| e-texts navigator |
| Wylie |
97a1 གསང་བ་ཆེན་པོའི་རིགས་དག་པའི།། འདོད་ཆགས་རྡོ་རྗེའི་སྐུར་ལྡན་པ།། ལྷོ་ཕྱོགས་བྱ་རྐང་རི་དང་ནེ།། དཔལ་གྱི་རིལ་མདུན་ཕྱོགས་པ།། དྷ་ན་ཀ་ཐ་པར་པ་ཏ།། པད་མ་གེ་སར་རྒྱས་པའི་དབུས།། ཆོས་ཀྱི
97a2 འབྱུང་གནས་རྟག་པར་གནས། ། དཔལ་ལྡན་དགའ་བའི་ཁང་པ་བརྩེགས།། གསང་བ་སྔགས་ཀྱི་རྒྱ་མཚོ་ཡི།། མ་ལུས་རྒྱལ་བ་བགྲོད་པའི་ཡུལ།། གསང་བ་ཆོས་ཀྱི་དབྱིངས་ཆེན་པོ།། དཔལ་ལྡན་རྒྱུསྐར་དཀྱིལ་འཁོར་དུ།།
97a3 ཀླ་ཀློའི་ཡུལ་གྱི་མི་རྣམས་དང་།། ལྷ་དང་ལྷ་མིན་དྲི་ཟར་བཅས།། གསང་ཆེན་ཡོངས་སུ་རྫོགས་པ་ཡི།། རང་བྱུང་ཡེ་ཤེས་ཕོ་བྲང་དུ།། ཚངས་དབང་ཁྱབ་འཇུག་དབང་ཕྱུག་བདག། དཀྱིལ་འཁོར
97a4 བཞིར་བཅུག་ནས་ཀྱང་། ། སྐྱེ་བོ་ཚིགས་ཅན་རབ་འདུལ་ཕྱིར།། མཆོག་ཏུ་གྱུར་པའི་སྙིང་པོ་གསུངས།། ཕྱོགས་བཅུར་གནས་ཀྱི་སངས་རྒྱས་དང་།། བྱང་ཆུབ་སེམས་དཔའི་ཚོགས་རྣམས་དང་།། དཔའ་བོ
97a5 རྣལ་འབྱོར་དབང་ཕྱུག་ཚོགས། ། གང་གཱ་ཀླུང་གི་བྱེ་སྙེད་ཀྱི།། ཁྲག་ཁྲིག་རི་རབ་རྡུལ་མཉམ་པ།། དེ་དབུས་སེང་གེའི་ཁྲི་བཞུགས་པའི།། ཐུབ་པའི་རྒྱལ་པོ་དེ་བཞིན་གཤེགས།། རྡོ་རྗེ་འཛིན་པ་ཆེན
97a6 པོ་ལ། ། རྡོ་རྗེ་སྙིང་པོ་སེམས་དཔའ་ཆེ།། བླ་གོས་ཕྲག་པ་གཅིག་གཟར་ཏེ།། པུས་མོའི་ལྷ་ང་ས་ལ་བཙུགས།། ཐལ་མོ་སྦྱར་ཏེ་འདི་དོན་ཞུས།། གསང་ཆེན་ཁྱད་པར་འཕགས་པ་ཡི།། ལྷུན་གྱིས་གྲུབ
97a7 པའི་ཕྱག་རྒྱ་ཆེ། ། མི་འགྱུར་རྡོ་རྗེ་ཐེག་པའི་ལམ།། དུས་དང་གནས་དང་གང་ཟག་སྟེ།། སྤྱོད་ཡུལ་བསྟན་པའི་ཁྱད་པར་ནི།། གྲུབ་དང་སྒྲུབ་པ་ཕྲིན་ལས་ཚོགས།། ཐབས་དང་སྟོབས་དང་འཇུག
97a8 པ་སྟེ། ། རིམ་པ་མངོན་བྱེད་རྒྱུར་ལྡན་པ།། དེ་ཉིད་བཅོམ་ལྡན་གསུང་དུ་གསོལ།། ཞེས་གསོལ་ཏོ།། དེ་ནས་བཅོམ་ལྡན་རྡོ་རྗེ་འཛིན་པས་བཀའ་སྩལ་པ།། བླ་མ་སངས་རྒྱས་བསྟན་པ་ལ།། དགལ
iiif viewer powered by OpenSeadragon
