| e-texts navigator |
| Wylie |
79b1 སངས་རྒྱས་ཀུན་གྱི་སྡོམ་པའི་བདག། ཐུགས་ཀྱི་རྡོ་རྗེས་གསུངས་པ་བཞིན།། རྣལ་འབྱོར་སངས་རྒྱས་ཐམས་ཅད་འགྱུར།། ང་ཡིས་བསལ་བར་བརྗོད་པ་ནི།། སྐུ་གསུང་ཐུགས་ཀྱི་གྲུབ་སྦྱིན་པ།། སངས་རྒྱས་ཀུན་མཆོག་གསང་བའི་དོན
79b2 ཐབས་དང་ཤེས་རབ་སྤྱོད་ཡུལ་དོན། ། སེམས་ཅན་དོན་དུ་སྙིང་རྗེ་ཆེ།། སངས་རྒྱས་བྱང་ཆུབ་རབ་བསྒྲུབ་པ།། སཱ་རྗེའི་དཀྱིལ་འཁོར་ང་ཡིས་གསུངས།། དེ་དག་ཐམས་ཅད་དབྱིབས་ཙམ་དུ།། མདོར་བསྡུས་ཐམས་ཅད་མ་བྱས་སོ།། རེས་འག
79b3 དམ་ཚིག་འཁོར་ལོ་ཡང་། ། དེ་ཉིད་ཞེས་བྱ་མ་གསུངས་སོ།། རྟོགས་པ་ཅུང་ཟད་ཙམ་གྱིས་ནི།། གང་འགྲུབ་དོ་ན་རེས་འགའ་ཡང་།། གསུང་གི་འཁོར་ལོར་གསུངས་པ་ཡིན།། རྣམ་རྟོག་མེད་པར་ལྷག་མོས་པས།། སྒྲུབ་པོ་དམ་པས
79b4 བསྒྲུབ་པར་བྱ། ། ཁྲག་དང་ཁུ་བ་དེ་བཞིན་ཤ། བཤད་པ་དང་ནི་གཅི་བ་ཉིད།། དམ་ཚིག་ཞེས་བྱ་རབ་འབད་པར།། གང་ཞིག་བདག་གིས་ཚིག་གསུངས་པ།། དེ་རྣམས་ཀུན་ལ་དེ་བཞིན་གཤེགས།། དེ་རྣམས་ཐ་སྙད་ཙམ་གྱིས་གནས
79b5 གང་ཚོ་དམ་ཚིག་འདོད་ཆགས་སེམས། ། དེས་ནི་དེ་ཉིད་རབ་ཏུ་སྤྱོད།། གང་ཚེ་སེམས་ནི་ཆགས་གྱུར་པ།། དེ་ནི་སེམས་ཅན་ཡོད་མ་ཡིན།། དེ་ལ་ཀུན་དུ་རྟོག་པ་ཡི།། ཁྲག་ནི་ཟ་བར་འགྱུར་བའོ།། ཁྲག་ནི་ཆེན་པོ་ཟོས་ནས་ནི།། འོད་དཔག
79b6 མེད་པའང་བཟའ་བར་བྱ། ། གང་ཞིག་ཆོས་རྣམས་ལས་སྐྱེས་པ།། ཁུ་བའི་སྒྲར་ནི་བསྒྲགས་པར་བྱ།། དེ་ཚེ་མ་སྐྱེས་རྟོགས་པའི་ཕྱིར།། བཟའ་བར་ཡང་དག་གསུངས་པ་ཉིད།། དངོས་པོ་ཀུན་གྱི་མཉམ་པ་ཉིད།། ཤ་ཆེན
79b7 དུ་ནི་རབ་ཏུ་དབྱེ། ། མི་དམིགས་པ་ཡི་རྣལ་འབྱོར་གྱིས།། བཟའ་བ་ཞེས་བྱར་མངོན་པར་བརྗེད།། གང་ཞིག་རབ་ཏུ་འཛག་པའི་སེམས།། ནུས་པའི་རྗེས་སུ་སྦྱོར་བ་ལས།། ཕྱག་རྒྱ་ལས་ཀྱི་སྦྱོར་བ་ཡིས།། དེ་ཡང་གཅི་པའི་སྒྲ་ཡིས
79b8 བརྗོད། ། ཆོས་དང་ཆོས་མིན་ངེས་པའི་སེམས།། སྦས་པའི་ཆར་ནི་གནས་པ་འདི།། ཆོས་རྣམས་ཐམས་ཅད་རབ་རྟོགས་པའོ།། བཤད་པ་ཟ་བར་ཡང་དག་བརྗོད།། དམ་ཚིག་ཉིད་ཀྱི་མཚན་ཉིད་ནི།། འདི་རྣམས་ཐམས་ཅད་གསལ
iiif viewer powered by OpenSeadragon
