| e-texts navigator |
| Wylie |
98b1 དུ་ནི་སྒྲ་བཅས་དང་། ། ཤིན་དུ་དལ་བར་བཟླས་པ་བྱ།། ཉེ་བར་བསྙེན་པའི་དུས་སུ་ནི།། བདག་ཉིད་ཧེ་རུ་ཀ་ལུས་ནི།། ཧཱུཾ་ཕྱུང་མདུན་དུ་འོད་འཕྲོས་པས།། བསྐྱེད་ཅིང་མཐར་ནི་ཉེ་བར་བསྡུ།། བསྒྲུབ་པའི་དུས་སུ
98b2 མགོན་པོ་ཡིས། ། རྒྱས་འདེབས་སྤྱི་བོར་ཧེ་རུ་ཀ། དེ་ཉིད་གསང་སྔགས་ཕྱོགས་བཅས་པ།། དེ་ཉིད་སེམས་དཔའ་སུམ་བརྩེག་བསམ།། གསང་བཞིར་སྐྱོང་རྒྱལ་པོ་ཆེ།། ཆོ་ག་གསུམ་གྱིས་སྒྲུབ་པའི
98b3 ཚུལ། འཇིག་རྟེན་འཇིག་རྟེན་འདས་པའི་བདག། ཐམས་ཅད་བདེ་ཆེན་གནས་པ་ལ།། དུས་གསུམ་འཁོར་ལོ་གསུམ་དུ་གནས།། བརྟུལ་ཞུགས་འཛིན་པས་འཐོབ་པར་འགྱུར།། སྒྲུབ་པ་ཆེན་པོ་བླ་ནི་མེད།།
98b4 ཡེ་ཤེས་མགོན་པོ་ཆེན་པོ་ཉིད།། ཁ་གདོང་ལ་སོགས་ལྷ་མོ་བརྒྱད།། རིམ་པ་བཞིན་དུ་ཡོངས་སུ་བསྐོར།། དཀྱིལ་འཁོར་ཕོ་བྲང་དབུས་སུ་ཡང་།། དུར་ཁྲོད་དུ་ནི་མགོན་པོ་རོལ།། འཇིག་རྟེན་གསུམ
98b5 ད་རྙེད་དཀའ་བ། ། དམ་ཚིག་སྤྱོད་པའི་རང་བཞིན་ནི།། རྟག་ཏུ་རང་སྔགས་སྦས་པ་སྟེ།། རབ་ཏུ་འབད་དེ་གསང་བར་བྱའོ།། ཕྲིན་ལས་ཁྱད་པར་གང་ཡིན་པ།། ལས་ལ་སྦྱོར་བ་རིམ་ཤེས་བྱ།། རེངས་པར
98b6 བྱེད་དང་སྐྲོད་པ་དང་། ། རྨུགས་པར་བྱེད་དང་རྒྱལ་དུ་འཇུག། རྣམ་པར་རྨོངས་དང་ལྐུགས་པར་བྱེད།། དུག་གིས་འཛིན་དང་འོན་ལོང་དང་།། རང་ཤ་རང་གིས་ཟ་བྱེད་ཅིང་།། བཤིས་ངན་དུག་དང
98b7 ཁྲག་དུ་སྐྲག། འདི་དག་དུས་མིན་འཆི་བྱེད་པ།། ལས་ཀྱི་ཁྱད་པར་ཡོངས་སུ་བསྟན།། ཆར་དབབ་པ་དང་སྤྲིན་དྲལ་དང་།། ཐོག་དང་སེར་བ་དབབ་པ་དང་།། རང་ཕྱོགས་སུ་ནི་བཟློག་ཅིང་བསྲུང་།། བྱད་ཀ
98b8 བཟློག་དང་ངག་བཅིང་དང་། ། ནུས་པ་གཞོམ་དང་ཆོ་འཕྲུལ་དང་།། ཕྲན་ཚེགས་ལས་ཀྱི་གསང་བའོ།། ཐབས་ནི་ལས་ཀྱི་རིམ་པ་སྟེ།། རྟེན་གྱི་གང་ཟག་འགའ་ཞིག་གིས།། དང་པོར་བླ་མ་མཉེས་པར་བྱ།།
iiif viewer powered by OpenSeadragon
