| e-texts navigator |
| Wylie |
41b1 སོར་བཞིན་མ་མཁའི་ཁམས། ། སེམས་བཅིང་རང་རིག་བསམ་མི་ཁྱབ།། རྒྱུ་རྐྱེན་ལས་ནི་སྣ་ཚོགས་ལས།། སེམས་ཅན་མོས་པ་སྣ་ཚོགས་འབྱུང་།། དེ་དག་བཅིང་གསུམ་དག་པ་ཡིས།། སེམས་ཅན་བཅིངས་ལས་ངེས
41b2 པར་གྲོལ། ། བླ་མའི་ཞལ་ནས་ཤེས་པར་བྱ།། འདུ་ཤེས་གསུམ་གྱི་ཆ་ལས་གྲོལ།། ཐིག་ལེ་ཆ་གསུམ་ཕྲ་མོ་ནི།། ཡན་ལག་ལྔ་ལྡན་འབྱུང་བའི་རིམ།། སྒྲ་དང་རང་རིག་རེ་རེར་སྣང་།། སྟོང་ཉིད་ཐབས་དང་ཤེས་རབ་ཚུལ།། ས་དང
41b3 ལམ་སོགས་རིམ་པ་ཀུན། ། རང་བཞིན་གྱིས་གནས་མཁས་པས་སྦྱར།། དེ་ནས་སྒྲོན་མའི་ཚད་བསྟན་ཏེ།། ཚད་ནི་སྤྱི་དང་བྱེ་བྲག་སྟེ།། བརྒྱ་ཕྲག་གཉིས་དང་བཅུ་གཉིས་དང་།། ཡི་གེ་གསུམ་ལས་ངེས་འབྱུང་བ།། གསང་བ
41b4 གཅོད་པའི་རྒྱུད་ཀྱི་ཚད། ། བརྒྱ་ཕྲག་ཅིག་དང་སུམ་བཅུ་ལྔ།། ཡི་གེ་བཅུ་དགུ་ལས་བྱུང་བ།། རིན་ཆེན་ཕྲེང་བའི་ངེས་པའི་ཚད།། བརྒྱ་ཕྲག་གཅིག་དང་སུམ་བཅུ་བཞི།། མི་འགྱུར་བཅུ་གསུམ་ལས་བྱུང་བ།། སྐུ་གསུང་ཐུགས་ཀྱི
41b5 སྒྲོན་མའོ། ། བརྒྱད་བཅུ་རྩ་ལྔར་ཡི་གེ་བཞིས།། མ་ཚང་བ་ལས་གང་འགྱུར་བ།། གསང་བ་བསམ་གྱིས་མི་ཁྱབ་པའོ།། བརྒྱད་བཅུ་རྩ་གཉིས་ཡི་གེ་གཅིག། རིན་ཆེན་འབར་བའི་ལྡང་ཚད་དོ།། སུམ་བཅུ་རྩ་གཅིག་ཡི་གེ་ནི།
41b6 ཉི་ཤུ་རྩ་གཉིས་ལས་བྱུང་བ།། ནམ་མཁའ་མཉམ་པའི་ཚད་ཡིན་ནོ།། དྲུག་བཅུ་རྩ་དྲུག་ཡི་གེ་དྲུག། དམ་ཚིག་ཆེན་པོའི་རྒྱུད་ཀྱི་ཚད།། དྲུག་བཅུ་ཡི་གེ་ཉི་ཤུ་གཅིག། གསང་བ་རྡོ་རྗེར་རབ་ཏུ་གྲགས།། དྲུག་བཅུ་རྩ་གཉིས་མི་འགྱུར
41b7 བ། ། བཅུ་དྲུག་སྟོབས་པོ་ཆེ་ཡི་ཚད།། བཞི་བཅུ་རྩ་གཅིག་ཡི་གེ་ལྔ།། ནམ་མཁའ་ཆེན་པོའི་ཚད་ཡིན་ནོ།། དྲུག་བཅུ་ཅུ་དྲུག་ཡིག་དྲུག། ཡེ་ཤེས་འབར་བའི་ལྡང་ཚད་དོ།། སུམ་བཙུན་དྲུག་ཡི་གེ་དགྲ།། ཡེ་ཤེས་འཕྲེང་བའི་ཚང།
41b8 ཡིན་ནོ།། སུམ་བཅུ་རྩ་བཞི་ཉི་ཤུ་བཞི།། མཁའ་འགྲོགས་བའི་ཚད་ཡིན་ནོ།། སུམ་བཅུ་རྩ་བཞི་བཅུ་བཞི་དག། མེ་ཡི་ཕྲེང་བའི་ཚད་ཡིན་ནོ།། ཉི་ཤུ་རྩ་གཉིས་བཅོ་བརྒྱད་དག། ཡེ་ཤེས་རྒྱལ་པོའི་ལྡང་དང།
iiif viewer powered by OpenSeadragon
