| e-texts navigator |
| Wylie |
79a1 གསལ་བར།། རབ་ཏུ་འཇུག་པ་དེ་ཉིད་གསུངས།། སྦྱིན་བསྲེག་ཡང་ནི་བཤད་པ་ཡང་།། ལྷ་རྣམས་ཚིམ་པ་ཡིས་བརྗོད།། རྣམ་རྟོག་མེད་པའི་སེམས་གང་ནི།། ཐབ་ཁུང་སྒྲ་ཡིས་མཚན་པ་ཉིད།། བྱེ་བྲག་བྱེད་པས་མི
79a2 ནང་དུ་གཟུགས་ཀྱི་ཕུང་སོགས་ལྔ་པོ་རྣམས། ། སེམས་ལས་བྱུང་བའི་ཡམ་ཤིང་ཉིད།། ཐམས་ཅད་ཀྱི་ནི་བསྲེ་གཟུགས་བྱ།། གཟུགས་ལ་སོགས་པ་གང་བྱུང་བ།། ཡམ་ཤིང་ཞེས་ནི་རབ་ཏུ་གྲགས།། དེ་ལྟར་སྦྱིན་བསྲེག་བཤད་ནས་ནི། 5
79a3 ཏུགནས་པ་བརྗོད་པར་བྱ། ། སྐུ་གསུང་ཐུགས་ལ་རྟག་ཏུ་ནི།། གང་ཞིག་སེམས་ནི་བརྟན་གྱུར་པ།། དེ་ཉིད་རབ་ཏུ་གནས་པར་བརྗོད།། ཕུང་པོ་རྣམས་ཀྱི་དངོས་པོ་ཅི།། གང་ཞིག་སྔགས་ཀྱི་མཚན་ཉིད་ནི།། དེ་ནི་གསལ་བར
79a4 བརྗོད་པར་བྱ། ། ཡིད་རྣམས་ཀྱིས་ནི་སྐད་དུ་ཡང་།། གང་ཞིག་གསང་བ་བདག་གིས་བརྗོད།། སྐྱེ་བ་མེད་ཅིང་སྣང་མེད་པར།། མཚན་བཞི་མཚན་ཉིད་རྣམ་པར་སྤངས།། གསང་བའི་དོན་ནི་རྟོགས་པའི་ཕྱིར།། འདི་ནི་ང་ཡིས།
79a5 སྔགསུ་གསུངས།། སྔགས་ནི་གསལ་བར་བཤད་ནས་ནི།། ལྷ་རྣམས་ཡང་ནི་བརྗོད་པར་བྱ།། ཕུང་པོ་ཁམས་དང་སྐྱེ་མཆེད་ཀྱི།། རང་བཞིན་གྱི་ནི་ལེགས་གནས་གང་།། ཡང་དག་བྱང་ཆུབ་ཐར་པ་ཉིད།། དེ་ཀུན་ཡང་དག་རབ་བརྟགས
79a6 ཤིང་། ། གལ་ཏེ་སེམས་ཀྱི་ཉེར་བརྟགས་གང་།། ལྷ་ཞེས་བྱ་བར་ཡང་དག་བཤད།། སྐུ་གསུང་ཐུགས་ཀྱི་ཕྱག་རྒྱ་ལས།། དེ་ཉིད་དུ་ནི་ཡང་དག་གསུངས།། ལྷ་ལ་གསོལ་བཏབ་རྣལ་འབྱོར་ནི།། གསལ་བར་ང་ཡིས་བརྗོད་པར་བྱ།། དེ་ན
79a7 དཀྱིལ་ཀྲུང་བཅས་ནས་ནི། ། སྣ་ཡི་རྩེ་མོར་བལྟས་ནས་ཀྱང་།། རང་གི་རང་བཞིན་རྣལ་འབྱོར་གྱིས།། དེ་ཉིད་མཐོང་བ་གཞག་པར་བྱ།། སྙིང་ཁའི་གནསུ་ལག་པ་གཉིས།། འབད་པས་མཉམ་པར་སྦྱར་ནས་སུ།། མི་རྟོག་པ་ཡི་རང་བཞིན
79a8 དུ། ། གང་ཚེ་སེམས་ནི་རབ་རྒྱུ་བ།། སངས་རྒྱས་ཐམས་ཅད་འདུས་པའི་བདག། དེ་ཚེ་དེ་ལ་སྐྱེ་བར་འགྱུར།། སངས་རྒྱས་ཐམས་ཅད་འདུས་པའི་བདག། མྱུར་བར་བྱིན་གྱིས་རློབ་པར་འགྱུར།། སངས་རྒྱས་ཐམས་ཅད་འདུས་པའི་བདག།
iiif viewer powered by OpenSeadragon
