| e-texts navigator |
| Wylie |
15b1 ཡིད་ཀྱི་ཀུན་སྦྱོར་ཕྲན་ཚོགས་ཀྱིས།། བསྡུས་པ་ཡིས་ནི་རྣམ་པར་བརྒྱན།། ཨུརྒྷ་ནི་མཚུངས་སྐལ་བཟང་མོ།། སྔགས་པས་རྟག་ཏུ་བསམ་པར་བྱ།། བཅོམ་ལྡན་འདས་ཀུན་དུ་བཟང་པོས་དེ་སྐད་ཅེས་གསུངས་སོ།།
15b2 མར་སར་ལ་སོགས་ཀུན་སྦྱོར་གྱིས།། ཡིད་དུ་འོང་བ་དེ་བསྒོམ་བྱ།། ཆད་ཉིད་ཡིད་ཀྱིས་སྦྱོར་བྱེད་པ།། གང་དེ་ཉིད་ནི་བསྒོམ་བཞིན་དུ།། ཟླ་བའི་དཀྱིལ་འཁོར་དབུས་སུ་ནི།། རང་གི་སྔགས་ཀྱིས་ཡང་དག་བསྐྱེད།
15b3 སྐྲོད་པར་བྱེད་པས་ཆོ་ག་ཀུན།། འདི་ནི་བསྐྱེད་ཅིང་བསྒོམ་པར་བྱ།། ལག་པས་མགྲིན་པ་ལ་སོགས་བཟུང་།། རྐང་པ་དེ་ལ་སྦྱར་བར་བྱ།། མེ་ཏོག་གཉིས་སོགས་མཚན་ཉིད་ཀྱིས།། རང་གི་རྡོ་རྗེ་གཞུག་བསམ་བྱ།། ཟླ་བའི
15b4 དཀྱིལ་འཁོར་ཡང་དག་སྦྱོར། ། ཁུ་བ་དེ་ལ་ལྟུང་བར་བྱ།། བཅོམ་ལྡན་འདས་རྡོ་རྗེ་འཆང་གིས་དེ་སྐད་ཅེས་གསུངས་སོ།། ནམ་མཁའི་ཁམས་ནི་ཀུན་བཀང་བར།། བྱས་ནས་དེ་ཉིད་ཀྱིས་བསྒོམ་བྱ།། མེ་ཏོག་བཞི་ལ་སོགས
15b5 ཚུལ་གྱིས། ། དེ་ལ་མཆོད་པར་བྱེད་ཅེས་དགོངས།། ཉེར་སྤྱོད་ལྔ་ཡིས་མཆོད་པ་ཡིས།། མཆོད་བདག་ཀུན་སྦྱོར་ལས་མཆོད་བྱ།། དྲི་གཟུགས་རོ་དང་རེག་བྱ་ནི།། ཐམས་ཅད་དུ་དེ་ཉིད་ཀྱིས་སྦྱིན།། རྡོར་སེམས་རྣམས་ནི
15b6 བློ་ལྡན་གྱིས། སངས་རྒྱས་ཀུན་གྱིས་བསྐྱེད་པ་དང་།། མཉེས་དང་མཆོད་པར་རབ་ཏུ་བརྗོད།། དགྱེས་པར་ཡང་ནི་བརྗོད་པ་ཡིན།། འདི་ཡིས་གསང་སྔགས་གྲུབ་པ་ནི།། སྒྲུབ་པ་པོ་རྣམས་རྣམ་རྒྱལ་འགྱུར།། གསལ་བྱེད་རྒྱས་པ་སྒྲུབ
15b7 དོན་དུ། ། སངས་རྒྱས་ཉིད་སོགས་ཡང་དག་འཐོབ།། གལ་ཏེ་ཆོས་ཉིད་མ་འགྱུར་བ།། འདི་ནི་སངས་རྒྱས་ཆོས་ཉིད་དོ།། སངས་རྒྱས་ཉིད་སོགས་ཡོངས་བཟུང་བ།། གཞན་དུ་ཐོབ་པར་མི་འགྱུར་རོ།། སེམས་ཀྱི་མི་དགེ་བྱ་མིན།
15b8 ཉིད།། སྨད་པའི་ཀུན་སྤྱོད་བྱ་མིན་ཉིད།། འདི་ནི་སངས་རྒྱས་ཐམས་ཅད་ཀྱི།། ཆོས་ཉིད་མི་འགྱུར་ཀུན་ལས་བཏུས།། གང་གཞན་བཙུན་མོ་རྣམས་ཉིད་ནི།། འདོད་པ་ཉེ་བར་ལོངས་སྤྱོད་པའོ།། ཉི་མའི་དཀྱིལ་འཁོར་སྦྱོར་བ་ནི།། ཇི
iiif viewer powered by OpenSeadragon
