| e-texts navigator |
| Wylie |
72b1 རྟོག་གསུམ། ། དབྱེར་མེད་རྟོགས་པས་ལྷར་སྐྱེས་ལ།། དེ་ཁོ་ན་ཡི་འཁོར་ལོར་བརྗོད།། སྡོམ་པ་ཕྱི་ནང་གསང་བ་ཉིད།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ལ་སོགས་ཉོན་མོངས་པ།། གཉེན་པོས
72b2 ཡེ་ཤེས་དང་དུ་སྡོམ། ། བདག་དང་དངོས་པོར་ལྟ་བ་དང་།། ཐ་མལ་བ་ཡི་རྔམ་རྟོག་ཀྱང་།། དག་པའི་ལྷ་ཡི་འཁོར་ལོར་སྡོམ།། གཟོད་ནས་ལུས་ལ་གྲུབ་པ་ཡི།། རྩ་དང་རླུང་དང་བྱང་སེམས་དང་།། ཨ་བ
72b3 དཱུ་ཏཱིའི་ནང་དུ་སྡོམ། ། བདེ་བ་སྟོང་པ་མི་རྟོག་དང་།། དངོས་དང་དངོས་མེད་ཡེ་ཤེས་ཀྱང་།། དབྱེར་མེད་གཉུག་མའི་ངང་དུ་སྡོམ།། རྒྱུད་ཅེས་བྱ་བ་རྒྱུན་ཡིན་ཏེ།། གནས་སྐབས་གསུམ་གྱི་དྲི་མ་དང་།།
72b4 འཇུག་དང་ཞུགས་དང་ངེས་པ་ཡིས།། རྒྱུ་དང་ཐབས་དང་འབྲས་བུ་སྟེ།། དང་པོ་འཁོར་བའི་རང་བཞིན་ལ།། གཉིས་པ་ཐུན་མོང་མྱ་ངན་འདས།། རྒྱལ་པོ་ཞེས་པ་རྣམ་པ་བཞི།། འོག་མའི་ཡོན་ཏན་ལྡན
72b5 པ་དང་། ། ངེས་པའི་དོན་ལ་དབང་བྱེད་དང་།། གཉེན་པོ་ཡེ་ཤེས་ཆེ་བ་དང་།། གནས་ལ་ཁྱབ་པས་རྒྱལ་པོ་ཡིན།། རྡོ་རྗེ་སྙིང་པོས་ཡང་གསོལ་པ།། དུར་ཁྲོད་བརྒྱད་ནི་ཇི་ལྟར་ལགས།། དེ་ཡི་དགོངས་པ་ཇི
72b6 ལྟར་ལགས། ། བཅོམ་ལྡན་འདས་ཀྱིས་བཀའ་སྩལ་པ།། ཕྱི་ནང་གསང་བ་དེ་ཉིད་ཀྱིས།། དུར་ཁྲོད་རྣམ་པ་བཞི་རུ་འགྱུར།། དང་པོ་ཕྱི་ཡི་དུར་ཁྲོད་ནི།། རྡོ་རྗེ་ར་བའི་ནང་རོལ་ལམ།། ཡང་ན་ཕྱི་རོལ་གྲཱ
72b7 རྣམས་སུ། ། ལུགས་འབྱུང་ལུགས་ལས་བཟློག་པ་ནི།། གཏུམ་དྲག་དང་ནི་ཚང་ཚིང་དང་།། འབརབས་འཁྲུགས་པའི་ཀེང་རུས་དང་། འཇིགས་སྡེ་རྣམས་ནི་ཤར་སོགས་ཀྱི།། ཕྱོགས་སུ་གཡོན་ནས
72b8 བསྐོར་ཏེ་གནས། ། ཧ་ཧར་དགོད་པ་དབང་ལྡན་ཏེ།། དཔལ་གྱི་ནགས་ཚལ་བྱིན་ཟེར་རོ།། འཇིགས་པའི་མུན་པ་བདེན་བྲལ་དུ།། རླུང་མཚམས་ཀི་ལི་ཀི་ལིར་སྒྲོགས།། ཤ་ར་དུ་ཧ་རི་བ་སྐྱེ་ལ།། གཏུམ་དྲག་དཀར་པོ་གླང
iiif viewer powered by OpenSeadragon
