| e-texts navigator |
| Wylie |
311a1 བཀའ་བཞིན་བྱེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། ། དེ་བཞིན་བྲུཾ་ཀྱི་ཡེ་ཤེས་ལས།། བྱུང་བའི་ཁྲོ་བོ་གཙུག་ཏོར་རྒྱལ།། ཞལ་གསུམ་སེར་པོ་མདངས་ལྡན་པ།། ཕྱག་དྲུག་ལྕག་པ་ཀྱུ་ལ་སོགས་པ།། འཛིན་ཅིང་སྦྲུལ
311a2 གྱིས་ཡང་དག་བརྒྱན། ། འོག་ཏུ་བགེགས་ཀྱི་གཅོམ་ནན་ནས།། གད་མོའི་སྒྲས་ནི་འདེབས་པར་བྱེད།། རལ་པའི་གཙུག་གཏོར་གྱིས་བརྒྱན་པ།། ཁྲོ་བོ་འདི་འདྲ་སྒོམ་བྱེད་པའི།། རྣལ་འབྱོར་གང་ལ་སངས་རྒྱས་ཀྱི།། སྤྲུལ་པའི་བོགགས
311a3 ཀྱང་རླག་བྱེད་ན། ། གཞན་མ་རྣམས་ནི་སྤོས་ཅི་དགོས།། སྙིང་འགུགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། བྲུཾ་ལས་ཡང་ནི་བྱུང་བ་ཡི།། གཙུག་ཏོར་དམ་ཚིག་ཅོད་པན་ཅན།། ཞལ་གསུམ་གསེར་རྐུན་མདངས་ལྡན་པ།། ཕྱག་དྲུག་ཀ
311a4 པཱ་ལས་སོགས་པ། ། འཛིན་ཅིང་སྣ་ཚོགས་རབ་ཏུ་འབར།། རལ་པའི་གཙུག་ཏོར་གྱིས་བརྒྱན་པ།། ཞབས་རྣམ་སྦྱར་ཞིང་རྣམ་པར་འཕེན།། སྤྲོ་དང་བསྡུ་བའི་བློ་གྲོས་ཅན།། འདི་འདྲ་གང་ཞིག་བསྒོམ་པ་ལ།། བི་ན་ཡ་ཀ་པཱ་ལ་སོགས་པའི
311a5 བགེགས་ཀྱིས་སྐབས་ནི་མི་རྙེད་ཕྱིར། ། ཇི་བཞིན་རབ་ཏུ་བསྒོམ་པར་བྱ།། གཞན་གྱིས་མི་ཐུབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ནོ།། ཟླ་གི་ཡི་གེ་ལས་ཀྱང་བྱུང་།། མིང་གི་གཙུག་ཏོར་རྣམ་པར་མཐོར།། ཞལ་གསུམ་གསེར་ནི་གཙེམ་འདྲ།།
311a6 ཕྱག་དྲུག་ཏྲི་ཤུ་ལས་སོགས་པ།། འཛིན་ཅིང་སྲོག་སོང་སྟེང་ན་གནས།། རོལ་པའི་སྟོབས་ཀྱིས་བགེགས་མཆུ་བཅིངས།། རལ་པའི་གཙུག་ཏོར་གྱིས་བརྒྱན་པ།། སངས་རྒྱས་སྤྲིན་ནི་སྤྲོ་བའོ།། གང་ཞིག་དེ་འདྲ་སྒོམ་བྱེད་པའི།། རྣལ་འབྱོར།
311a7 དེ་ཡིས་གོ་ཆ་བགོས།། ཕྲ་བའི་དང་ཚུལ་ཅན་ཡིན་པས།། བགེགས་ལུས་གང་གིས་མི་གཡོའོ།། བགེགས་ལས་རྒྱལ་བ་རྡོ་རྗེ་ཞེས་བྱ་བའི་ཏི་ངེ་འཛིན་ཏོ།། བྲུཾ་གྱི་ཡེ་ཤེས་མཐུ་ལས་བྱུང་།། གཙུག་ཏོར་རྣམ་པར་འཇོམས་པའི
311a8 མཆོག། ཞལ་གསུམ་གསེར་འདྲའི་ཉི་འོད་མཚུངས།། ཕྱག་དྲུག་རྡོ་རྗེ་ལ་སོགས་པ།། འཛིན་མཛད་ཚེམས་ཀྱིས་སྦོམ་མནན་ཏེ།། ཆགས་ལྡན་རིག་མས་འཁྱུད་པའོ།། རལ་པའི་གཙུག་ཏོར་གྱིས་བརྒྱན་པ།། ཁྲག་ཅན་ལྗགས་ཀྱང
iiif viewer powered by OpenSeadragon
