| e-texts navigator |
| Wylie |
3a1 གིས་གཅིག་འཁྱུད་ནས། ཧེ་རུ་ཀ་དང་ཕག་མོ་རབས་མ།། ཤེས་རབ་རྐང་པ་གཉིས་བརྐྱང་ནས།། ཐབས་ནི་ཐབས་ལྡན་གྱིས་བསྐྱོད་ནས།། ནང་རྟགས་ཕྱི་རུ་བསྟན་པའི་ཕྱིར།། ཤེས་རབ་མ་ལ་རྟགས།
3a2 གསུམ་འབྱུང་།། ལུས་འདར་འཕར་བ་སྐུ་ཡི་རྟགས།། མི་བཟོད་སྐད་འདོན་དག་གི་རྟགས།། ཤེས་པ་རྒྱལ་བ་ཐུགས་ཀྱི་རྟགས།། འདི་ནི་གསང་བའི་དཀྱིལ་འཁོར་སྟེ།། འདི་ཡིས་སྐྲ་དཀར་གཉེར་མ་སྤོང་།། ནད
3a3 ཀྱི་ཟུག་རྔུ་ཐམས་ཅད་འཇོམས། ། འདི་ནི་གསང་བའི་བཅུད་ཀྱིས་ལེན།། ཕྱི་ཡི་དཀྱིལ་འཁོར་བསྒོམས་པ་མིན།། གསང་བའི་དཀྱིལ་འཁོར་ཉིད་ལ་གནས།། སྦྱིན་བསྲེག་ལ་སོགས་བྱ་བ་མིན།། གསང་བའི་རྡོ་རྗེ
3a4 རྒྱུད་འདི་ནི། ། ཀུན་གྱིས་ཐོས་པར་མི་འགྱུར་ཏེ།། གླེགས་བམ་སོར་ནི་བཅུ་གཉིས་བྱ།། གླེགས་བམ་གསང་བའི་གནས་སུ་སྦ།། ཡོངས་སུ་སྨིན་པའི་རྣལ་འབྱོར་མ།། འགའ་ཡིས་མཐོང་གི་གཞན་ལ་སྭ།
3a5 གསང་བ་སྟོན་པའི་བླ་མ་ནི།། སངས་རྒྱས་ཉིད་པས་བཙུན་པ་ཡིན།། གཞན་ཡང་འདོད་པའི་སྟན་ཐོག་ཏུ།། གསུངས་པའི་སྦྱོར་ཐབས་ཀུན་བྱས་ནས།། ལྔ་བཅུ་ནས་བཟུང་སྟོང་གི་བར།། རྣལ་འབྱོར་མ་ཀུན་བདེ་མེད་ཀྱང་།།
3a6 སྦྱོར་ཐབས་མཁས་པས་བསྐྱོད་བྱས་ནས།། བཅུ་གཉིས་མདང་བདེ་བ་མཉམ།། སྦྱོར་ཐབས་མི་ཤེས་སྦྱོར་བྱས་པས།། རླུང་མཁྲིས་བད་ཀན་ཀུན་ནས་སྐྱེ།། ཤེས་རབ་ཀྱིས་ཀྱང་ཐབས་ལ་སྟེ།། སྦྱོར་ཐབས་མཁས་པས་ཤེས
3a7 རབ་མ། ། ཐབས་ཀྱིས་རྟག་ཏུ་བསྟེན་པར་བྱ།། སྦྱོར་ཐབས་མཁས་པའི་རྣལ་འབྱོར་པས།། རྣལ་འབྱོར་མོ་ཡི་གསང་ལ་བསྟེན།། གསང་ལ་བསྟེན་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། མིང་སྲིད་ཚུལ
3a8 ལམ་རྗེ་འབངས་ཚུལ། ། ཕ་སྤང་ཚུལ་ལམ་མཁན་སློབ་ཚུལ།། གཞན་གྱིས་མི་རིག་ངོ་ཚ་བསྲུང་།། དབེན་པའི་གནས་སུ་སྦྱོར་བ་བྱ།། གལ་ཏེ་མ་བསྟེན་དམ་ཚིག་ཉམས།། ཚེ་འདི་ཉིད་ལ་དམྱལ་བར་ལྟུང་།། ལྷ་མོས
iiif viewer powered by OpenSeadragon
