| e-texts navigator |
| Wylie |
48a1 དབང་པོའི་སྒོ་བསྡུས་ཐབས་ཡིན་ནོ།། གོང་མ་སྐྱེ་བའི་སྒྲར་འགྱུར་བའི།། ཕྱིར་ཡང་ཆེན་པོར་གྱུར་པ་སྟེ།། གཞན་གྱི་དོན་དུ་གྱུར་པ་དང་།། དེ་ལས་གཞན་དག་མོས་འགྱུར་དང་།། མདབ་མི་མོས་སྤོང་བ་དང་།། ཉོན
48a2 མོངས་སྤྱི་ཡིས་ཟིལ་མ་ནོན། ། ། བྱེ་བྲག་འདོད་ཆགས་ཞེ་སྡང་སོགས།། ཟིལ་གྱིས་མི་ནོན་འོག་མ་ཡི།། རྣམ་རྟོག་གང་ཡང་མི་སྐྱེ་དང་།། ཉོན་མོངས་སྤྱི་དང་བྱེ་བྲག་སྤོང་།། གཉེན་པོ་ཡིན་པར
48a3 ངེས་པ་དང་། ། ཉོན་མོངས་སྐྲ་རྩེ་ཙམ་མ་སྐྱེ།། གཉིས་ནི་གོང་དང་འདྲ་བ་སྟེ།། བཅུ་ཡིས་འདོད་ཆགས་ཆེན་པོ་དག། བཅོམ་ལྡན་འདས་སུ་གསུངས་པ་སྟེ།། ཞེ་སྡང་ལ་སོགས་དེ་བཞིན་ནོ།། ཟབ་མོའི་ལྟ་སྤྱོད་མ་རྟོགས་པར།།
48a4 སྔགས་སྤྱོད་བཟླས་པ་ལ་སོགས་བྱེད།། དེ་དག་ངལ་བ་དོན་མེད་ཡིན།། དེ་དག་བླ་མ་དམ་པ་ལས།། མན་ངག་དམ་པ་བཙལ་བྱ་སྟེ།། འཁྲུལ་པ་དང་ནི་འཁྲུལ་བཞི་ལས།། སད་པར་བྱེད་པའི་ཆོ་ག་བླང་།། དེའི་ཚེ་རྒྱུད་ཀྱི་དོན
48a5 ལ་དགའ་ཞིང་རྗེས་སུ་ཡིད་རང་བར་གྱུར་ཏོ། ། དཔལ་ཡེ་ཤེས་རྒྱལ་པོ་ཞེས་བྱ་བའི་རྒྱུད་ཀྱི་རྒྱལ་པོ་རྫོགས་སྷོ།། །། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་བའོ།།
48a6 རྒྱ་གར་སྐད་དུ། ཤྲཱི་བཛྲ་ཌཱ་ཀ་གུ་ཧྱ་ཏན་ཏྲ་རཱ་ཛཱ། བོད་སྐད་དུ། དཔལ་རྡོ་རྗེ་མཁའ་འགྲོ་གསང་བའི་རྒྱུད་ཀྱི་རྒྱལ་པོ།། དཔལ་ཧེ་རུ་ཀ་ལ་ཕྱག་འཚལ་ལོ།། ཀྱེ་ཧོ་མངོན་རྫོགས་མགོན་པོ་ཀྱེ།། དབང་རྣམས་དམ
48a7 པ་ཡོད་དམ་ཅི། ། གཙོ་འཁོར་ཁྱད་པར་མེད་དམ་ཅི།། སེམས་ཅན་དང་ནི་སངས་རྒྱས་ལ།། བྱེ་བྲག་ཐ་དད་མེད་དམ་ཅི།། དམ་ཚིག་ཆེ་ཆུང་ཇི་ལྟར་མཆིས།། དེ་ཉམས་བཤགས་ཐབས་ཡོད་དམ་ཅི།། བཅོམ་ལྡན་འདས
48a8 ཀྱིས་བཀའ་སྩལ་པ། ། རྣམ་རྟོག་གཟུང་འཛིན་དགག་པ་དང་།། རང་རིག་ཡེ་ཤེས་ལྤགས་པའི་ཕྱིར།། དབང་རྣམས་སྒྱུ་མ་ཙམ་དུ་ཡོད།། རྣལ་འབྱོར་སེམས་ཀྱི་ངོ་བོ་རུ།། དབང་ནི་ངེས་པ་ཁོ་ན་སྟེ།། ལུས་ངག་ཀུན་ནས
iiif viewer powered by OpenSeadragon
