| e-texts navigator |
| Wylie |
286b1 ལྟེ་བར་གནས། ། མིང་ཁར་འགྲེང་བར་གནས་པ་ཉིད།། རྟག་ཏུ་ལ་ནི་མར་ཕྱོགས་པ།། མཁས་པ་ཡིས་ནི་རྒྱས་པར་བྱ།། རྟག་ཏུ་འདབ་མ་བརྒྱད་པར་འགྱུར།། གསུངས་པའི་གེ་སར་གྱིས་ནི་བརྒྱན།། དེ་དབུས་ཟླ་བ་དཀར་པོ་ནི།། འོ་མ་ཟླ་བ་དེ་ཡི
286b2 དབུས། ། འདི་ལྟར་ཤེས་པའི་རྣལ་འབྱོར་པ།། གསང་བའི་གདན་གྱི་མིང་ཉིད་ཡིན།། གཟུགས་ལ་སོགས་པ་མི་བཟུང་ཞིང་།། སྟོད་པའི་སེམས་ཀྱང་མ་ཡིན་ནོ།། གཟུགས་ཀྱང་སྟོང་པ་དེ་བཞིན་དབུས།། ཡེ་ཤེས་ཅན་གྱིས་དེ་བཞིན
286b3 བཟུང་མཉམ་ཉིད་ཡེ་ཤེས་ཐམས་ཅད་ཀྱིས། ། ཀུན་ནས་བལྟ་བའི་ཐམས་ཅད་རིག། བླ་མས་བསྟན་པའི་ལམ་གྱིས་ནི།། རྟག་ཏུ་ངེས་པར་བལྟ་བར་བྱ།། ཇི་ལྟར་བུ་མོ་གཞོན་ནུ་གཏམ་གྱིས་རྨོངས་ནས་སུ།། གཉིས་ཀ་འཐབས
286b4 པད་ཅིང་གཏམ་ནི་སྨྲས་པ་དང་། ། ལམ་ནི་ཇི་ལྟར་བསྟན་ཀྱང་བཟུང་བར་མི་ནུས་པ།། དེ་བཞིན་རྣལ་འབྱོར་པ་ནི་གཞོན་ནུས་བསྟན་པ་བཞིན།། རྣལ་འབྱོར་པ་ཡིས་ཐོས་ཙམ་གྱིས།། ཉོན་མོངས་རིང་དུ་སྤོང་བར་བྱེད།། གང་ཞིག་སྟོར
286b5 བ་བསྟེན་པ་ཡིས། ། སངས་རྒྱས་འབྲས་བུ་མྱུར་བར་འཐོབ།། གང་གིས་སྣ་ཚོགས་བསྟེན་པ་ཡིས།། དེ་ཡིས་ལས་ནི་འགྲུབ་པར་འགྱུར།། ཐམས་ཅད་རྒྱུད་དུ་བཤད་པ་ནི།། རྣམ་ཤེས་ལྷན་ཅིག་སྦེད་པར་བྱེད།། ཇི་ལྟར་སེམས།
286b6 ཀྱིས་ཀུན་ནས་ནི།། ནན་ཏན་གྱིས་ནི་ཡེ་ཤེས་སྦྱར།། གསང་བའི་གདན་གྱི་ལེའུ་གཉིས་པ་ཞེས་བྱ་བའོ།། །། ཟླ་བའི་དཀྱིལ་འཁོར་དབུས་གནས་པར།། རྡོ་རྗེ་སེམས་དཔའ་མངོན་པར་སྤྲུལ།། དེ་ཡི་སྙིང་ཁར་ཡི་གེ་ཧཱུཾ།
286b7 ཁ་དོག་དཀར་པོ་བསམ་པར་བྱ།། བདུང་རྩི་རེ་བ་ཐིག་ལེ་དང་།། དེ་ཡིས་བོན་སྦྱར་བར་བྱ།། ཞི་བར་རྒྱལ་ཞིང་མཆོག་ཏུ་བརྩོན།། ཞི་བའི་དུས་ལ་བབ་ནས་ནི།། བདག་ཉིད་སྦྱིན་སྲེག་རབ་ཏུ་བྱ།། ཞི་བའིའོ།། སྙིང་ཁ་དཀྱིལ་འཁོར་དབུས་སུ
286b8 ནི་ཁ་དོག་ཞི་བར་མཚུངས་པའོ། ། བདུད་རྩི་ཀུན་ནས་རིག་པ་ཡི།། ཟླ་བའི་དབུས་སུ་བསྒོམ་པར་བྱ།། དེ་ལྟར་བསྒོམ་པའི་རྣལ་འབྱོར་པའི།། རྒྱས་པར་ཡོངས་སུ་གྲགས་པ་ཉིད།། སྙིང་ཁང་ཉི་མའི་དཀྱིལ་འཁོར་ལ།། རྐེད་པར
iiif viewer powered by OpenSeadragon
