| e-texts navigator |
| Wylie |
308a1 དེ་ནི་རང་བཞིན་དག་པའོ་ཞེས།། བརྗོད་ཅིང་ཐལ་མོ་གསུམ་གྱིས་སྦྱར།། དག་གྱུར་དེ་ནས་བློ་ཡས་ནི།། སེམས་ལ་སོ་སོར་བརྟག་པར་བྱ།། སེམས་ལ་སོ་སོར་བརྟགས་ནས་ཀྱང་།། ཕྱི་རོ་ལ་རང་བཞིན་སྟོང་པར་བྱ།
308a2 སེམས་ཙམ་ལ་ནི་གནས་ནས་སུ།། བྱང་ཆུབ་ཚོགས་ཀྱིས་བག་ཆགས་དེས།། བསྒོམ་པར་བྱ་བའི་རི་བོ་དག། ཟླ་བའི་གཟུགས་སུ་རྣམ་པར་བཏག། དག་པའི་བདམ་ལ་གནས་པ།། ཨོཾ་གྱི་མྱུ་གུས་བསྐྲུན་པ་ཡི།། ཡན་ལག་ཀུན
308a3 གྱི་མཚན་ཉིད་གཟུགས། ། རྡོ་རྗེ་སྐུ་ནི་བསྒོམ་པར་བྱ།། ཨཱཿཞེས་བྱ་བའི་སྤྲོས་མེད་གསུངས།། སེམས་ནི་ཧཱུཾ་ཞེས་བྱ་བར་སྤྲུལ།། ཡི་གེ་གསུམ་གྱིས་བྱིན་བརླབས་ལུས།། སྙིང་ལ་གནས་པ་ཟླ་བའི་གཟུགས།། དེ་ལ་རང་གི་ཡི་གེ་ན།
308a4 མདོག་གཟུགས་འོད་ནི་བྱེད་བསམས་ཏེ།། ང་རྒྱལ་བསྐྱེད་ནས་དེ་ལ་ནི།། རྡོ་རྗེའི་བདག་ཉིད་བདག་ཉིད་བརྗོད།། རྒྱན་ཀུན་ཡོངས་སུ་རྫོགས་པ་དང་།། འོད་ཀྱི་དཀྱིལ་འཁོར་གྱི་བརྒྱན་པ།། ཆ་ཤས་ཀྱི་ནི་དྲ་བ་ཅན།། ཡེ་ཤེས
308a5 སེམས་དཔའ་རྫོགས་པར་བརྟག། དེ་འོག་ལག་པའི་ཕྱག་རྒྱ་ཡིས།། གོ་ཆ་མཚོན་ཆ་ལ་སོགས་བྱ།། རྫོགས་སངས་རྒྱས་ལྔ་དབང་བསྐུར་ཏེ།། ཅོད་པན་ཕྲེང་བ་རྣམས་ཀྱིས་ཀླུབས།། དེ་ནས་དེ་འོག་སངས་རྒྱས་ཀྱི།།
308a6 སྤྲུལ་པ་མཛད་པའི་སྒྱུ་མ་འཕྲོ།། ཡན་ལག་བཞི་པ་དཔུང་ལྡན་པའི།། ཕྱོགས་བཅུར་ཁྲོ་བོ་བཅུ་དག་དང་།། བསྙེམས་མ་དང་ནི་ཏོག་ལྡན་མ།། མཚོན་ཆམ་དང་རྩེད་མོ་ཅན།། སྒྱུ་མའི་ཆ་བྱད་རྣམ་པའོ།། རྣམ་པར་འཕྲུལ་པ
308a7 བྱིན་གྱིས་བརླབ། ། ཀུན་ལ་ཁྱབ་པར་བྱེད་པ་ཡི།། སྣ་ཚོགས་དབུས་སུ་བཞག་ནས་ནི།། དེ་ཉིད་ཆེན་པོ་བདག་ཉིད་ལྔས།། ཕྱོགས་བཞི་འཁོར་ལ་ཁྱབ་བྱ་སྟེ།། དགའ་བས་དགའ་བྱེད་བཞི་ཡང་སྡེ།། ཏིང་འཛིན་ཀུན་གྱི་དགའ་བ་ལ།།
308a8 འོས་པར་བྱེད་པའི་སྔགས་པ་ཡི།། འཁོར་ལོ་དང་ནི་རྡོ་རྗེའི་གཟུགས།། པད་མའི་གཟུགས་ལ་དེ་དག་ནི།། འཁོར་ལོ་ཀུན་ལ་པད་མ་ཡི།། ངོ་བོ་ཡིས་ནི་རོལ་པ་དང་།། ཨེ་ཞེས་བྱ་བ་འཕྲོ་བ་ལས།། མདོག་ལྡན་བདག་ཉིད
iiif viewer powered by OpenSeadragon
