| e-texts navigator |
| Wylie |
96b1 ད་པལ་ཧེ་རུ་ཀ་རྡོ་རྗེ་རང་རིག་པའི་རྣལ་འབྱོར་མའི་ཚོགས་ཀྱི་དཀྱིལ་འཁོར་ཆེན་པོའི་དབུས་སུ་སངས་རྒྱས་ཐམས་ཅད་ཀྱི་ལྷུན་གྱིས་གྲུབ་པའི་གནས་གསང་བར་དབྱང་བླ་ན་མེད་པའི་རྡོ་རྗེ་རབ་ཏུ་རྒྱལ་བའི་སྙིང་པོ་མི་བྱེད་པའི་རྡོ་རྗེལ
96b2 ཏིང་ངེ་འཛིན་ལ་སྙོམས་པར་ཞུགས་ཏེ། ། སྐུ་གསུང་ཐུགས་རྡོ་རྗེའི་སྙིང་པོ་ཡེ་ཤེས་ཀྱི་དངོས་གྲུབ་སྒྲུབ་ཅིང་བདུད་ཀྱི་གཡུལ་ལས་རབ་ཏུ་རྒྱལ་བར་བྱེད་པ་ཞེས་བྱ་བའི་ཆོས་མི་ཟད་པ་ཡང་དག་པར་འབྱུང་བ་ཞེས་བྱ་བ་སྟོན་པར
96b3 མཛད་དོ། ། རྡོ་རྗེ་བཞི་ལ་གནས་པའི་ཚེ།། གཏེར་གྱི་བུམ་པ་ཁ་ཁྱེ་ར་ལྡན།། དུས་ཀྱི་རྒྱལ་པོ་འོད་གསལ་བ།། ཆུ་འཛིན་ཕྱོགས་ཙམ་ཕྱེད་ལྡན་ཉིད།། སྒྲ་དང་སྒྲ་ལས་ཁྱབ་པ་སྟེ།། དུ་མ་མ་ཡིན་གནས་པའི་ཡུལ།། དམ་ཚིག་གས་རབ་འབྱུང
96b4 བ་ལས། ། རྒྱལ་བ་རིན་ཆེན་འབར་བའི་གཙོ།། ཕྱོགས་དུས་མེད་པར་རང་བྱུང་བ།། ཆོས་འབྱུང་པོ་བྲང་དཀྱིལ་འཁོར་དུ།། རིགས་ཀྱི་ཡོན་ཏན་ལྡན་པར་ནི།། ནམ་མཁའི་རྒྱ་མཚོ་འབྲས་ལྡན་པ།། ཕུན་སུམ་ཚོགས་པ་ལྷུན་གྱིས་འགྲུབ།།
96b5 མི་བྱེད་ལྷན་ཅིག་སྐྱེས་པ་རྒྱལ།། ཕོ་བྲང་གསང་བའི་གཞལ་ཡས་ཁང་།། དཀྱིལ་འཁོར་རིན་ཆེན་འོད་འཁྲུག་པ།། གེ་སར་པད་མའི་དབུས་སུ་ནི།། ཀུན་ནས་ཟླུམ་པོར་འཁོར་བ་ནི།། ཚད་མེད་ཕྲེང་བས་བརྒྱན་པ་ནི།། བཀོད་པ་དཔག་མེད
96b6 རིམ་པར་ལྡན། ། རི་རབ་ལྷུན་པོ་མཆོག་བྱུང་བའི།། དེ་ཉིད་ཀུན་ནས་ཡོངས་བསྐོར་བའི།། རྒྱ་མཚོ་དང་ནི་རི་རྣམས་ཏེ།། ཤིན་ཏུ་མཉམ་ཞིང་མཚུངས་པར་འཁོར།། དེ་ཉིད་རིམ་པ་ཡོངས་སུ་བསྟན།། བྱེ་བྲག་མཚུངས་མེད་དམར
96b7 ཆེན་མཚོ། ། རིམ་པས་ཆུ་གཏེར་འོ་མའི་གནས།། འབྱུང་བ་བསྡུས་པ་མི་ལུས་ཀྱི།། ཕུང་པོ་རུས་པའི་རི་བོ་ལ།། ཕྱི་ནང་མཉམ་པའི་ཚད་ཅན་གྱི།། ལྷུན་གྱིས་གྲུབ་པར་བསྟན་པ་ཡིན།། དེ་ལས་དངོས་པོ་སྣ་ཚོགས་ཀྱིས།། ཐ་དད་སྣང་བ
96b8 ཡེ་ཤེས་གཟུགས། ། རང་བྱུང་བདེ་བ་ཆེན་པོ་ཉིད།། མཉམ་པ་མེད་པ་ཀུན་ཏུ་འབྱུང་།། དུས་གསུམ་དེ་བཞིན་གཤེགས་པ་ཡི།། འབྱུང་གནས་སྙིང་པོ་རྡོ་རྗེའི་གདན།། རྡོ་རྗེ་དཀྱིལ་དཀྲུང་མི་ཕྱེད་ལས།། ཐོག་མཐའ་མེད་པའི་རང་བཞིན་ཅན།།
iiif viewer powered by OpenSeadragon
