| e-texts navigator |
| Wylie |
83b1 གི་མཆོག། གཉུག་མའི་སེམས་ཀྱིས་བསྐུར་བར་བྱ།། ཚེ་གཅིག་འབྲས་བུ་སངས་རྒྱས་དེ།། གཉུག་མའི་སེམས་ཀྱིས་བསྒྲུབ་པར་བྱ།། ཡེ་ཤེས་ལྔ་ཡི་གཟུགས་བརྙན་དེ།། མ་བཅོས་སེམས་ཀྱིས་བསྒྲུབ
83b2 པར་བྱ། ། རྣམ་རྟོག་སེལ་བྱེད་རྣམ་རྒྱལ་ལྔ།། མ་བཅོས་སེམས་ཀྱིས་བཅད་པར་བྱ།། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ལས་ཕག་མོ་མངོན་པར་འབྱུང་བའི
83b3 རྒྱུད་ལས་སྟོན་པས་ཞལ་གྱིས་བཞེས་པའི་ལེའུ་སྟེ། གཉིས་པའོ།། །། དེ་ནས་སྟོན་པས་བཀའ་སྩལ་པ། ཚེ་གཅིག་སངས་རྒྱས་ཐོབ་འདོད་པས།། དང་པོ་གདེང
83b4 ཆེན་ལྟ་བ་གཅེས། ། དེས་ན་ལྟ་བ་དང་པོར་བསྟན།། ཕྱོགས་རིས་མེད་པ་ལྟ་བའི་མཆོག། ནམ་མཁའ་ལྟ་བུ་ཤེས་པར་གྱིས།། ཐམས་ཅད་འདེགས་པ་ལྟ་བའི་མཆོག། ས་གཞི་ལྟ་བུར་ཤེས་པར་གྱིས།། ཐམས
83b5 ཅད་བསྡུད་པ་ལྟ་བའི་མཆོག། འབྱུང་བ་ཆུ་ལྟར་ཤེས་པོར་གྱིས།། ཉོན་མོངས་བསྲེག་པལྟ་བའི་མཆོག། འབྱུང་བ་མེ་ལྟར་ཤེས་པར་གྱིས།། ངོས་བཟུང་མེད་པལྟ་བའི་མཆོག། འབྱུང་བ་རླུང་ལྟར་ཤེས་པར་གྱིས།།
83b6 དེ་ནས་ཡང་སྟོན་པས་གསུངས་པ། འཕོ་འགྱུར་མེད་པ་ལྟ་བའི་མཆོག། རི་བོ་ལྟ་བུར་ཤེས་པར་གྱིས།། གཡོ་འགུལ་མེད་པ་ལྟ་བའི་མཆོག། རྒྱ་མཚོ་ལྟ་བུར་ཤེས་པར་བྱ།། གསལ་བ་མ་འདྲེས་ལྟ
83b7 བའི་མཆོག། འཇའ་ཚོན་ལྟ་བུར་ཤེས་པར་གྱིས།། གཉིས་སུ་མེད་བལྟ་བའི་མཆོག། ག་བུར་ལྟ་བུར་ཤེས་པར་བྱ།། དེ་ནས་ཡང་གས་རབས་ཚིག་འདི་གསུངས་ཏེ། ཟིལ་གྱིས་གནོན་པ་ལྟ་བའི་མཆོག
83b8 སེང་གེ་ལྟ་བུར་ཤེས་པར་བྱ། ། ཉམ་ང་མེད་པ་ལྟ་བའི་མཆོག། གླང་ཆེན་ལྟ་བུར་ཤེས་པར་བྱ།། སྟོབས་དང་ལྡན་པ་ལྟ་བའི་མཆོག། རྟ་མཆོག་ལྟ་བུར་ཤེས་པར་བྱ།། ཀུན་དུ་རྒྱུག་པ་ལྟ
iiif viewer powered by OpenSeadragon
