| e-texts navigator |
| Wylie |
288b1 རྡོ་རྗེ་སེམས་དཔའ་མི་གཡོ་བ་དག་པོའི་ཏིང་ངེ་འཛིན་ལ་སྙོམས་པར་ཞུགས་ནས་འདི་ཉེ་བར་གསུངས་སོ། ། དངོས་དང་དངོས་མེད་རྣམ་གྲོལ་བའི།། དགའ་བ་བཞི་ཡི་དེ་ཅིག་མཆོག། རྣམ་པར་རྟོག་པ་ཀུན་སྤངས་པའི།། སྤྲོས
288b2 བ་མེད་པའི་རང་བཞིན་། ། མོངས་པ་གང་གིས་ང་མི་ཤེས།། ལུས་དང་ངག་རྣམས་ཀུན་ལ་གནས།། ད་ནི་དེ་རྣམས་ཕན་དོན་ཕྱིར།། རྣམ་པ་ལྔ་ཡིས་ཡང་དག་གནས།། དེ་ནས་བཅོམ་ལྡན་འདས་མ་རྡོ་རྗེ་དབྱིངས་ཀྱི་དབང་ཕྱུག་མ
288b3 ཞེ་སྡང་རྡོ་རྗེ་མའི་ཏིང་ངེ་འཛིན་ལ་སྙོམས་པར་ཞུགས་ནས་འདི་ཉེ་བར་གསུངས་སོ། ། སྟོང་དང་སྙིང་རྗེ་དབྱེར་མེད་པའི།། ལྷའི་འདོད་པས་བདེ་བར་གནས།། བདག་ནི་ཀུན་རྟོག་རྣམ་པར་བྲལ།། སྤྲོས་པ་མེད་ཅིང་གཡོ་བ་མེད།། བུད
288b4 མེད་གང་གིས་ང་མི་ཤེས། ། བུད་མེད་ཀུན་གྱིས་ལུས་ལ་གནས།། བདག་ནི་དེ་རྣམས་ཕན་དོན་ཕྱིར།། རྣམ་པ་ལྔ་ཡིས་ཡང་དག་གནས།། དེ་ནས་བཅོམ་ལྡན་འདས་མི་གཡོ་བ་ནག་པོ་ལ།། བཅོམ་ལྡན་འདས་མ་ཞེ་སྡང་རྡོ་རྗེ་མས་དམ
288b5 དུབསྲུང་ནས་བཙུམ་པར་མཛད་དེ། ། གསོལ་བ་གཏབ་པ་དང་།། ལྷ་མོ་ལྷ་མོ་དགའ་ཆེན་མོ།། གསང་བ་ཤིན་ཏུའང་རྙེད་དཀའ་བ།། སྙིང་པོ་ལས་སྙིང་མཆོག་གི་གཙོ།། སངས་རྒྱས་ཀུན་གྱིས་ལེགས་གསུངས་པ།། རྒྱུད་ཀྱི་རྒྱལ་པོ
288b6 དབང་ཕྱུག་མ་ཆོག། དགའ་མ་རྒྱུད་ཆེན་མཉན་པར་གྱིས།། དཔའ་བོ་གཅིག་པུཞེས་བྱ་བས།། སེམས་ཅན་དངོས་གྲུབ་མྱུར་དུ་འགྲུབ།། དཀྱིལ་འཁོར་མ་མཐོང་བ་རྣམས་ལ།། རྒྱུད་འདི་རབ་ཏུ་བསྟན་མི་བྱ།། དཀྱིལ་འཁོར
288b7 གཞན་དུ་ཞུགས་པ་ལའང་། ། རྒྱུད་འདི་བསྟན་པར་མི་བྱའོ།། གང་ཞིག་གཏུམ་པོ་ཁྲོ་བ་ཡི།། དཀྱིལ་འཁོར་རབ་ཞུགས་མཉམ་བཞག་ཅིང་།། དད་དང་བརྩོན་འགྲུས་མཆོག་ལྡན་ལ།། གཏུམ་པོའི་རྒྱུད་འདི་བསྟན་པར་བྱ
288b8 བླ་མ་ལ་གུས་སྙིང་རྗེ་ཅན། ། སྔགས་ཀྱི་ཐེག་པར་མཆོག་ཏུ་གཞོལ།། གཏུམ་པོའི་དབང་ཕྱུག་ལ་རྟག་གུས།། དེ་ལ་རྒྱུད་འདི་བསྟན་པར་བྱ།། རྣལ་འབྱོར་པ་གང་ལ་ལ་ཞིག། འདོད་བརྐམ་སངས་རྒྱས་སྲུང་བྱེད་པས།།
iiif viewer powered by OpenSeadragon
