| e-texts navigator |
| Wylie |
99a1 གཉིས་པར་དབང་བཞི་ཐོབ་པ་དང་།། གསུམ་པར་བྱིན་གྱིས་བརླབས་ནས་ནི།། བཀའ་སྒོའི་རྗེས་གནང་ཚུལ་བཞིན་དུ།། མནོར་འཇུག་པའི་གོར་མི་ཤེས།། རྟེན་ཚུལ་ཁྱད་པར་ཤེས་པར་བྱ།།
99a2 སྟོབས་ནི་ཆོས་རྣམས་ཐམས་ཅད་ལ།། སྒྱུ་མ་ལྟ་བུར་ཤེས་པ་དང་།། ཡང་དག་བདེན་པའི་སྟོབས་ཀྱིས་ནི།། རང་བཞིན་མེད་པར་རྟོགས་པས་འབྱུང་།། འཇུག་པ་ཐུན་མོང་མ་ཡིན་པ།། བྱམས་པ་སྙིང་རྗེ་བང་།
99a3 ཆུབ་སེམས།། ཚད་མེད་བཞི་དང་ལྡན་པ་ཡིས།། འགྲོ་བའི་དོན་ལ་སེམས་པ་བོ།། མངོན་དུ་བྱེད་པ་ཉེར་སྒྲུབ་སྟེ།། དུས་དང་གྲངས་དང་མཚན་མ་སྟེ།། དང་པོ་བར་དང་ཐ་མར་ཡང་།། གཙོ་བོ་དང་ནི་འཁོར
99a4 རྣམས་ཀྱི། ། གང་གྲུབ་རབ་འབྲིང་ཐ་མ་རུ།། རྟགས་ཀྱི་དབྱེ་བ་བསྟན་པ་ཡིན།། རྒྱུ་ནི་ཐོགས་པ་མེད་པ་ཡི།། རྟེན་ཅིང་འབྲེལ་བར་འབྱུང་བ་སྟེ།། མངོན་སུམ་དུ་ནི་འབྱུང་བ་ལ།། གང་གིས་དགག་པར
99a5 ནུས་པ། ། དེ་ལས་འབྲས་བུ་ཕུན་སུམ་ཚོགས།། སྙིང་པོ་སྨིན་པ་བཞིན་དུ་འབྱུང་།། གང་དུ་ཐོགས་མེད་རྡོ་རྗེ་ཡི།། སྙིང་པོ་ཟད་པ་མེད་པའི་དོན།། ཡང་དག་ཡེ་ཤེས་སྣང་བ་བོ།། ཐ་མའི་དྲིན་ལས་ཐོ
99a6 པར་འགྱུར། ། དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བའི་རིམ་པ་བསྟན་པའི་ལེའུ་སྟེ་གསུམ་པའོ།། ། དེ་ནས་དབང་ལྡན་བདུད་འཇོམས་པའི།། བསྒྲུབ
99a7 པ་ཡང་དག་རབ་ཏུ་བཤད། ། གསང་བའི་མགོན་པོ་ཆེན་པོ་ཡི།། སྦས་པའི་ཡུམ་དང་བཅས་པ་ཡི།། གསང་བ་མཁའ་འགྲོ་མ་བཞི་དང་།། ལྷན་ཅིག་ཏུ་ནི་དགྱེས་པར་རོལ།། ཞལ་གཅིག་པ་ལ་ཕྱག
99a8 བཞི་པ། ། གདུལ་དཀའ་འདུལ་བའི་དཔའ་བོ་ནི།། ཞལ་གཅིག་པ་ལ་སྤྱན་གསུམ་པ།། མི་ཐུང་ཁྲོས་པ་ཨུ་དཔལ་མདོག། མགོ་སྐྱེས་གྱེན་འགྲེང་རྔམ་པའི་སྐུ།། རོ་ཡི་གདན་ལ་བཞུགས་མཛད
iiif viewer powered by OpenSeadragon
