| e-texts navigator |
| Wylie |
47a1 དང་ནི་འཁྲུལ་བའི་གའི། ། ཐམས་ཅད་འདི་ཡིས་སྤོང་བར་བྱེད།། འཇིག་རྟེན་འཇིག་རྟེན་འདས་པ་ཡི།། དངོས་གྲུབ་ཐམས་ཅད་འདི་ལས་འབྱུང་།། གོང་བུ་ཆུ་དང་གཟུགས་སུགནས། དེ་བཞིན་གཟུགས་ལས་འདས
47a2 བ་སྟེ། གནས་པ་རྣམ་པ་བཞི་རུ་ཡང་།། རྒྱུད་ནི་ངེས་པ་ཁོ་ན་སྟེ།། རྒྱུད་ནི་དབང་པོའི་ངོ་བོར་གནས།། དེ་ཕྱིར་དངོས་གྲུབ་འདོད་པས་ཀྱང་།། འབད་པས་བླ་མ་མཉེས་བྱས་སྟེ།། རྒྱུད་ཀྱི་ངོ་བོ་དབང་རྣམས་དང་།། དེ་ཡི་མན་ངག
47a3 ཤེས་པར་བྱ། ། བླ་མ་མཉེས་པར་མ་བྱས་ཤིང་།། དབང་རྣམས་ཐོབ་པར་མ་བྱས་པར།། ཉན་པ་ལ་སོགས་བྱེད་པ་ནི།། འབྲས་བུ་མེད་ཅིང་བརླག་པར་འགྱུར།། དེ་བས་འབད་དེ་ནན་ཏན་བྱ།། དཔལ་ཉི་མའི་འཁོར་ལོའི་རྒྱུད་ཀྱི་རྒྱལ་པོ
47a4 རྫོགས་སྷོ། ། །། རྒྱ་གར་གྱི་མཁན་པོ་གཱ་ཡ་དྷ་ར་དང་།། ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། ། @#།། རྒྱ་གར་སྐད་དུ། ཤཱི་ཛྙཱ་ན་རཱ་ཛ་ཏན་ཏཱ་རཱ་ཛཱ། བོད་སྐད་དུ།
47a5 དཔལ་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ།། དཔལ་བདེ་བ་ཆེན་པོ་ལ་ཕྱག་འཚལ་ལོ།། ཀྱེ་མ་སངས་རྒྱས་ཀྱི་སངས་རྒྱས།། ཀྱེ་མ་སངས་རྒྱས་མཛད་པ་ལེགས།། གང་ཕྱིར་སེམས་ཅན་ཐམས་ཅད་ཀྱིས།། མྱ་ངན་འདས་པ་ཐོབ་བྱའི
47a6 ཕྱིར། ། དད་དང་བརྩོན་འགྲུས་རྫོགས་བྱས་ཏེ།། བླ་མའི་རྗེས་སུ་འཇུག་པར་བྱ།། རང་རིག་གཉིས་སུ་མེད་པ་ལ།། གཞན་རིག་གཉིས་སུ་འཛིན་པས་འཁྲུལ།། བཟོད་ནས་མ་སྐྱེས་མ་གྲུབ་ལ།། སྐྱེ་དང་གྲུབ་པར་འཛིན་པས་འཁྲུལ།།
47a7 དངོས་པོ་རོ་མཉམ་གྱུར་པ་ལ།། དམན་དང་གྱ་ནོམ་འཛིན་པས་འཁྲུལ།། འཁོར་བ་ཡོངས་སུ་ཤེས་པ་ཉིད།། མྱ་ངན་འདས་པར་བརྗོད་པ་ལ།། སངས་རྒྱས་སེམས་ཅན་རྟོག་པས་འཁྲུལ།། རང་བཞིན་ལྷུན་གྱིས་གྲུབ་པ་ལ།། རྒྱུ
47a8 དང་རྐྱེན་ཀྱིས་སྐྱེ་བས་འཁྲུལ། ། བརྡ་དང་ཐ་སྙད་བྲལ་བ་ལ།། བློ་ཡི་སྤྱོད་ཡུལ་བྱེད་པས་འཁྲུལ།། མཐའ་བྲལ་ཨུ་མར་གནས་པ་ལ།། རྟག་དང་ཆད་པར་འཛིན་པས་འཁྲུལ།། ཤེས་བརྗོད་ཡུལ་ལས་འདས་པ་ལ།། བདག་དང་བདག།
iiif viewer powered by OpenSeadragon
