| e-texts navigator |
| Wylie |
67a1 བའི་ཧེ་རུ་ཀ། རླུང་སོགས་རང་བཞིན་གནས་པ་ཡི།། རྒྱུ་སྤངས་ཕྱིར་ནི་ཧེ་ཞེས་བརྗོད།། རླུང་སོགས་ལམ་ལ་བརྟེན་པ་ཡི།། ཚོགས་དང་བྲལ་ཕྱིར་རུ་ཞེས་བརྗོད།། རླུང་དང་རྩ་དང་ཐིག་ལེ་དང་།། ཙན
67a2 ལི་ཡི་ཁ་དོག་དང་། ། དབྱིབས་ལ་མི་གནས་ཕྱིར་ན་ཀ། སེམས་ཉིད་བདེ་བར་གནས་པས་སོ།། ནང་གི་ཐབས་དང་ཤེས་རབ་མེད།། དེ་ཡི་ཕྱིར་ན་ཤཱི་རུ་གསུངས།། མིག་སེར་ནད་ཀྱིས་བཏབ་པ་ལྟར།། རང་སེམས་བདེ་བར
67a3 གནས་པས་སོ། ། སེམས་ཉིད་བདེ་བར་གནས་པ་དང་།། བདེ་བ་ལ་རྟེན་ཚོགས་དང་ལྡན།། ལྷན་ཅིག་སྐྱེས་པའི་རྒྱུ་རྐྱེན་ལྡན།། སེམས་དང་བདེ་བ་ཐ་དད་མེད།། སེམས་དང་བདེ་བ་གང་གནས་པ།། མཆོག་དང་ཆད་པའི་དབུས
67a4 གནས་པ། ། གསུམ་པའི་དཔལ་ལྡན་ཧེ་རུ་ཀ། དེ་ནས་བཞི་པའི་ཧེ་རུ་ཀ། རང་རིག་སྟོང་པར་གནས་པའི་ཚེ།། ལྷན་ཅིག་སྐྱེས་པའི་རྒྱུ་རྐྱེན་བྲལ།། དེ་ཡི་ཕྱིར་ན་ཧེ་ཞེས་བརྗོད།། ཕ་རོལ་ཕྱིན་དྲུག་བདེ་བའི་ལམ།། ཐམས་ཅད་སྟོང
67a5 པརརོ་རོ་གཅིག་པས། ། ཚོགས་གཉིས་བྲལ་ཕྱིར་རུ་ཞེས་བརྗོད།། བདེ་བ་ཙམ་ལའང་མི་གནས་ཕྱིར།། ཀ་ཤེས་ངེས་པར་བརྗོད་པ་ཡིན།། སེམས་ཉིད་རང་རིག་སྟོང་པར་གནས།། སྟོབས་སོགས་ཕུན་སུམ་ཚོགས་པས
67a6 ན། ། རང་བཞིན་ལྷན་ཅིག་སྐྱེས་པ་དང་།། གཟུགས་སྐུའི་རྒྱུ་རྐྱེན་ལ་སོགས་ལྡན།། ཤྲཱི་ཞེས་བྱ་བ་མངོན་པར་བརྗོད།། དབྱིངས་དང་ཡེ་ཤེས་གཉིས་སུ་མེད།། དངོས་པོར་རོ་མཉམ་མཐའ་ཡས་པའི།། སེམས་ཀྱི་དེ་ཉིད་ལ་གནས
67a7 པ། ། བཞི་པའི་དཔལ་ལྡན་ཧེ་རུ་ཀ། བདུད་རྣམས་ཀུན་ལ་ཐོ་འཚམ་ཞིང་།། ལྷན་ཅིག་སྐྱེས་པའི་དུར་ཁྲོད་རོ་ལ།། མི་གསལ་གསལ་བའི་རང་བཞིན་མེད།། སྣང་ཞིང་གསལ་ལ་རང་བཞིན་མེད།། མེ་ལོང་བཞིན་འདྲ་ཆུ
67a8 ཟླ་བཞིན། ། མཁས་པས་འབད་དེ་འཁྲུལ་པ་སྤང་།། དེ་ལྟར་དོན་ནི་མ་རྟོགས་པར།། ཁ་ཅིག་སྐུ་མདོག་ཕྱག་མཚན་ལ།། ཧེ་རུ་ཀ་ཡི་རྣམ་པར་རྟོག། ཁ་ཅིག་གཟུགས་བརྙན་རྣམ་པར་རྟོག། ཁ་ཅིག་རང་གི་ངོ་བོར་འདོད།།
iiif viewer powered by OpenSeadragon
