| e-texts navigator |
| Wylie |
305a1 པ་ན། པད་མ་ལ་ནི་མཉམ་བཞག་པསམ།། བྱང་ཕྱོགས་གནས་སུ་དོན་གྲུབ་ནི།། ལྗང་ཁུ་མཐིང་ཀ་དཀར་བའི་ཞལ།། རལ་གྲི་ཕྱག་རྒྱ་སྙིང་ཁ་ན།། འབར་བའི་ཕྲེང་བས་མཉམ་པ་འོད།། པད་མ་རྡོ་རྗེ་གཡས་པ་ན།
305a2 འཁོར་ལོ་རིན་ཆེན་གཡོན་པ་ན།། ཟླ་བའི་དཀྱིལ་འཁོར་དབུས་གནས་པ།། བྱང་གི་གནས་སུ་བསམ་པར་བྱ།། སྔགས་པས་ཕྱག་དྲུག་བསམ་པ་ནི།། སྤྱན་དེ་ཞལ་གསུམ་དཀར་མོ་ཡི།། རྣམ་པར་སྣང་མཛད་ཕྱག་རྒྱ་བཞིན།
305a3 དེ་ཡི་དོན་དུ་རྣམ་པར་བསྒོམ།། བཱ་མ་ཀཱི་ཡང་བསམ་པ་ནི།། ཨུད་དཔལ་དང་ནི་མཐིང་འདྲ་བ།། ཞལ་གསུམ་ཕྱག་དྲུག་ཆགས་པ་སྟེ།། མི་བསྐྱོད་ཕྱག་རྒྱ་མཆོག་འཛིན་པའོ།། ཆགས་པས་ཆགས་པ་རིགས་ཀྱི་སྔགས།།
305a4 གསུམ་ཕྱག་དྲུག་དགེ་བ་སྟེ།། སྦྱོར་བའི་ས་ནི་དཀར་མོ་བསམ།། པད་མ་རཱ་གའི་ཕྱག་རྒྱའོ།། སྒྲོལ་མ་ཁ་དོག་སེར་མོ་སྟེ།། འཁྲིལ་བག་རྒྱན་གྱིས་རབ་ཏུ་བརྒྱན།། ཞལ་གསུམ་ཕྱག་དྲུག་རབ་ཏུ་བསམ།། ཐོགས་མེད་རྒྱལ
305a5 པོའི་ཕྱག་རྒྱའོ། ། སྒོ་བའི་སྒོ་སྲུངས་དགོད་བྱ་བ།། སྒོ་རྣམས་སུ་ནི་ཁྲོ་བོ་བསམ།། ཁྲོ་བོ་ཆེན་པོ་གཤིན་རྗེ་གཤེད།། གཞན་གྱིས་མི་ཐུབ་དེ་བཞིན་ཏེ།། ཐུབ་པར་དཀའ་བ་རྟ་མགྲིན་དང་།། ཁྲོ་བོ་བདུད་རྩི་འཁྱིལ་པ་བསམ།། དེ་དག
305a6 ཀུན་ཀྱང་ཞལ་གསུམ་པ། ། དྲག་ཅིང་དྲག་པོར་གནོན་པའོ།། མཐིང་ཀ་སེར་པོ་དེ་བཞིན་དམར།། ལྗང་ཁུ་དག་ནི་ཁ་དོག་ཏུའོ།། མཚོན་ཆ་སྣ་ཚོགས་འཛིན་པ་སྟེ།། ཐོད་པའི་ཕྲེང་ཐོགས་དེ་བཞིན་ནོ།། གདོན་རྣམས་ཐམས་ཅད
305a7 སྐྲག་བྱེད་པ། ། གདོན་སྦྱིན་སྲིན་པོ་འཕྲ་མེན་མ།། མ་ཧེ་སེང་གེ་སྟག་རྣམས་དང་།། བ་ལང་ཞོན་པ་རྣམ་བཞིའོ།། རྣམ་པར་འགྱུར་བའི་ཁྲེ་ཉེར་ཅན།། ཁྲོ་བོ་སྤྱན་ནི་ཀུན་ནས་བསྡུས།། སྔགས་འདི་རྣམས་ཀྱིས་བསམ་པ་ནི།། གཤིན
305a8 རྗེ་གཤེད་ལ་སོགས་པའོ། ། སྔགས་ཀྱི་དེ་ཉིད་རྗེས་འཐུན་པར།། སྔགས་པས་དཀྱིལ་འཁོར་བསྒྲུབས་ནས་སུ།། ས་ཡི་སྙིང་པོ་ལ་སོགས་པ།། སེམས་དཔའ་རྣམས་ནི་དེར་གནས་བསམ།། ལུས་དང་ངག་དང་སེམས་དེ་ཉིད།
iiif viewer powered by OpenSeadragon
