| e-texts navigator |
| Wylie |
4a1 གལ་ཏེ་དེ་རུ་མ་ཟིན་ན།། འཁོར་བར་ལྟུང་བས་རང་གིས་སུ།། ཏིང་ངེ་འཛིན་གྱིས་ཧཾ་ལ་བསྡུ།། ལྕེ་ཡིས་བྱང་ཆུབ་སེམས་བླངས་ལ།། རོ་མའི་འཁོར་ལོ་རུ་ནི་བསྟིམ།། དེ་ལྟར་མ་བྱས་དམ་ཚིག་ཉམས
4a2 ལྷ་མོས་གསོལ་པ་བཅོམ་ལྡན་འདས། ། ཤེས་རབ་བསྐྱོད་ཐབས་འབའ་ཞིག་གམ།། ཐབས་ཀྱིས་བསྐྱོད་པ་འབའ་ཞིག་གམ།། རྣལ་འབྱོར་པ་དང་རྣལ་འབྱོར་མ།། བདེ་བ་ཁྱད་པར་མེད་དམ་ཅི།། བདེ་བའི་ངོ་བོ་རྗེ
4a3 ལྟར་ལགས། ། བཅོམ་ལྡན་འདས་ཀྱིས་བཀའ་སྩལ་པ།། བསྐྱོད་པ་བུད་མེད་ཀྱིས་ཀྱང་བསྐྱོད།། སྦྱོར་ཐབས་ཀྱང་ནི་ཐབས་ཀྱིས་བྱ།། དེ་ལས་བདེ་བ་ཁྱད་པར་འཕགས།། དཔེར་ན་ངར་དང་སཱལ་མ་བཞིན།། ཐབས་ཀྱིས
4a4 སྣ་ལ་མའི་ཆ་ཙམ་མྱོང་། ། ཤེས་རབ་དར་གྱི་ཤམ་བུ་ཙམ།། དོ་ཕྱིར་རྣལ་འབྱོར་མའི་རྒྱུདོ།། རྣལ་འབྱོར་མ་ཡི་འགྲུབ་པར་གསུངས།། རྒྱུད་ཀྱི་ནང་ན་མཆོག་ཡིན་པས།། རབ་གནས་སྦྱིན་སྲེག་དབང་བསྐུར་དང་།། མཆོད།
4a5 དང་བཟླས་དང་གཏོར་མ་དང་།། ཁྲུས་དང་བསྲུང་བ་ལ་སོགས་པ།། གསང་བ་འདི་ལས་གཞན་ན་མེད།། འབྲས་བུའི་ནང་ན་འདི་མཆོག་སྟེ།། ཡེ་ཤེས་ལྔ་ཡི་སྤྲོས་དང་བྲལ།། དེ་ནས་ལྷ་མོས་འཁོར་དཔག་ཏུ
4a6 མེད་པ་དང་། མཁའ་འགྲོ་མ་རྣམས་འདོད་ཆགས་ཀྱི་ཐེ་ཚོམ་ཡོངསུ་ཟད་ནས། བཅོམ་ལྡན་འདས་ལ་ཀུན་གྱིས་འཁྱུད་ནས་གསང་བའི་མཆོད་པས་བདེ་བ་ཆེན་པོའི་རས་གང་བར་མཆོད་ནས་མི་སྣང་བར
4a7 གྱུར་ཏོ། ། གསང་བའི་ཡང་གསང་བགས་། རྗེ་རྒྱལ་པོ། འཁོར་ལོ་སྡོམ་པའི་རྟོག་པ་རྒྱུ་དང་འབྲས་བུའི་དེ་ཁོ་ན་བསྟན་པའི་ལེའུ་སྟེ། བཞི་པའོ།། ། གསང་བ་རྡོ་རྗེའི་རྒྱུད་ཀྱི་རྒྱལ་པོ་ཞེས་བྱ་བ་རྫོག་སྷོ།།
4a8 བན་ཌི་ཏ་རང་ན་བཛྲ་དང་། ལོ་ཙྪ་བ་དག་སླང་ཤཱཀྱ་ཡེ་ཤེས་ཀྱིས་བསྒྱུར་ཏེ་གཏན་ལ་ཕབ་པའོ།། །། རྒྱ་གར་སྐད་དུ། ཤཱི་གུ་ཧྱ་སརྦ་ཙྪིན་དྷ་ཏན་ཏྲ་རཱ་ཛཱ། བོད་སྐད་དུ། དཔལ་གསང་བ་ཐམས་ཅད
iiif viewer powered by OpenSeadragon
