| e-texts navigator |
| Wylie |
72a1 རྒྱ་གར་སྐད་དུ། ཤཱི་ཙཀྲ་ས~ཾ་བ་ར་ཏན་ཏྲ་རཱ་ཛ་ཨད་བྷཱུ་ཏ་ཤྭཱ་སཱ་ནི་ཨ་ལ~ཾ་ཀ་ར་ནཱ་མ། བོད་སྐད་དུ། དཔལ་འཁོར་སྡོམ་པའི་རྒྱུད་ཀྱི་རྒྱལ་པོ་དུར་ཁྲོད་ཀྱི་རྒྱན་རྨད་དུ་བྱུང་བ་ཞེས་བྱ་བ། དཔལ་ཧེ་རུ་ཀ་ལ
72a2 ཕྱག་འཚལ་ལོ། ། འདི་སྐད་བདག་གིས་ཐོས་བཱི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་བཙུན་མོའི་བྷ་ག་རྣམས་ལ་བཞུགས་སོ།། དེ་ནས་རྡོ་རྗེ
72a3 སྙིང་པོ་ལ་སོགས་པའི་དཔའ་བོ་དང་དཔའ་མོ་རྣམས་ཀྱིས་ཕྱིའི་མཆོད་པ་དང་། ནང་དང་གསང་བ་དང་དེ་ཁོ་ན་ཉིད་ཀྱི་མཆོད་པས་མཆོད་ནས་འདི་སྐད་ཅེས་གསོལ་ཏོ།། ཀྱེ་ཧོ་བཅོམ་ལྡན་རྡོ་རྗེ་འཛིན།། དཔལ་ཞེས
72a4 བགྱི་བ་ཇི་ལྟར་ལགས། ། འཁོར་ལོ་ཞེས་པ་གང་ལ་བགྱི།། སྡོམ་པ་ཉིད་ཀྱང་ཇི་ལྟ་བུ།། རྒྱུད་ཀྱི་དོན་ནི་ཇི་ལྟར་ལགས།། དེ་བཞིན་རྒྱུད་ཀྱི་རྒྱལ་པོ་ཅི།། བཅོམ་ལྡན་འདས་ཀྱིས་བཀའ་སྩལ་པ།། དཔལ་ནི་གཉིས
72a5 མེད་ཡེ་ཤེས་ཏེ། ། འཁོར་ལོ་རྣམ་པ་བཞི་རུ་བརྗོད།། ཕྱི་ནང་གསང་བ་དེ་ཉིད་དོ།། དང་པོ་ཕྱི་ཡི་འཁོར་ལོ་ནི།། སྐུ་མདོག་ཕྱག་མཚན་ལྷ་ཡི་སྐུ།། དྲུག་བཅུ་རྩ་གཉིས་རིམ་པ་སྟེ།། ཡེ་ཤེས་དམ་ཚིག
72a6 སྐུ་གསུང་ཐུགས། ། དཀྱིལ་འཁོར་ཕྱོགས་མཚམས་རིམ་པ་བཞིན།། ལུགས་འབྱུང་ལུགས་ལས་བཟློག་པ་ནི།། ཐ་མལ་གཅོད་པས་ཕྱི་རུ་བཤད།། གཉིས་པ་ནང་གི་འཁོར་ལོ་ནི།། གནས་སོག
72a7 ས་བཅུའི་རིམ་པ་རྣམས། ། མཐོ་རིས་ས་སྟེང་ས་འོག་དང་།། འཁོར་ལོ་སྒོལ་དགོད་པ་ནི།། ཕྱི་རོལ་སྤྲོས་པ་གཅོད་པའོ།། གསུམ་པ་གསུམ་པའི་འཁོར་ལོ་ནི།། སྤྲུལ་པ་ཆོས་དང་ལོངས་སྤྱོད་དང་།
72a8 དེ་བཞིན་བདེ་བ་ཆེན་པོ་སྟེ།། རྩ་ཆེན་སུམ་ཅུ་རྩ་གཉིས་ཀྱི།། གནས་སུ་གྱུར་པས་སྡུག་བསྔལ་གཅོད།། དགའ་བ་དང་ནི་མཆོག་དགའ་དང་།། རྣམ་པའི་དགའ་བའི་གཉེན་པོ་ནི།། བདེ་བ་སྟོད་པ་མི
iiif viewer powered by OpenSeadragon
