུ་སྦྱར་བར་བྱ།། གསོད་པའི་བདག་ཉིད་སོགས་འབྱུང་བ།། གཞན་དུ་འབྱོར་པར་མི་འགྱུར་ཉིད།། སེམས་ཅན་ཀུན་གྱི་སེམས་གང
17b6 ཡིན། ། གསལ་བ་ཞི་བ་འོད་གསལ་བར།། སྣ་ཚོགས་དངོས་པོས་མ་གོས་པར།། སེམས་སུ་བརྗོད་པའི་དེ་ཉིད་བསྒོམ།། ཆོ་ག་ཤེས་པས་སངས་རྒྱས་ཡུམ།། དེ་ཉིད་ཉེ་བར་ལོངས་སྤྱོད་བྱ།། གསང་སྔགས་དགེ་བ་འབྱུང་བ
17b7 ཀུན། ། གཞན་དུ་གྲུབ་པ་ཉིད་མི་འགྱུར།། དེ་དེ་སྔགས་པ་མ་ལུས་པས།། མཆོག་གི་ཚོགས་ནི་ཡང་དག་དབྱུང་།། རྡོ་རྗེ་སེམས་དཔའ་དགེ་འབྱུང་བ།། གཞན་དུ་དགྱེས་པར་འགྱུར་མིན་ཉིད།། ཉེ་བར་ལོངས་སྤྱོད་བྱ་ཀུན་ཏུ། ཉེ་བར
17b8 ལོངས་སྤྱོད་ཀུན་བརྩམ་བྱ། ། གཞན་དུ་གལ་ཏེ་བདག་རྨོངས་པས།། མནར་མེད་ལྟ་བུར་འཚེད་པར་འགྱུར།། ཐམས་ཅད་བདག་ཉིད་བཟའ་བར་བྱ།། ཆང་ངམ་གཞན་ཡང་རང་གིས་བཏུང་།། སངས་རྒྱས་ཀུན་གྱི་སྦྱིན་པར་འགྱུར།།
iiif viewer powered by OpenSeadragon
