| e-texts navigator |
| Wylie |
63b1 པ། ། ཤེས་པར་བྱ་བའི་དམ་ཚིག་གོ། སྒོ་གསུམ་སྐུ་གསུང་ཐུགས་སུ་བསམ།། བསྲུང་བར་བྱ་བའི་དམ་ཚིག་ག། ཉོན་མོངས་དྲུག་དྲུག་གཟུང་འཛིན་ཀུན།། རང་རིག་སྐྱེ་བ་མེད་པར་བསྒྲལ།། བསྒྲལ་བའི་དམ
63b2 ཚིག་ཆེན་པོ་ཡིན། ། དམ་ཚིག་དོན་དུ་དམ་ཚིག་དག། རུས་དྲུག་དུས་གཉིས་ལོ་བར་དུ།། བརྟུལ་ཞུགས་ཅན་གྱིས་དམ་ཚིག་སྲུང་།། དངོས་གྲུབ་དོན་དུ་རྟག་ཏུ་བསྲུང་།། སྐད་ཅིག་ཙམ་ཡང་གནང་བ་མེད།། རང་གི
63b3 ལུས་ཀྱི་ཉེས་པ་ལས། ། གཞན་གྱི་ལུས་ཀྱི་ཉེས་འབྱུང་བ།། འདི་ནི་སྐུ་ཡི་ཉེས་པར་བཤད།། རང་གི་ལུས་ཀྱིས་ཉེས་པ་ལས།། གཞན་གྱི་དག་གི་ཉེས་འབྱུང་བ།། བདག་གི་སྐུ་ཡི་ཉམས་པ་སྟེ།། གཞན་ལ་གསུང
63b4 གི་ཉམས་པར་འགྱུར། ། གཞན་ཡང་མཁས་པས་ཤེས་པར་བྱ།། རང་ལ་རྩ་བའི་ཉེས་པ་ལས།། གཞན་ལ་ཡན་ལག་ཉེས་འབྱུང་དང་།། ལེགས་པ་ལས་ནི་ཉེས་འབྱུང་སོགས།། བླ་མའི་ཞལ་ནས་ཤེས་བྱ་སྟེ།།
63b5 འབད་དེ་དམ་ཚིག་བསྲུང་བར་བྱ།། དམ་ཚིག་དེ་ཡི་དོན་རྣམས་ལ།། འཁོར་རྣམས་འཇིགས་ཤིང་སྐྲག་གྱུར་ཏེ།། རྡོ་རྗེ་ཕག་མོས་ཡང་ཞུས་པ།། དམ་ཚིག་འདི་ཡི་དོན་རྣམས་ནི།། ཟབ་ཅིང་རྒྱ་ཆེ་རྟོགས་པར
63b6 དཀའ། ། མགོན་པོ་ཁྱོད་ཀྱིས་བཞེས་པར་ཞུ།། བཅོམ་ལྡན་འདས་ཀྱིས་བཀའ་སྩལ་པ།། བདུད་རྩི་ཁར་ཟོས་སླར་ལ་དོར་བ་མེད།། ངན་སྐྱུགས་ཕྱིར་དོར་སླར་ལ་ཟ་བ་མེད།། རང་རིག་བྱང་ཆུབ་བདུད་རྩིའི་རོ་ཚོར
63b7 ན། ། ལོག་རྟོག་འཁྲུལ་པའི་རྒྱུ་འབྲས་ག་ལ་ཚོལ།། དེ་བས་དམ་ཚིག་ཁོ་ན་གཙོ་བོར་གྱིས།། དེའི་ཚེ་འཁོར་འདུས་པ་ཐམས་ཅད་ཀྱང་རྒྱུད་ཀྱི་དོན་ལ་རྗེས་སུ་ཡིད་རང་བར་གྱུར་ཏོ།། མཁའ་འགྲོ་མའི
63b8 སྡོམ་པའི་རྒྱུད་ཀྱི་རྒྱལ་པོ་རྫོགས་སྷོ། ། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།། །། རྒྱ་གར་སྐད་དུ། བཱི་ཌཱ་ཀི་ནཱི་གུ་ཧྱ་ཛྭ་ལ་ཏན་ཏྲ་རཱ་ཛཱ། བོད
iiif viewer powered by OpenSeadragon
