| e-texts navigator |
| Wylie |
303a1 བུ་དག་དང་རྐེ་རགས་དང་། ། བཀྲ་ཤིས་ཚིགས་བཅད་སྣ་ཚོགས་ཀྱིས།། སློབ་མ་སྡིག་དང་བྲལ་བ་ལ།། སློབ་དཔོན་གྱི་ནི་དབང་བསྐུར་རོ།། དང་པོ་རྣམ་རྒྱལ་བུམ་པ་དང་། དེནས། ལོ་བཞི་རྣམས་དང་།། ལྦ་རྣམས་ཀུན་གྱི་བཞི་པ
303a2 ས། ། བཀྲ་ཤེས་ཚིགས་བཅད་གྲུ་སྒྲ་དང་།། རྡོ་རྗེ་དྲིལ་བུ་བསིལ་བ་ཡིས།། སྐྱོབ་པའི་དཀྱིལ་འཁོར་མངོན་སུམ་དུ།། ཏིལ་གྱི་གང་བ་བཞིན་གང་བའི།། རྒྱལ་བས་བུམ་པ་བཟུང་ནས་ནི།། དེ་ཉིད་ལ་ནི་དབང་བསྐུར་བར། དཀྱིལ་འཁོརྡ
303a3 ཉིད་རིག་པར་བསམ། ། དེ་ལྟ་བུ་ནི་བསམས་ནས་ཀྱང་།། ཆོས་ཀྱི་མཚན་ཉིད་བསྟན་པར་བྱ།། དེ་ནས་ཡིད་འོང་བུ་མོ་ནི།། ལེགས་པར་གོམས་པ་དབང་ཐོབ་པ།། རྒྱན་གྱིས་རབ་བརྒྱན་རབ་མཛེས་པ།། བཙལ་ཏེ་བླ་མ་ལ་ཕུལ་ནས།།
303a4 དེ་ནས་རྒྱལ་དབང་སློབ་མ་དེ།། ནང་གི་སྦས་པ་བཏུས་པ་ཡི།། གསང་བ་མཉམ་པར་འཇུག་པ་ཡི།། སྦྱོར་དང་ལྡན་པས་དབང་བསྐུར་བྱ།། རྡོ་རྗེ་པད་མོ་ལས་དྲང་བ།། སྦོམ་པོ་མཐའ་ལྟག་རྩེ་སྦྱར་ནས།། རྐང་དུ་རྡོ་རྗེ་བཞག་པར་བྱ།། ཀྱེ་མའོ
303a5 བདེ་བ་བདེ་བ་ཆེ། ། ཀྱེ་མའོ་དམ་ཚིག་བདེ་བརྗོད་ཅིང་།། ཀྱེ་མའོ་བདེ་བ་བླང་བར་བྱའོ།། འདི་ནི་གསང་བ་ཞེས་བྱ་བའི།། དེ་དབང་བསྐུར་བའི་ཐབས་མཆོག་གོ།། ཡང་ན་ཤིན་ཏུ་དད་ལྡན་པ།། གཟུགས་བཟང་སྒྲུབ་ལ་དགའ་བ་དང་།། སྦྱར
303a6 གོ་བས་བླ་མ་ལ་ནི་དབུལ། ། བླ་མས་བྱིན་བརླབས་ལྷ་མོ་དང་།། བསྒྲུབ་པ་དེ་ལ་སྦྱིན་པར་བྱ།། དེ་ཡིས་བླངས་ནས་བརྩོན་པའི་ཚོགས།། ཅི་སྐད་གསུངས་བཞིན་རབ་བྱས་ནས།། རང་གི་ལྷ་དང་སངས་རྒྱས་དང་།། བྱང་ཆུབ་སེམས་དཔའི
303a7 ཚོགས་རྣམས་ཀུན། ། མཉེས་བྱེད་ཚོགས་སེམས་བརྟག་ཏེ།། མངོན་སུམ་བདེ་བར་རང་འབྱུང་བ།། གཞན་གྱིས་གང་དུ་བསྒྲག་མི་ནུས།། གོ་བའི་ཡུལ་དེ་བདེ་བ་ཆེ།། བླ་མ་དེ་ལ་དབུལ་བར་བྱ།། བླ་མ་གཞན་ལ་དེ་བཞིན་དུ།། ཅི་དགའ
303a8 བར་ནི་ཡོན་ཡང་དབུལ། ། སློབ་དཔོན་ཅུང་ཟད་ཅི་འདོད་པ།། ཡིད་ལས་བསམས་པ་དབུལ་བར་བྱ།། དམ་ཚིག་འདའ་བས་འཇིགས་པའི་ཕྱིར།། བསྒྲིམས་ཏེ་དེ་བཞིན་དཔྲལ་བར་བྱ། སློབ་དཔོན་གྱི་ནི་ཡུལ་གྱི་མཆོག། རིགས་ཀྱི་ཁྱད་པར།
iiif viewer powered by OpenSeadragon
