| e-texts navigator |
| Wylie |
94a1 ཨོ།། དགྱེས་པ་སྐུ་ཡི་ཡི་གེ་ནི།། བཛྲ་བཱ་ར་ཧི་ཞེས་འབྱུང་།། ནུས་པ་འབྱུང་བ་གསུང་གི་ཀྲོ་ཏཱ་ཀའི།། རྟོགས་པ་ཐུགས་ནི་ཧེ་རི་ས།། ཡོན་ཏན་འབྱུང་བ་ཨ་བེ་ཤ་ཡ།། འཕྲིན་ལས་མཛད་པ་ཨེ་བཾ་མ་ཡ།། དེ་ལས་གཞན་ཡང་འདི
94a2 ལྷ་སྟེ། ། འཁོར་ལོ་ལྔ་ཡི་དབུས་ཉིད་དུ།། ཡི་གེ་བཞི་པས་རྒྱས་བཏབ་ནས།། བཟླས་པ་ཕྱི་ནང་གསང་བ་གསུམ།། ཞི་བ་ཕྱི་ཡི་བཟླས་པ་ནི།། ཡིག་འབྲུ་རྣམས་ནི་ཁ་དོག་དཀར།། དེ་ལས་འོད་ཟེར་དཀར་པོ་འཕྲོས།། ཉོན་མོངས་ཤེས་བྱའི་སྒྲིབ་པ
94a3 ཀུན། ། བསྐུའི་སྒོ་ནས་བསྟན་པ་ཡིས།། སེམས་ཅན་ཀུན་ལ་ཕོག་པས་ཀྱང་།། སྒྲིབ་པ་ཐམས་ཅད་དག་པར་བསམ།། དེ་བཞིན་གཤེགས་ལ་ཕོག་པས་ཀྱང་།། མཉེས་པའི་མཆོད་པ་ཕུལ་བས་སོ།། བདག་ལ་སླར་ཐིམ་ཞི་བ་འགྲུབ།། རྒྱས་པ་སེར
94a4 པོ་འཕྲོ་འདུ་ཡིས། ། གོང་བཞིན་སྤྲོ་བསྡུ་ཤེས་པར་བྱ།། དམར་པོ་དབང་གི་འཕྲོ་འདུ་བྱ།། དྲག་པོ་ནག་པོའི་འཕྲོ་འདུ་བྱ།། སྣ་ཚོགས་འཕྲོས་པས་ཕྲིན་ལས་བཞིའི།། དངོས་གྲུབ་ཐམས་ཅད་འགྲུབ་པ་ཡིན།། ནང་དང་གསང་བའི་བཟླས་པ་ཡང་།།
94a5 གོང་བཞིན་སྤྲོ་བསྡུ་ཤེས་པར་བྱ།། དུར་ཁྲོད་ཕག་མོས་ཡང་གསོལ་བ།། ཟད་ཅིང་འཕེལ་བར་བྱེད་པ་གང་།། མཐར་ཐུག་པ་ཡི་ཡི་གེ་གང་། ཞེས་ཞུས་སོ།། དཔའ་བོ་ཆེན་པོས་ཡང་གསུངས་པ།། གཏི་མུག་ཟད་བྱེད་ཨ་ཡིན་ཏེ།། ཧ་ས་ནི་ཞེ
94a6 སྡང་ཟད་པར་བྱེད། ། ང་རྒྱལ་ཟད་བྱེད་རི་ཡིན་ཏེ།། ནི་ཡིས་འདོད་ཆགས་ཟད་པར་བྱེད།། ཕྲག་དོག་ཟད་བྱེད་ས་ཡིན་ནོ།། ཨ་ནི་ཆོས་དབྱིངས་ཡེ་ཤེས་འཕེལ།། ཧ་ནི་མེ་ལོང་ཡེ་ཤེས་འཕེལ།། རི་ཡིས་མཉམ་ཉིད་ཡེ་ཤེས་འབེལ།། ནི་ཡིས
94a7 སོ་སོར་རྟོག་བྱེད་འཕེལ། ། ས་ཡིས་བྱ་གྲུབ་ཡེ་ཤེས་འཕེལ།། ཨ་ནི་སངས་རྒྱས་མཁའ་འགྲོར་སྣང་།། ཧ་ནི་རྡོ་རྗེ་མཁའ་འགྲོར་སྣང་།། ན་ནི་ཆེན་མཔ་འ་འགྲོར་དང་། ནི་རིས་བདྲས་པར་འགྲོར་སྔགས་ཡིས་ལ་ཀྱིས་པ་འཐོར་སྣང་།། ཨས་ནི་དེ་བཞིན
94a8 རིགས་ཐོབ་སྟེ། ། ཧ་ས་ནི་རྡོ་རྗེ་རིགས་ཆེན་ཐོབ།། རི་ནི་རིན་ཆེན་རིགས་ཐོབ་སྟེ།། ནི་ཡིས་པད་མའི་རིགས་ཐོབ་བོ།། ས་ནི་ལས་ཀྱི་རིགས་ཆེན་ཐོབ།། ཆོས་སྐུའི་མཐར་ཐུག་ཨ་ཡིན་ཏེ།། ལོངས་སྐུའི་རྣམ་པ་ཡི་གེ་ཧ།། སྤྲུལ་པ་སྐུ་ནི་རི་ཡིན།།
iiif viewer powered by OpenSeadragon
