| e-texts navigator |
| Wylie |
12b1 མཆོད་ཚུལ་གྱིས་ནི། ། ཁམས་གསུམ་ཟར་ཡང་སྤྲོ་བར་བྱ།། འདོད་པའི་མཆོད་པ་མཚུངས་པའི་གཟུགས།། སྲིང་མོ་བཞིར་ནི་ཡང་དག་སྦྱོར།། གཟུགས་ཀྱི་མཚན་ཉིད་ཚུལ་གྱིས་ནི།། མཉམ་པར་གཞག་པས་སྨྲ་བར
12b2 བྱ། ། གེ་སར་སེར་པོ་དང་མཚུངས་པའི།། ཚངས་པའི་གཟུགས་ནི་རྣམ་བསྒོམས་ནས།། ཆོ་ག་ཤེས་པས་སངས་རྒྱས་གཟུགས།། བྱས་ནས་དེ་ནི་རབ་བསྒོམ་བྱ།། བཅོམ་ལྡན་འདས་ཆོས་འཆང་བས་དེ་སྐད་ཅེས་གསུངས
12b3 སོ། ། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས།། འདོད་པའི་རིགས་ཀྱི་ཏིང་ངེ་འཛིན་གྱི་ལེའུ་སྟེ་ལྔ་པ་རྫོགས་སྷོ།། །། དེ་ནས་བཅོམ་ལྡན་འདས་ཕྱག་ན་རྡོ་རྗེས། དེ་བཞིན་གཤེས
12b4 པ་ཐམས་ཅད་རང་གི་དཀྱིལ་འཁོར་དུ་བཞག་ནས་རང་གི་ཏིང་ངེ་འཛིན་ལ་སྙོམས་པར་ཞུགས་ཏེ། ། གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོར་དངོས་གྲུབ་ཐམས་ཅད་ཀྱི་དམ་ཚིག་གི་ཡེ
12b5 ཤེས་མཆོག་གི་ལེའུ་འདི་བཀའ་སྩལ་ཏོ། ། བློ་ལྡན་འདོད་པ་ཐམས་ཅད་ལ།། རྣམ་རྟོག་བྱ་བ་མིན་པ་ཉིད།། སངས་རྒྱས་ཐམས་ཅད་འཇོམས་པ་ནི།། སེམས་ལ་རྨད་བྱ་མིན་པ་ཉིད།། དགའ་དང་རྩོད་པའི་མཚན་ཉིད་ཀྱིས།།
12b6 སངས་རྒྱས་ཐམས་ཅད་སླུ་བ་དང་། གཞན་དུ་དེ་ལ་ལྷའོ་ཞེས། སེམས་ནི་བརྟན་བྱ་མིན་པ་ཉིད།། སངས་རྒྱས་ཀུན་གྱི་རྫས་གང་ཡིན།། སྐྱེ་བ་མེད་པའི་ཡོན་ཏན་འབྱུང་།། སེམས་ནི་ཤིན་ཏུ་བརྟན་བྱས་ལ།། བཙུན་མོ་ལ་སོགས
12b7 རྣམ་པར་བསྒོམ། ། འཇིག་རྟེན་གསུམ་པའི་དབང་ཕྱུག་མ།། རིག་མ་ཆེན་མོ་སྤྱན་མར་གྲགས།། དེ་ཡང་བཙུན་མོར་བྱས་ནས་ཀྱང་།། ཀུན་ཏུ་ཉེ་བར་ལོངས་སྤྱད་དོ།། ཆོ་ག་ཤེས་པས་ཡེ་ཤེས་རིགས།། ལྷན་ཅིག་འཇོམས
12b8 པར་ཡང་དག་བརྩམ། ། སྲོག་ཆགས་རྣམས་ཀྱི་དགེ་འཇོམས་པ། བསྡུ་བའི་དོན་ནི་རྟག་ཏུ་བྱ།། ཆགས་ལ་ཆགས་པས་སྦྱོར་བྱ་བ།། ཆོས་ཀྱི་རིགས་ལ་རྟག་ཏུ་བྱ།། འདོད་མཆོད་རིགས་ནི་མཚུངས་པ་ལ། རྟག་ཏུ་བརྫུན
iiif viewer powered by OpenSeadragon
