| e-texts navigator |
| Wylie |
66b1 མཆིས། ། ཤཱི་ནི་གང་ལགས་ཏེ་གང་ལགས།། རུ་ནི་གང་ལགས་ཀ་གང་ལགས།། དབང་བཞི་ཧེ་རུ་ཀ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཤཱི་ནི་གཉིས་མེད་ཡེ་ཤེས་ཏེ།། ཧེ་ནི་རྒྱུ་སོགས
66b2 རྣམ་པར་སྤངས། ། རུ་ནི་ཚོགས་དང་བྲལ་བ་ཉིད།། ཀ་ནི་གང་དུའང་མི་གནས་སོ།། དེ་ལྟའི་དཔལ་ལྡན་ཧེ་རུ་ཀ། རྟག་ཏུ་ལུས་དང་སེམས་ལ་གནས།། དེ་ཉིད་ལ་ཡང་རྣམ་པ་བཞི།། དབང་བཞི་གྲངས་ཀྱིས་ངེས་པ་སྟེ།། དང་པོ
66b3 བུམ་དབང་ཧེ་རུ་ཀ། སྐུ་དང་ཕྱག་མཚན་སྣང་བའི་ཚེ།། རང་སེམས་ལས་སུ་རུང་བ་སྟེ།། དེ་ཚེ་འཇིག་རྟེན་ཐ་མལ་པའི།། རྒྱུ་དྲུག་རྐྱེན་བཞི་འབྲས་བུ་བཞི།། སྤངས་པའི་ཕྱིར་ནི་ཧེ་ཞེས་བརྗོད།། ལས་དང་ཉོན་མོངས་ཚེགས
66b4 དང་བྲལ། ། དེ་ཡི་བྱིར་ན་རུ་ཞེས་བརྗོད།། འཇིག་རྟེན་ཐ་མལ་རྣམ་རྟོག་གི། གཟུང་འཛིན་གང་ཡང་མི་གནས་པའི།། ཕྱིར་ན་ཀཾ་ཞེས་གསུངས་པའོ།། ཐབས་དང་ཤེས་རབ་ཟུང་འཇུག་པས།། གཟུང་འཛིན་གཉིས་འགགས
66b5 གཉིས་སུ་མེད། ། དེ་ཡི་ཕྱིར་ན་ཤཱི་རུ་བརྗོད།། བསྐྱེད་པའི་རིམ་པ་ཧེ་རུ་ཀ། ཕག་མོ་ལ་གནས་ཚོགས་དང་ལྡན།། ཟག་མེད་རྒྱུ་རྐྱེན་ཀུན་དང་ལྡན།། ཐབས་དང་ཤེས་རབ་གཉིས་ཀྱི་ཚུལ།། དེ་ནས་གསང་དབང་ཧེ་རུ་ཀ། ཉི་ཟླ་ཕྱག
66b6 མཚན་ཡིག་འབྲུའི་ཚོགས། ། བསྐྱེད་རིམས་རྒྱུ་རྐྱེན་ཀུན་སྤངས་ཏེ།། རླུང་སོགས་ལས་སུ་རུང་བས་ན།། དེ་ཡི་ཕྱིར་ན་ཧེ་ཞེས་བརྗོད།། ཕྱི་ཡི་སྦྱིན་སྲེག་གཏོར་མ་དང་།། མཆོད་པ་དཀྱིལ་འཁོར་ལ་སོགས་པའི།། ཚོགས་དང་བྲལ་བའི།
66b7 བྱི་ན་རུ།། བསྐྱེད་པའི་རྡོ་རྗེ་ཕག་མོ་དང་།། དམིགས་དང་ལྟ་སྤྱོད་གང་ལ་ཡང་།། མི་གནས་ཕྱིར་ན་ཀ་ཞེས་བརྗོད།། བསྐྱེད་པའི་གཟུང་འཛིན་གཉིས་མེད་པའི།། ཕྱིར་ན་ཤཱི་ཞེས་གསུངས་པ་སྟེ།། རྒྱུ་རྣམས་ལམ་ལ
66b8 སོགས་དང་ལྡན། ། རླུང་སོགས་ཐབས་དང་ཤེས་རབ་ཚུལ།། རླུང་སོགས་སྒྱུ་མའི་ངོ་བོར་གནས།། རྩ་རླུང་རང་བཞིན་གནས་ལ་སོགས།། ནང་གི་རྒྱུ་དང་རྐྱེན་སོགས་ལྡན།། ནང་གི་དཔལ་ལྡན་ཧེ་རུ་ཀ། དེ་ནས་གསུམ
iiif viewer powered by OpenSeadragon
