| e-texts navigator |
| Wylie |
67b1 དེ་བཞིན་རྩ་དང་རླུང་འདོད་སོགས།། དེ་བཞིན་རང་རིག་ཧེ་རུ་ཀ། ཟ་མ་མ་བསྟེན་བརྩོན་འགྲུས་མེད།། ཤེས་རབ་མི་ལྡན་བཟོད་སོགས་མེད།། རིགས་དང་རིག་པའི་ང་རྒྱལ་ཅན།། ཁེ་དང་གྲགས་པ་རྙེད་དང
67b2 དགའ། ། རྒྱུ་དེས་ལོག་རྟོག་སྣ་ཚོགས་བསྐྱེད།། དེ་བས་ཧེ་རུ་ཀར་གྲགས་པའི།། དངོས་གྲུབ་འདོད་པའི་རྣལ་འབྱོར་པས།། དད་ལྡན་གུས་བཅས་ཕ་རོལ་ཕྱིན།། རྫོགས་བྱས་བླ་མ་དམ་པ་ལས།། མན་ངག།
67b3 ཡང་དག་བླང་པར་བྱ།། མམོའི་ཚོགས་ཀྱིས་ཡང་ཞུས་པ།། ཧེ་རུ་ཀ་དཔལ་དེ་ལྟར་ན།། རྡོ་རྗེ་ཕག་མོ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། རྡོ་རྗེ་གསུམ་སྟེ་ཕག་ནི་གཉིས།། དོན
67b4 གྱི་རྡོ་རྗེ་དེ་ནས་རྟགས། ། ཐ་མ་རྫས་ཀྱི་རྡོ་རྗེ་སྟེ།། དོན་གྱི་རྡོ་རྗེ་བཞི་པ་སྟེ།། གཟུང་འཛིན་རྣམ་པར་རྟོག་པ་ཡིས།། མི་ཕྱེད་ཕྱིར་ན་རྡོ་རྗེ་སྟེ།། དབང་བཞིས་རྡོ་རྗེ་རེ་རེའོ།། རྟགས་ཀྱི་རྡོ་རྗེ་གསུམ་ཡིན་ཏེ།།
67b5 རྩེ་གསུམ་རྩེ་ལྔ་རྩེ་དགུ་སྟེ།། རྩེ་གསུམ་སྐུ་གསུང་ཐུགས་ཀྱི་རྟགས།། རྩེ་ལྔ་ཡེ་ཤེས་ལྔ་ཡིན་ཏེ།། ཁམས་གསུམས་དགུ་འཇོམས་པ་ཡི།། རྟགས་སུ་རྡོ་རྗེ་རྩེ་དགུའོ།། རྫས་ཀྱི་རྡོ་རྗེ་བཞི་ཡིན་ཏེ།
67b6 ཟླུམ་པོ་ལ་སོགས་རྣམ་པ་བཞི།། མི་ཤེས་དྲི་མས་ཆེས་གོས་པའི།། དུད་འགྲོར་སྐྱེས་པའི་ཕག་མོ་དང་།། ཤེས་རབ་ཆར་བྱུང་ཕག་མོ་སྟེ།། དེ་ཉིད་རྣམ་པ་བཞི་རུ་ངེས།། བུས་དབང་ཞེ་སྡང་གཅི
67b7 བུག་པག། གསང་དབང་རླུང་གི་གཏི་མུག་པག། གསུམ་པ་ཆགས་དགའ་གཏི་མུག་པག། བཞི་པ་ཆོས་དབྱིངས་གཏི་མུག་ཕག། འདི་ཉིད་ཁྱོད་ལ་ལེགས་པར་གཏང་།། ཐམས་ཅད་རྗེས་སུ་ཡིད་རང་ངོ་།།
67b8 དཔལ་མེའི་ཕྲེང་བའི་རྒྱུད་ཀྱི་རྒྱལ་པོ་ཤྲཱི་ཧེ་རུ་ཀའི་ངེས་པར་འབྱུང་བ་རྫོགས་སྷོ།། ། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་པའོ།།
iiif viewer powered by OpenSeadragon
