| e-texts navigator |
| Wylie |
83a1 མགོན་པོ་བདག་ལ་གསོན། ། ཁྱེད་ཀྱི་འཁོར་དུ་འདུས་པ་ཡི།། སྐལ་དང་ལྡན་པ་འདི་རྣམས་ལ།། ལམ་ལོག་མུ་སྟེགས་མ་ལགས་པའི།། དམན་པ་ཉན་ཐོས་མ་ལགས་པའི།། མ་སྨིན་མཚན་ཉིད་མ་ལགས
83a2 པའི། ། བསམ་གྱིས་མི་ཁྱབ་ཆོས་གཅིག་ཞུ།། ཕྱོགས་རིས་མེད་པ་ལྟ་བའི་མཆོག། བསམ་གྱིས་མི་ཁྱབ་བཤད་དུ་གསོལ།། དགག་སྒྲུབ་མེད་པ་སྤྱོད་པའི་མཆོག། བསམ་གྱིས་མི་ཁྱབ་བཤད་དུ་གསོལ།། བར་ཆོད།
83a3 སེལ་བ་བ་དེ་ཡི་མཆོག། བསམ་གྱིས་མི་ཁྱབ་བཤད་དུ་གསོལ།། སྨིན་པར་བྱེད་པ་དབང་གི་མཆོག། བསམ་གྱིས་མི་ཁྱབ་བཤད་དུ་གསོལ།། སངས་རྒྱས་ཐོབ་བྱེད་འབྲས་བུའི་མཆོག། ཡེ་ཤེས་ལྔའི་གཟུགས་བརྙན
83a4 དེ། ། བསམ་གྱིས་མི་ཁྱབ་བཤད་དུ་གསེལ།། རྣམ་རྟོག་སེལ་བྱེད་རྣམ་རྒྱལ་ལྔ།། བསམ་གྱིས་མི་ཁྱབ་བཤད་དུ་གསོལ།། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ
83a5 ཕག་མོ་མངོན་པར་འབྱུང་བ་ཞེས་བྱ་བ་ལས། གླེང་གཞིའི་ལེའུ་སྟེ་དང་པོའོ།། ། དེ་ནས་མགོན་པོ་དེས་སྤྱན་ཕྱོགས་མཚམས་ཀུན་ལ་གཟིགས་ནས་ཞལ་རྡོ་རྗེའི་མགུར་འཛུམ
83a6 པ་མཛད་ནས་བཀའ་སྩལ་པ་ནི། ཨེ་མ་ཧོ། ཉོན་ཅིག་དུར་ཁྲོད་བདག་མོ་ཁྱོད།། དུས་འདིར་ཚོགས་པའི་འཁོར་རྣམས་ལ།། མངོན་པར་འབྱུང་བའི་རྒྱུད་བཤད་ཀྱིས།། ཁ་སྦུབ་ཞབས་རྡོལ་དྲི་མ་ཅན།། སྣོད་སྐྱོན
83a7 གསུམ་པོ་སྤང་བྱས་ལ། ། རྩེ་གཅིག་སེམས་ཀྱིས་མཉན་པར་གྱིས།། ཕྱོགས་རིས་མེད་པའི་ལྟ་བ་དེ།། གཉུག་མའི་སེམས་ཀྱིས་ལྔ་བར་གྱིས།། དམིགས་གཏད་མེད་པའི་སྒོམ་པ་ནི།། གཉུག་མའི་ཡིད
83a8 ཀྱིས་སྐོམ་པར་བྱ། ། དགག་སྒྲུབ་མེད་པ་སྤྱོད་པའི་མཆོག། གཉུག་མའི་ཡིད་ཀྱིས་སྤང་བར་བྱ།། བར་ཆོད་སེལ་བ་བརྡ་ཡི་ཆོས།། གཉུག་མའི་ཡིད་ཀྱིས་གསལ་བར་བྱ།། སྨིན་པར་བྱེད་པ་དབང
iiif viewer powered by OpenSeadragon
