| e-texts navigator |
| Wylie |
94b1 དེ་བོ་ཉིད་སྐུའི་ཡི་གེ་ནི།། རྡོ་རྗེ་སྐུ་ནི་ཡི་གེས།། ཞེས་གསུངས་སོ།། དུར་ཁྲོད་བདག་མོས་ཡང་ཞུས་པ།། དབང་པོ་རབ་འབྲིང་རིམ་པ་ཡིས།། ཇི་ལྟར་ཤེས་ན་གྲོལ་བར་འགྱུར།། དབང་པོ་ཆེན་པོས་ཡང་གསུངས་པ།། དབང་པོ་རབ་འབྲིང་གསུམ
94b2 ཡིན་ཏེ། ། དབང་པོ་རབ་ཀྱི་གང་ཟག་ལ།། སྐད་ཅིག་དྲུག་གི་གདམ་ངག་བསྟན།། ཡེ་ཤེས་སྐད་ཅིག་དང་པོ་ཡིས།། གཟུང་བའི་རྣམ་པར་རྟོག་པ་གཅད།། སྐད་ཅིག་གཉིས་པའི་ཡེ་ཤེས་ཀྱིས།། འཛིན་པའི་རྣམ་པར་རྟོག་པ་གཅད།། སྐད་ཅིག།
94b3 གསུམ་པའི་ཡེ་ཤེས་ཀྱིས།། གཟུང་འཛིན་གཉིས་ཀྱི་རྟོག་པ་གཅད།། སྐད་ཅིག་བཞི་པའི་ཡེ་ཤེས་ཀྱིས།། ཉམས་ལ་ཞེན་པའི་རྣམ་ཏོག་གཅད།། སྐད་ཅིག་ལྔ་པའི་ཡེ་ཤེས་ཀྱིས།། ཉམས་མྱོངས་བདེ་བའི་རྣམ་རྟོག་གཅད།། སྐད་ཅིག་དྲུག་པའི
94b4 ཡེ་ཤེས་ཀྱིས། ། ཡིད་ལ་བྱེད་པའི་རྣམ་རྟོག་གཅད།། གྲོལ་འགྱུར་རབ་ལ་ཐེ་ཚོམ་མེད།། དབང་པོ་འབྲིང་པོའི་གང་ཟག་ལ།། རླུང་དྲུག་མན་ངག་བསྟན་པ་ནི།། ལྷན་ཅིག་སྐྱེས་པའི་རླུང་གོམས་པས།། རང་བཞིན་སྒྲིབ་པ་སེལ་བར་བྱེད། ཟད
94b5 ཀར་འབྱུང་བའི་རླུང་གོམས་པས། ། མཚན་མོ་ལྟ་བུའི་སྒྲིབ་པ་སེལ།། རང་ལས་སྐྱེས་པའི་རླུང་གོམས་པས།། ཆོད་པའི་སྒྲིབ་པ་སེལ་བར་བྱེད།། སྤོང་བྱེད་རླུང་ལ་གོམས་པ་ཡིས།། སྔོན་དུ་རྒྱུ་བའི་སྒྲིབ་པ་སེལ།། སྦྱོར་བྱེད་རླུང་ལ་གོམས་པ་ཡི།།
94b6 ཤེས་བྱའི་སྒྲིབ་པ་སེལ་བར་བྱེད།། རྫོགས་བྱེད་རླུང་ལ་གོམས་པ་ཡིས།། ས་རྣམས་རིམས་ཀྱིས་གནོན་པར་བྱེད།། ཡེ་ཤེས་རྣམས་ནི་དུས་གཅིག་འཆར།། ཤེས་བྱ་ཐམས་ཅད་དུས་གཅིག་ཆོད།། རླུང་དྲུག་མ་ཡིན་ཡེ་ཤེས་ཡིན།། མུན་པ
94b7 རྣམས་ནི་བསྒྲིབས་པ་ཡིས། ། ཡེ་ཤེས་རིམས་ཀྱིས་སྐྱེ་བ་དང་།། སྒྲིབ་པ་རིམས་ཀྱིས་སེལ་བར་བྱེད།། གྲོལ་འགྱུར་འདི་ལ་ཐེ་ཚོམ་མེད།། དབང་པོ་ཐ་མའི་གང་ཟག་ལ།། ཡུལ་ནི་དག་པའི་སངས་རྒྱས་ཞིང་།། ལུས་ངག་པ་ནི་དཀྱིལ་འཁོར་ཡིན།། རང་སེམས
94b8 དག་པ་ཕག་མེའི་སྐུ། ། ངག་དག་པ་ནི་སྔགས་སུ་གསུངས།། ལྷ་བསྒོམ་དག་པ་དངོས་གྲུབ་ཡིན།། དཔེ་དོན་གཉིས་སུ་མེད་པ་གང་།། སྐལ་མེད་དངོས་གྲུབ་མི་འབྱུང་བས།། ལོ་དྲུག་བསྒོམས་ན་ཐེ་ཙོམ་མེད།། ཅེས་གསུངས་སོ།། མཁའ་འགྲོ་མ་ཐམས་ཅད་ཀྱི།
iiif viewer powered by OpenSeadragon
