| e-texts navigator |
| Wylie |
96a1 དུས།། ལས་ལ་སྦྱར་བ་ཤེས་པར་བྱ།། ཇི་སྲིད་ལས་ཀྱི་སྦྱོར་བ་ཡིས།། མགོན་པོ་འཁོར་བཅས་མཉེས་གྱུར་ན།། ལས་དང་དངོས་གྲུབ་སྣ་ཚོགས་པ།། མྱུར་དུ་འགྲུབ་པར་ཐེ་ཚོམ་མེད།། དཔལ་མགོན་པོ་ཆེན་པོ་དངོས་གྲུབ་འབྱུང་བའི
96a2 རྒྱུད་ལས་གསང་བ་མངོན་པར་བྱང་ཆུབ་པའི་ལེའུ་སྟེ་དང་པོའོ། ། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དང་།། བྱང་ཆུབ་སེམས་དཔའ་ཐམས་ཅད་ཀྱིས་བཅོམ་ལྡན་འདས་རྡོ་རྗེ་འཛིན་པའི་གསུང་རྨི་ལམ
96a3 ལྟ་བུར་ཉེ་བར་རགསན་ཏེ། ། གསུང་རྡོ་རྗེའི་ཚིག་འདི་གསུངས་སོ།། རྡོ་རྗེ་འཛིན་པ་གང་ཞིག་གིས།། སྒྱུ་མ་བྲག་ཆའི་སྒྲ་བརྙན་ལྟར།། ཡིད་འོད་དབེན་པའི་གནས་དག་ཏུ།། དངོས་གྲུབ་ཐམས་ཅད་བསྡུས་བསྒྲུབ།། བསྐལ་པ་བཟང་པོ་འདི་ལ་ནི།།
96a4 བྱུང་བའི་མགོན་པོ་མ་ལུས་པ།། ཀུན་གྱི་སྙིང་པོར་གྱུར་པ་ནི།། གསང་བཞིར་སྐྱོང་མགོན་པོ་ཆེ།། སངས་རྒྱས་ཀུན་གྱི་མགོན་པོ་འདིས།། བསྟན་པ་བསྲུང་བར་མཛད་པ་ཡིན།། ཞེས་གསུངས་སོ།། དེ་ནས་བྱང་ཆུབ་སེམས་དཔའ་སེམས་དཔའ
96a5 ཆེན་པོ་ཀུན་ཏུ་བཟང་པོ་ལ་སོགས་པ་དང་། རྡོ་རྗེ་འཛིན་པ་ལ་སོགས་པས་བཅོམ་ལྡན་འདས་ལ་འདི་སྐད་ཅེས་གསུངས་སོ།། གང་དུ་རྡོ་རྗེའི་ཐེག་པ་ཆེ།། གསང་བ་བསྡུས་པའི་ཡང་དག་ལ་མ།། སངས་རྒྱས་བསྟན་པ་བསྲུང་བྱེད་པའི།། སྙིང་པོ
96a6 འབྲས་བུ་ལམ་བྱེད་པ། ། སྙིགས་མ་ལྔ་ལྡན་དུས་ཉིད་དུ།། འདྲེན་པ་ཡེ་ཤེས་བསྟན་པ་བསྲུང་།། འདི་ཉིད་གསང་བའི་སྒྲུབ་པ་གང་།། རྡོ་རྗེའི་ཐེག་པ་འདིར་བསྟན་གསོལ།། དེ་སྐད་ཅེས་གསོལ་པ་དང་།། དེ་ནས་བཅོམ་ལྡན་འདས་རྡོ་རྗེ་འཛིན་པས
96a7 བཀའ་སྩལ་པ། ། ཤེས་རབ་སྙིང་རྗེ་ཟུང་འཇུག་པ།། ཏིང་འཛིན་གང་དུ་སྒོམ་གྱུར་པ།། བླ་མེད་དཀོན་མཆོག་བསྟན་པ་སྟེ།། རྒོལ་བ་ངན་པཟློག་པར་མཛད།། ཐུབ་པ་མཆོག་གི་བསྟན་པ་ལ།། འཛིན་དང་སྐྱོད་དང་སྲུང་བ་གསུམ།། ལྔ་བརྒྱ
96a8 དུས་ཀྱི་སྙིགས་མ་ལ། ། བདག་ཏུ་འཛིན་པ་སྤོང་བར་མཛད།། སྐུ་གསུམ་ཡེ་ཤེས་ལྔ་ལྡན་པར།། གས་བ་གཅིག་པུ་བསྒྲུབ་པར་བྱ་ཞེས་བཀའ་སྩལ་ཏོ།། གསང་བའི་བདེ་བ་ཆེན་པོ་དབྱིངས་ལ་རབ་ཏུ་བཞུགས་པ་བཅོམ་ལྡན་འདས
iiif viewer powered by OpenSeadragon
