| e-texts navigator |
| Wylie |
53b1 མཉེས་པའི་དོན་གྱིས་མཆོད་པ་སྟེ།། སྤོས་སོགས་བྲལ་བས་མཉེས་པ་མེད།། རང་སེམས་ལས་སུ་རུང་བ་དག། མཉེས་པས་མཆོད་པ་ཆེན་པོ་སྟེ།། གདོན་དང་གནོད་པ་ཞི་བ་དང་།། བང་ཆད་ཞི་དང་དངོས་གྲུབ་དག། འབྱུང་བའི
53b2 བྷིརིན་གཏོང་མ་སྟེ། ། འབྲས་སོགས་ཕྱི་ཡི་གཏོར་མ་ཡིས།། གདོན་སོགས་ཞི་བར་མི་འགྱུར་ཏེ།། རང་གི་སྒོ་གསུམ་རྣམ་རྟོག་དག། གདོན་ལ་སོགས་པར་སྣང་བ་སྟེ།། འཁྲུལ་པའི་རྣམ་རྟོག་མ་སྤངས་པར།། གདོན་མོག
53b3 ཞི་བར་མི་འགྱུར་ཕྱིར། ། སྒོ་གསུམ་རྣམ་རྟོག་འཇོམས་པ་ཡི།། སེམས་ཀྱི་གཏོར་མ་གཏོར་མའི་མཆོག། གདོན་དང་གནོད་པ་ཞི་བ་དང་།། དམ་ཚིག་གསོ་དང་ལྷ་རྣམས་འགོ། དངོས་གྲུབ་ཐམས་ཅད་འབྱུང་བར
53b4 འགྱུར། ། ཕྱི་ནང་གཏོར་མར་ངེས་པའོ།། རྒྱུད་རྣམས་ཉེ་བར་ཞི་བ་དང་།། ལུས་ལས་འབྱུང་ཕྱིར་ལྷ་ཡིན་ཏེ།། ཕྱི་ཡི་དཀྱིལ་འཁོར་ལྷ་མ་ཡིན།། ལུས་དང་ཡན་ལག་ཏུ་མ་ཡིན།། ཁ་མིག་ལ་སོགས་ལྷ་མ་ཡིན།། ལུས་ལ།
53b5 མ་ཐུ་གཡེང་བའི་ཕྱིར།། དབང་པོ་སྒོ་གསུམ་གཡེང་བ་དགག། རང་གི་ལུས་ལ་རང་ལུས་འབྱུང་།། སྒོ་གསུམ་ཞི་ཕྱིར་ལྷ་ཞེས་བརྗོད།། ཡིད་སྐྱོབ་ཕྱིར་ན་སྔགས་ཡིན་ཏེ།། རང་སེམས་ལས་སུ་རུང་བ་དང་།། རྣམ་རྟོན
53b6 གདོན་རྣམས་ལས་སྐྱོབ་ཕྱིར། ། འདི་ནི་སྔགས་ཀྱི་རྒྱལ་པོར་གསུངས།། གཞན་ཡང་དངོས་གྲུབ་འདོད་པ་ཡིས།། ཐམས་ཅད་བླ་མའི་ཞལ་ནས་བླང་།། རྗུད་འདི་གཏད་ཀྱིས་ནན་ཏན་གྱིས།། དེའི་ཚེ་འཁོར་འདུས་པ་ཐམས
53b7 ཅད་རྒྱུད་ཀྱི་དོན་ལ་ཡིད་རང་བར་གྱུར་ཏོ། ། དཔལ་གསང་བ་བདུད་རྩིའི་རྒྱུད་ཀྱི་རྒྱལ་པོ་རྫོག་སྷོ།། །། རྒྱ་གར་གྱི་མཁན་པོ་གཱ་ཡ་དྷུར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་བསྐུར་བའོ།། །
53b8 རྒྱ་གར་སྐད་དུ། ཤྲཱི་ཤྨ་ཤཱ་ནི་ཨ་ལང་ཀ་ར་ཏན་ཏྲ་རཱ་ཛཱ། བོད་སྐད་དུ། དཔལ་དུར་ཁྲོད་རྒྱན་གྱི་རྒྱུད་ཀྱི་རྒྱལ་པོ། དཔལ་བདེ་བ་ཆེན་པོ་ལ་ཕྱག་འཚལ་ལོ།། འཇིགས་བྱེད་ཆེ་ལ་ཕྱག་འཚལ་ཏེ།། ཞབས་ལ་སྤྱི་བོས་ལེགས་བཏུད
iiif viewer powered by OpenSeadragon
