| e-texts navigator |
| Wylie |
90b1 འཆར་བ་ཐུགས་ཡིན་པས། ། ཁྲོས་མ་ནག་མོ་བསྒོམ་པར་བྱ།། བརྟན་པར་བྱེད་པ་ཡོན་ཏན་ཏེ།། སེར་མོ་དོར་གྲུབ་བསྒོམ་པར་བྱ།། བར་ཆད་སེལ་བ་འཕྲིན་ལས་སྟེ།། སྣ་ཚོགས་མཐར་ཕྱིན་བསྒོམ་པར་བྱ།། རིམས་ཀྱིས་མ་ཡིན་ཅིག་ཅར་ཡིན།། རྒྱ་དང
90b2 འབུར་གྱི་ཚུལ་དུ་བྱ། ། ཡིག་འབྲུ་རྣམས་ཀྱི་གནས་ལུགསི་ན།། སྤྱི་གཙུག་བདེ་ཆེན་འཁོར་ལོ་ན།། བདེ་བྱེད་སྐུའི་ཡི་གེ་བཞི།། རང་བཞིན་རྩའི་གཟུགས་ཅན་ནོ།། མགྲིན་པ་ལོངས་སྤྱོད་འཁོར་ལོན།། གསུང་མཆོག་ཡི་གེ་རྣམ་བཞི་ནི།། རང
90b3 བཞིན་རྩ་ཡི་ཚུལ་དུ་གནས། ། སྙིང་ཁ་ཆོས་ཀྱི་འཁོར་ལོན།། ཐུགས་མཆོག་ཡི་གེ་རྣམ་བཞིན།། རྩ་ཡི་དབྱིབས་དང་འཐུན་པར་གནས།། ལྟེ་བ་སྤྲུལ་པའི་འཁོར་ལོ་ན།། བརྟན་བྱེད་ཡོན་ཏན་ཡི་གེ་བཞི།། དེ་ཡི་རང་བཞིན་རྩ་ཡི་དབྱིབས།། ཕྲིན
90b4 ལས་ཡི་གེ་རྣམ་བཞི་ནི། ། འི་རྒྱས་དབང་དྲག་ཡི་གེ་བཞི།། ལས་དང་རྗེས་འཐུན་གཟུགས་སུ་གནས།། སྙིང་པོ་ལྔའི་བཟླས་ཐབས་ནི།། ཕྱི་དང་ནང་དང་གསང་བ་དང་།། འཕྲིན་ལས་བཞི་ཡི་ཚུལ་དུ་བཟླས།། དམ་ཚིག་ལྔའི་བསྲུང་ཚུལ་ནི།། བདེ་ཆེན
90b5 དཀར་མོའི་དམ་ཚིག་ཏུ། ། སེམས་ཅན་ཀུན་ལ་བྱམས་པ་བསྒོམས།། ཁྲོས་མ་ནག་པོའི་དམ་ཚིག་ཏུ།། དྲག་ཅིང་རྩུབ་པའི་སྤྱོད་པ་བྱ།། སེར་མོ་དོན་གྲུབ་དམ་ཚིག་ཏུ།། དངོས་པོ་ཀུན་ལ་ཆགས་མེད་བྱ།། དམར་མོ་སྒྲ་སྒྲོག་དམ་ཚིག་ཏུ།། སྨྲ་ཞིང
90b6 བུད་མེད་བརྟེན་པར་བྱ། ། སྣ་ཚོགས་མཐར་ཕྱིན་དམ་ཚིག་ཏུ།། རྒྱུག་ཅིང་མཆོད་པའི་སྤྱོད་པ་བྱ།། མཁའ་འགྲོ་སྤྱིའི་དམ་ཚིག་ཏུ།། བདུད་རྩི་ལྔ་དང་ཤ་ལྔ་ལ།། རྟག་ཏུ་ལོངས་སྤྱོད་བྱ་བ་ནི།། བཟའ་བའི་དམ་ཚིག་རྣམ་ལྔ་སྟེ།། གསང་སྔགས
90b7 སྤྱོད་པས་བསྟེན་པར་བྱ། ། དེ་ནས་ཉམས་དང་བྱིན་བརླབས་ནི།། གོ་རིམས་སྐྱེ་ཚུལ་འདི་ལྟ་སྟེ།། དམིགས་པ་མེད་པའི་སྙིང་རྗེ་སྐྱེ།། སངས་རྒྱས་མཁའ་འགྲོའི་ཉམས་མྱོང་ཡིན།། ཆོས་རྣམས་གཟུགས་བརྙན་ལྟར་མཐོང་བ།། རྡོ་རྗེ་མཁའ་འགྲེའི་ཉམས་མྱོང
90b8 ཡིན། ། ཐམས་ཅད་མཉམ་པ་ཉིད་སྐྱེ་བ།། རིན་ཆེན་མཁའ་འགྲོའི་ཉམས་མྱོང་ཡིན།། ཆོས་རྣམས་མ་འདྲེས་སོ་སོར་གསལ།། པད་མ་མཁའ་འགྲོའི་ཉམས་མྱོང་ཡིན།། དངོས་པོ་གང་ལའང་ཐོགས་མེད་མ།། ལས་ཀྱི་མཁའ་འགྲོའི་ཉམས་མྱོང་ཡིན།། ཉོན་མོངས
iiif viewer powered by OpenSeadragon
